تغييرات الدورة رقم 100 + الخصائص لكل شخصية

السلام عليكم

التغييرات الجديدة للدورة رقم 100 كالأتى :

الشخصيات رجعت من تانى بشكل جديد و تغييرات و مميزات جديدة خاصة بكل شخصية *
* الحد الاقصى انك تقتل نفس الاعب اصبحت 20 مرة فقط *
* سرقة جديدة نزلت حصريا لشخصية الحرامى فقط بإسم مدينة الجرايم *
* الحد الاقصى للاحترام اللى حتاخده من المهارات هو 10 مليون احترام فقط *

فى حال وجود اى اخبار جديدة حتضاف للدورة رقم 100 حيتم إضافتها فى نفس الموضوع

أى حد عنده سؤال بخصوص الدورة الجديدة . ياريت تبلغنا بيه هنا فى نفس الموضوع

تعديل بتاريخ 16-مارس

شرح مبسط للخصائص لكل شخصية مع توضيح نسب المميزات و العيوب
معلومة مهمه لازم الكل يبقى عارفها . المزايا اللى حيتم ذكرها فى الاسفل ما هى الا المميزات اللى حتحصل عليها لما توصل للمستوى رقم 12 و قتها حيكون معاك مميزات بالشكل الاجمالى ده
بالتالى كل اللى مكتوب تحت هو بإعتبار انك وصلت للمستوى الاخير


1.قاتل محترف

المميزات

25% قوة هجوم اعلى
24% سلاح الهجوم أرخص
55% فلوس اقل عشان تخرج من السجن
تقدر تعمل 3 تمرينات فى يوم كريمز الواحد
22% أرخص فى شراء الحراس
تقدر تعمل 3 هجمات بدلا من 2 هجمة فى يوم كريمز الواحد

العيوب

23% اغلى لشراء سلاح السرقة
23% اغلى لشراء الدرع
42% فلوس اقل من السرقات
حد اقصى 3 مبانى يقدر يشتريهم
30% فلوس اقل من الحريم
24% اغلى لشراء الحريم
45% اقل فى قوة السرقة
التعاملات اليومية مع التاجر هى 10 تعاملات فقط
التعاملات اليومية فى البورصة هى 15 تعامل فقط

-----------------------------------------

2. الحرامى

المميزات

25% فلوس اعلى من السرقات
15% قوة سرقات اعلى
15% ارخص لشراء أسلحة السرقة
سرقة خاصة حتنزل فقط للحرامى بداية من يوم 130 فى اللعبه
الحد الاقصى للتذاكر هى 380 تذكرة

العيوب

6% فلوس اقل فى حالة بيع المخدرات الى التاجر
25% تضاف لاحتمالية دخولك السجن لما تقتل حد
15% أغلى فى تطوير مستويات المصانع
حد اقصى 3 مبانى يقدر يشتريهم
30% فلوس اقل من الحريم
15% اغلى لشراء الحريم
30% أقل فى قوة الهجوم
التعاملات اليومية مع التاجر هى 20 تعامل فقط
التعاملات اليومية فى البورصة هى 15 تعامل فقط

-----------------------------------------

3. رجل أعمال

المميزات

مدة الإستثمار هى 3 ايام كريمز بدلا من 4 لباقى الشخصيات
حد اقصى 5 مبانى يقدر يشتريهم
20% أرخص لتطوير المصانع
24% إنتاج أعلى للمصانع

العيوب

6% فلوس اقل فى حالة بيع المخدرات الى التاجر
25% تضاف لاحتمالية دخولك السجن لما تقتل حد
30% فلوس اقل من الحريم
23% اغلى لشراء الحريم
التعاملات اليومة مع التاجر هى 10 تعاملات فقط
التعاملات اليومية فى البورصة هى 15 تعامل فقط
3% مهارات أقل حيكسبها فى حالة الهجوم الفردى او العصابة
30% أقل فى قوة السرقات و قوة الهجوم
30% فلوس اقل من السرقات

-----------------------------------------

4. الديلر

المميزات

عدد التعاملات مع التاجر هى 45 تعامل فى اليوم الواحد
2% نسبة العمولة اللى حياخدها منك فى حالة التعامل مع التاجر
22% مكسب إضافى لما يبيع للسفينة

العيوب

حد اقصى 4 مبانى فقط
25% تضاف لاحتمالية دخولك السجن لما تقتل حد
29% فلوس اقل من الحريم
24% اغلى لشراء الحريم
3% مهارات أقل حيكسبها فى حالة الهجوم الفردى او العصابة
التعاملات اليومية فى البورصة هى 15 تعامل فقط
35% أقل فى قوة السرقات و قوة الهجوم
30% فلوس اقل من السرقات

