تغييرات الدورة رقم 96 بالشرح

دليل تغييرات الدورة رقم 96

تم الغاء الحد الزمنى(وقت الانتظار) عشان تقدر تدخل العصابات الافتراضية -
يعنى دلوقتى لو خرجت من العصابة الافتراضية تقدر تدخلها تانى فى نفس الوقت , عكس الاول كان لازم تستنى ساعة عشان تدخل العصابة الافتراضية
الميزة دى كويسة جدا طبعا وهتساعدك على السرقة اكتر فى العصابات الافتراضية , ولو العصابة مش نشطة تقدر تطلع منها وتدخل فى عصابة تانية

تم اضافة رسوم بيانية فى البورصة بتوضح التغييرات اللى حصلت فى سعر الأسهم -
ميزة جديدة فى البورصة عشان تكون اكتر واقعية وشبه البورصة والاسهم الحقيقية , كل سهم فى البورصة لما تدوس عليه هتفتحلك صفحة فيها كل حاجة حصلت للسهم دة من اول الراوند
:d عن طريق رسم بيانى توضيحي شبيه بمواقع الفوركس والبورصة عشان الخبرا بتوع التحليل الفنى للبورصة يفرحوا
بالاضافة للبيانات بالتفصيل مكتوب فيها سعر السهم كان كام فى كل يوم فى الراوند

اضافة جديدة فى الاعدادات لالغاء التنبيهات/الاشعارات الخاصة بسرقات العصابة -
اضافة جديدة هتلاقيها لما تدخل على تغيير الصفحة الشخصية من قايمة الخصائص , الخاصية دى وظيفتها انها توقف ارسال الاشعارات بتاعت سرقات العصابة