تقرير خاص بحالات القرصنة و الثغرات

[Sa3ek]

ينقسم الموضوع الي جزئين وموجود به شرح ما نحتاجة من بيانات لمساعدتك
التقارير من النوعين دول لا تتم كتابتهم في المنتدي و يجب عليك كتابتها في مركز المساعدة عن طريق التيكيت

The Crims - Powered By Kayako eSupport


حالات القرصنة و سرقة الحسابات

يعنى لو واحد ضحك عليك و خد منك الباص بتاعك .. أو بعتلك رابط دوست عليه .. لقيت تانى يوم الحساب بتاعك إتصفى من المهارات بتاعته اتبع المتطلبات اللى إحنا عايزينها دى .

- الأى دى ID بتاعك .
- اسم المستخدم بتاعك .
- تقدر تجيب الاي بي بتاعك من الموقع دة
My IP Address - Quick and Easy way to SEE my IP address - CmyIP.com
- الاسماء القديمه لـ الحساب بتاعك .
- البريد الاكتروني الحالى .
- كلمات المرور القديمه مش عايز حد يكتبلى كلمه السر بتاعته دلوقتى .
- الحساب بتاعك اتسرق امتى ، او امتى اكتشفت انه اتسرق .
- محتاج برضو شوية معلومات زى ..
هل حد خد منك الباص ورد قبل كده يعنى فتح اليوزر مره قبل كده ؟؟
هل حد اداك رابط قالك خش على الموقع ده اله حاسبه او ده موقع بيديك رصيد ببلاش ؟؟
هل فى واحد اتفقت معاه انك تشاركو فى اليوزر و لما اديتو الاسكليز بتاعتك نصب عليك ؟؟

البيانات لازم تكون كاملة لو كنت عايزنا نحاسب اللى عمل معاك كدا .

ملحوظه هامه جدا :- احنا مش بنرجع اى مهارات او فلوس او رصيد لو كان الحساب بتاعك اتسرق ، احنا بس بنطرد اللى عمل عليك قرصنة .

بنرجعلك المهارات فى حاله واحده بس .. لو كان الضرر اللى واقع عليك بسببنا إحنا .. يعنى إحنا اللى عملنا فيك كدا .. ودا طبعا بيكون نادر حدوثه .. أشبه بالمستحيل .


طبعا لو كان عن طريق علاقة ثقة او الحساب علي نظام رابيت لا يتم التعامل معها علي انها سرقة و الكلام الي فوق لا يسري



التغرات و الطرق الغير مشروعة
تقدر تبعتلي رساله خاصة علي المنتدي بالمواضيع التالية او علي مركز الخدمة

ممنوع كتابتها هنا

* إستخدام برامج غير مشروعه :- حتبعتلى البرنامج لو معاك .. أو تبتعتلى الأيدى بتاع الشخص اللى انت متأكد انه بيلعب ببرنامج أو بوت .

* إستخدام طريقة غير مشروعه للحصول على الرصيد :- حتبعتلى الموقع اللى بيستخدمه أو الطريقه اللى بيستخدمها .. وصف عنها .

* مواقع تسرق حسابات الاعبين :- إسم الموقع و بـــس .

* لاعب بيستخدم ثغره :- حتبعتلى الأيدى بتاعه .. + الطريقه اللى بيستخدمها .. + المنافع اللى بتيجى من وراها .


* أى بلاغ غير مطابق للشروط المطلوبه حيتم حذفه .. حتى لو كان ليك حق .. لازم تستخدم الشروط اللى إتكتبت لكل بند علشان نضمن ان تقريرك سليم .. و إن حقك كمان يوصلك .

[Sa3ek]

الموضوع مفتوح فقط للاستفسارات و ليس للتبليغ

[Sa3ek]

في واحد حاول يبعتلي برنامج هكر بس انا مقبلتوش وبيحاول مع ناس كتير انا اعرفهم لازم يتوقف عند حده لان شكله سرق ناس كتير وانا عرفت اليوزر بتاعه في كريمز ياريت حد يفحص يوزره ويشوف لو كده ياخد عقابه
id : 15153158

انا عارف ان الموضوع للاستفسار بس بس مفيش مواضيع تانيه للتبليغ عن الحالات دي غير الموضوع ده

هلا

انا تابعت الموضوع و الي ظهر لي ان الحساب ده كان مسروق و تم حظر المخترقين و ارجاع الحسابات لاصحابها

[Sa3ek]

بالناسبه لليوزر ال يتلعب عليه بووت عن طريق علاقه الثقه يبقى ايه نظامه ياخد بان ولا الشخص ال لعب عليه هو ال ياخد بان

هما الاثنين