يا ريت نعمل ريبورت تحت في كل صفحة عشان اللي بيغش
يتعمله رييورت واللعبة تشوف فعلا هو بيستخدم
حاجة ولا لا
Printable View
يا ريت نعمل ريبورت تحت في كل صفحة عشان اللي بيغش
يتعمله رييورت واللعبة تشوف فعلا هو بيستخدم
حاجة ولا لا
تخيل كده فى مالا يقل عن 800 لاعب , لو كل واحد منهم عمل ريبورت فى التانى من خلال مجرد ضغطة ماوس من موقع اللعبه نفسة, عارف كمية التقارير اللى حتجيلنا قد ايه و بالتالى مش حنقدر نركز مع كل البلاغات اللى حتوصلنا نظرا لأنهم كتير هبل و ده شئ مش مظبوط فى رأيى الشخصى.
ولكن انت عندك الطريقة البديلة وهى إنك تقدر تبلغ عن اى لاعب بتشك فيه إنه بيخالف قوانين اللعبه, بأنك تروح على مركز الدعم الفنى من الرابط ده
ومنها تقدر تعمل تذكرة جديدة وتبلغنا بالاسم أو الاى دى الخاص بالاعب
بالتوفيق
تحية طيبة للجميع وبعد
انا بقترح فكرة ممتازة وتعمل نوع من الإقبال وعدم الملل وهى انه يتم
اضافة سيرفر آخر بحيث اذا دخل سيرفر فترة نهاية الراوند يكون الاعب مستمر فى اللعبه وفى نفس الوقت ما يتم منعه من متعة اللعبه وانتظار الروند الجديد حتى يبدأ مره اخري
تحياتى للجميع ابو ساره
أشكرك على تواصلك معانا فى منتدى اللعبة أبو ساره
بالفعل فى موقع أخر للعبة وهى النسخة التجريبية المعروفة بإسم بيتا و فيها بيتم إختبار الروند والتغييرات اللى بتنزل فى الدورة الجديدة قبل صدورها فى الموقع الرسمى للعبة.
بيتا مفيهاش اى جوايز , وعلشان تدخل بيتا لازم لك دعوة من أحد المنظمين, ممكن تعمل تذكرة فى مركز الدعم الفنى و تتواصل معانا وتزودنا ببعض البيانات و احنا حنساعدك ان شاء الله اذا حبيت تدخل بيتا.
أهلا بيك مرة تانيه,
بالتوفيق
شكرا لك
انا عارف نسخة بيتا ياريت دعوة فيها
تحياتى
أهلا بيك, من فضلك ( إضغط هنا ) عشان تعرف تفاصيل اكتر
بعد التحية
ارجوا اضافة المزايدات الخاصة بكل لاعب تحت مكونات المخدرات الخاصة به بشكل ظاهر ومباشر تحت المكونات لتسهيل معرفة ما تم المزايدة عليه وايضا ذكر اسم صاحب المزاد الحالى وهذا لانه يوجد مجرمين فى عصابة واحده وطبعا مصلحتهم من مصلحة بعض فى البيزنس وعدم تدمير اقتصادهم لبعض كفريق عصابة واحده
وأيضا اقترح اضافة إحصائية تفصيلية على شكل ترتيب الاعبين بشكل خاص لكل عضو حتى يعرف الاعب قوته فى هذا العالم الإجرامي ويأخذ حرصه لمعرفة قوته بين المجرمين مثل
كم سرقة الاعب
قوة الاعب الهجومية
الكاشات الإجمالية للاعب (صافى سعر المخدرات والمكونات المجموعة لدى العضو ولا يتم حساب المخدرات داخل المصانع ما لم يتم تجمعها)
منها يعرف كل مجرم قوته ويعطيه الدافع للمنافسة والمتعة الأكثر بهذه الإحصائيات الخاصة
وشكرا لكم
بعد التحية
ارجوا اضافة تبليغ فى صفحة كل عضوية لسهولة وسرعة التبيلغ عن الاعب وقت ملاحظة مخالفة علي الاعب
وأيضا اضافة خاصة بكل عضوية خرجنى من العصابة اذا تم الهجوم عليها ويكون مثل ظبط اختياري للاعب حتى اذا تمت خيانه العصابة من عضو الثقه يكون الاعب قادر على إكمال الروند وتعويض ما حدث
وأيضا إلغاء حساب الثقه اذا تم الغدر من الاعب الموثق به وضرب العضوية أكثر من ٣ مرات
شكرا لكم
السلام عليكم
المزايدات بتتم بشكل فعلى فى الثوانى الأخير قبل إنتهاء المزاد نفسه وده بيكون لضمان ان اخر لاعب شارك فى المزاد هو أخر لاعب قام بالمزايدة وبالتالى يحق له الفوز بالمزاد و بالتالى
* إضافة خانة خاصة بالمزايدات الخاصة بيه مش حتكون فعالة أوى - عوضا عن ذلك . تم عرض المزايدات اللى انت شاركت فيها باللون الأخضر عشان تعرف تفرق بين المزادات الموجودة فى القائمة
* الأحصائيات موجودة بشكل تفصيلى بالفعل من خلال قائمة الأوائل و منها روح على إحصائيات اللعبة - أما بخصوص المعلومات المذكورة فا هى بالفعل موجودة فى حسابك وظاهرة أمامك طول الوقت زى قوة الهجوم و السرقة الفردية او الجماعية.
بخصوص التبليغ عن أى لاعب من خلال الصفحة الشخصية , تم الرد على هذا الاقتراح سابقا , تقدر تراجع نفس الموضوع عشان تعرف الرد.
وجودك فى العصابة أو إختيارك لصديق علشان تديله علاقة ثقة هى قرارات إنت الوحيد المسئول عنها . بالتالى اتخذها بعناية لأن ولاد الحرام مسابوش لولاد الحلال حاجة. أو بمعنى أصح - إحنا غير مسئولين عن اى خسارة حتحصل بسبب اختيار خاطئ ومنقدرش نمنع ده لأن الخيانة جزء لا يتجزأ من اللعبة , أهلا بيك فى مدينة الجرائم.
بشكرك على تفاعلك واهتمامك ووقتك و بتمنالك التوفيق.
شكرا على اجابتك الشامله
تحياتى لك