-----------------------------------------

5. السمسار

المميزات

التعاملات اليومية فى البورصة هى 35 تعامل
25% قيمة أفضل لمشاركة السعر
حيقدر يشترى و يحفظ عنده 6 انواع من الاسهم بدلا من 5 أسهم
حيقدر يشترى بفئة 999999 فى التعامل الواحد بدلا من 99999 لأى شخصية اخرى
عشان تقدر تعرف معلومات البورصة الجديدة حياخد خصم 5 رصيد
حد اقصى 3 مبانى يقدر يشتريهم

العيوب

6% فلوس اقل فى حالة بيع المخدرات الى التاجر
25% تضاف لاحتمالية دخولك السجن لما تقتل حد
30% فلوس اقل من الحريم
24% اغلى لشراء الحريم
التعاملات اليومية مع التاجر هى 15 تعامل فقط
30% أقل فى قوة السرقات و قوة الهجوم
30% فلوس اقل من السرقات

-----------------------------------------

6. القواد

المميزات

20% أقل خطورة من الجرعة الزائده لما تستخدم الحريم فى ملئ الطاقة
25% عدد حريم اعلى تقتدر تشتريهم
25% حريم أرخص تقدر تشتريهم - فى اى مستوى و ليست محدده للمستوى الأخير
25% فرصة اعلى لحصولك على حريم مجانا
3 انواع جديدة من الحريم
32% عائد اعلى من الحريم

العيوب


6% فلوس اقل فى حالة بيع المخدرات الى التاجر
25% تضاف لاحتمالية دخولك السجن لما تقتل حد
3 مبانى فقط تقتدر تشتريهم كحد اقصى
التعاملات اليومية مع التاجر هى 10 تعامل فقط
التعاملات اليومية فى البورصة هى 15 تعامل فقط
30% أقل فى قوة السرقات و قوة الهجوم
30% فلوس اقل من السرقات
3% مهارات أقل حيكسبها فى حالة الهجوم الفردى او العصابة

-----------------------------------------

أتمنى يكون الموضوع واضح للجميع

بالتوفيق.

في اي معلومات حالياً عن سرقة مدينة الجرائم دي يعني بتنزل عشوائي ولا موجوده من يوم معين و ال20 كيل دول بمعنى 20 طول الراوند و بعد كده متاخدش باور ولا الله ايه بالظبط !!
و ينفع اغير الشخصيه بعد ما اختار من غير ريسيت

بخصوص سرقة مدينة الجرايم ؟
هى حتكون سرقة فردية و بتنزل فقط لشخصية الحرامى و حتبدأ من يوم 130 مع الياكوزا يعنى حتكون سرقة دائمة وليست حدث

بخصوص ال 20 كيل أو ضحية ؟
مش حيكون مسموح تضربة اصلا حتى لو كنتم ف الخمارة سوا و اكيد طالما مش حتقدر تضربة يعنى مش حتاخد منه اى مهارات

بخصوص تغيير الشخصية ؟
لأ مينفعش . الشخصية اللى حتختارها هى اللى حتكمل بيها لأخر الروند حتى لو عملت ريستارت لليوزر . حيصفرلك المهارات لكن الشخصية حتفضل ثابتة
و عشان كده انا بنصح اى حد قبل ما يختار الشخصية اللى حيلعب بيها . ياخد 10 دقايق من وقته و يقرى الفروقات و المكاسب المختلفه بين الشخصيات عشان اختيارك يكون متوافق مع امكانياتك ووقتك عشان متلبسشى ف الحيط

بالتوفيق

طيب مينفعش حضرتك يااستاذ generozo
تدينا نبذة عن كل شخصية ومميزاتها وخصائصها من دلوقتى ؟!!

كل المعلومات اللى انت عايز تعرفها عن الشخصيات حتلاقيها موجوده فى بيتا

1- أدخل على اللينك ده
https://beta.thecrims.com/help/guide

2- اعمل بحث فى المتصفح بتاعك على صفحة دليل اللعبه على الكلمة دى
لو كان بالانجيزى ابحث بالكلمة دى Traits
لو كان بالعربى ابحث بالكلمة دى / نقاط المهارات

3- الجزء الجديد هو اللى تحت الكلمة دى مباشرة و هو ده الجزء اللى حيكون مكتوب فيه المتطلبات و المكافئات لكل مستوى
بالتالى اى حد عايز يقارن بين الشخصيات لازم يقرى كل المكاسب اللى حياخدها و يجرب بنفسه على النسخة بيتا.

شكرا لتفاعلك يا تست

wrote in beta phase that The highest accumulated tickets in robber that will be 15 tickets and when i tried to let robber without rob for 1 day i found that i got more than 15 tickets so what did it mean when u wrote that in beta phase

الموضوع ملخبط جدا ياريت من فضلكوا حد من المنظمين يوضحلنا الفرق بين كل شخصية مش لازم بالتفصيل الممل بس اشرحولنا الفروق الجوهرية بين كل شخصية والله انا حاولت بس توهت اوى وتاتى حاجة قريت فى مستويات الحرامى ١٥٠٠ مصنع هو نظام المصانع اتغيى ؟!!!!

ياجدعان ما حد يرد علينا فى حوار 1500 مصنع اللى فى شخصية الحرامى وكمان يعنى اية
Max Building slots :5
ياريت حد يرد قبل ما الروند يبدء

Quote:

---

Originally Posted by DarkHunteR

wrote in beta phase that The highest accumulated tickets in robber that will be 15 tickets and when i tried to let robber without rob for 1 day i found that i got more than 15 tickets so what did it mean when u wrote that in beta phase

---

مستنى رد مدير اللعبه فى الموضوع ده و حبلغك هنا إن شاء الله.

Quote:

---

Originally Posted by TesT100

الموضوع ملخبط جدا ياريت من فضلكوا حد من المنظمين يوضحلنا الفرق بين كل شخصية مش لازم بالتفصيل الممل بس اشرحولنا الفروق الجوهرية بين كل شخصية والله انا حاولت بس توهت اوى وتاتى حاجة قريت فى مستويات الحرامى ١٥٠٠ مصنع هو نظام المصانع اتغيى ؟!!!!

---

موضوع الـ 1500 مصنع ده انت قريته فين . من فضلك تواصل معايا من خلال موقع الفيسبوك او برنامج ديسكورد لأنى مش شايف فى دليل اللعبه حاجه بتتكلم عن الـ 1500 مصنع ده.
و عموما هو استحاله يكون حقيقى أكيد .

Quote:

---

Originally Posted by TesT100

ياجدعان ما حد يرد علينا فى حوار 1500 مصنع اللى فى شخصية الحرامى وكمان يعنى اية
Max Building slots :5
ياريت حد يرد قبل ما الروند يبدء

---

بخصوص سؤالك الأول انا رديت عليه خلاص.
السؤال التانى بخصوص الجملة دى . يعنى اقصى عدد من المصانع انت تقدر تشتريه هو 5 مصانع

بالتوفيق

ياباشا ادخل على دليل اللعبة واختار شخصية الحرامى هتلاءى فى المستوى الخامس بيقولك الحد الاقصى للمصانع 200 والمستوى السادس المحتال بيقولك الحد الاقصى للمصانع 1000والمستوى السابع الهجامة الحد الاقصى للمصانع 1500 ازاى حضرتك مش شايف دة كولوا ؟ ازاى اتواصل مع حضرتك على الفيس ؟

واضح إنها مش مظبوطه أو فى حاجه غلط فى الموضوع
عموما بالنسبة للحرامى المستوى الخامس اقصى عدد من المصانع هو 3 و تقدر تطورهم حتى المستوى 13

لو وصلت لأى معلومة جديدة فى الموضوع ده حبقى ارجع ابلغك هنا
ضيفنى على الفيس : إضغط هنا

بالتوفيق

معلش هو ازاى رجل الاعمال من المميزات بتاعتوا تخفيض 20% فى تطويرالمصنع وبعدين فى العيوب 15% اغلى فى تطوير المصانع ؟!!!!
ثانيا فى دليل اللعبة شخصية البوب دى مش متاح نلعب بيها الروند دة ولا اية ؟

Quote:

---

Originally Posted by TesT100

معلش هو ازاى رجل الاعمال من المميزات بتاعتوا تخفيض 20% فى تطويرالمصنع وبعدين فى العيوب 15% اغلى فى تطوير المصانع ؟!!!!
ثانيا فى دليل اللعبة شخصية البوب دى مش متاح نلعب بيها الروند دة ولا اية ؟

---

بخصوص رجال الاعمال .. إنت عندك حق دى غلطة من عندى أنا ف الكتابة و تم التعديل خلاص
شخصية البوب هى اللى حتبدأ بيها فقط و بعد اول مستوى حينطلب منك تختار اى شخصية من ال 6 شخصيات اللى اتشرحوا فوق

شكرا على تفاعلك

السلام عليكم .. هي اللعبه تبدأ الساعه كام بالتحديد بتوقيت مصر وشكرا

Quote:

---

Originally Posted by THEEGYPHARAOH

السلام عليكم .. هي اللعبه تبدأ الساعه كام بالتحديد بتوقيت مصر وشكرا

---

بتوقيت مصر الساعة 6 المغرب

أشكرك يا جميل المحيا .. واحشني جدا يا بوب

ممكن حد من المشرفين ينزل التغيرات بتاعت الروند الجديد اللى مفروض هيبدء يوم الخميس الموافق 10/5/2018

Quote:

---

Originally Posted by SuperAshRy

ممكن حد من المشرفين ينزل التغيرات بتاعت الروند الجديد اللى مفروض هيبدء يوم الخميس الموافق 10/5/2018

---

حتلاقى طلبك فى الموضوع ده
http://forum.thecrims.com/showthread...8A%D8%A7%D8%AA