التقاريـر .. الموضوع الشامل للبلاغات من أى نوع

[Generozo]

الموضوع خاص بكل أنواع البلاغات .. و بينقسم لنوعين

أولا : البلاغات اللى بتقدمها لو كنت واخد حظر و شايف انك مظلوم .. ممكن ترجع حقك و تشتكى لينا و تحكى على اللى حصل معاك .

كل اللى عليك تعملة إنك تروح على مركز الدعم الفنى اللى موجود فى الموقع دا
The Crims - Powered By Kayako eSupport

و تختار من القائمة الطويلة اللى عندك الاختيار قبل قبل الأخير اللى هو الأختيار رقم 14

Abuse - Complains Only
بعدها حتملى البيانات المطلوبة منك بالأنجليزى زى ماهى مطلوبة فى الصورة دى .






أو لو كنت عايز ممكن تدخل على قسم اللغه العربية الموجود فى مركز الدعم الفنى Support Arabic .
ساعتها انت ممكن تكتب التذكرة دى بالعربى .


و بتنتظر مننا الرد اللى بنوصلهولك على الأيميل بتاعك .. لازم تكون البيانات اللى بتكتبها صح علشان تعرف ترجع حقك .

=======================
=======================

ثانيا : البلاغات اللى بتقدمها لو كنت عايز تبلغنا إنك اتسرقت أو اتنصب عليك .. أو عايز تبلغ فى شخص مخالف للقوانين .
دى بتتقسم لأكتر من شكل و نوع .. شوف النوع اللى إنت عايزه و يخص حالتك و إتبع الطريقة المشروحة لكل حالة على حده .

* الحساب بتاعك إتسرق منك

كل اللى عليك تعملة إنك تروح على مركز الدعم الفنى اللى موجود فى الموقع دا
The Crims - Powered By Kayako eSupport

و تختار من القائمة الطويلة اللى عندك الاختيار الأخير اللى اسمه

Abuse - Reports Only

بعدها حتملى البيانات المطلوبة منك بالأنجليزى زى ماهى موجوده فى الصورة دى .



محلوظة :- فى الخانه رقم 4 حتكتبلنا رقم المخالفه و هى حتكون مخالفة القانون رقم 2 و 4 فى اللعبه .

فى الخانه رقم 10 حتكتب شوية ردود على طلبات احنا عايزين نعرفها منك علشان نتأكد انك كنت فعلا المالك الحقيقى للحساب علشان نرجعلك الحساب اللى اتسرق منك

الطلبات بتاعتنا هى كالأتى :-

- الأى دى ID بتاعك .
- اسم المستخدم بتاعك .
- تقدر تجيب الاي بي بتاعك من الموقع دة
My IP Address - Quick and Easy way to SEE my IP address - CmyIP.com
- الاسماء القديمه لـ الحساب بتاعك .
- البريد الاكتروني الحالى .
- كلمات المرور القديمه مش عايز حد يكتبلى كلمه السر بتاعته دلوقتى .
- الحساب بتاعك اتسرق امتى ، او امتى اكتشفت انه اتسرق .
- محتاج برضو شوية معلومات زى ..
هل حد خد منك الباص ورد قبل كده يعنى فتح اليوزر مره قبل كده ؟؟
هل حد اداك رابط قالك خش على الموقع ده اله حاسبه او ده موقع بيديك رصيد ببلاش ؟؟
هل فى واحد اتفقت معاه انك تشاركو فى اليوزر و لما اديتو الاسكليز بتاعتك نصب عليك ؟؟

ملحوظه :-
1- جاوب كل اللى تقدر عليه و تحطه فى نص الرسالة فى الخانه رقم 10 .. لكن لازم تكون البيانات دى صحيحه عشان نتأكد انك فعلا صادق معانا .
2-احنا مش بنرجع اى مهارات او فلوس او رصيد لو كان الحساب بتاعك اتسرق ، احنا بس بنطرد اللى عمل عليك قرصنه أو كان سرق حسابك و صفى مهاراتك .


=====

* لاعب بيستخدم ثغرة معينه أو موقع بيسرق حسابات الاعيبه أو برنامج غير مشروع و هكذا .

كل اللى عليك تعملة إنك تعمل زى الحالة اللى موجوده فوق بالظبط .. مع فرق إنك حتكتب فى الخانه رقم 10 اى بيانات تقدر تفيدنا عن الشخص دا .
يعنى لو كان معاك البرنامج المخالف دا .. لازم تبعتهولنا .
ولو كنت عارف الموقع اللى بيسرق الحسابات دا .. لازم تبلغنا بيه .
لو كنت عارف الثغرة المعينه دى .. لازم توصلنا المعلومه كاملة .. ازاى بتشتغل و ايه فوائدها و هكذا

ملحوظة :-
إحنا مش حنعاقبك لو إستخدمت اى حاجه من دول بهدف التجربة .. حنعتبرك شاهد ملك زى ما بيقولو .. و كمان حتاخد من عندنا مكافأه حلوة .
لو فى شخص بيستخدم ثغره معينه او برنامج معين .. حياخد حظر هو و أى حساب أخر مستفيد من الموضوع .. سواء كان عن طريق علاقات الثقه أو غيره .

=====

* علم خاطئ
عايز تبلغ عن واحد بيلعب تحت علم دولة معينه لكنه فى الحقيقة فعليا بيلعب من دولة تانيه .. لكن بيحاول يضحك علينا علشان ياخد ميدالية مثلا

كل اللى عليك تعملة إنك تروح على الموضوع دا
http://forum.thecrims.com/showthread...gs-report-here
و تكتبلنا فيه رقم الأى دى اللى هو بيلعب بيه .. و سيب علينا الباقى .. إحنا بنعرف من خلال الأى بى بتاع هو بيلعب فعلا تحت اى علم .

=====

* السب و الشتايم و تكرار الرسايل او الأعلانات : عايز تبلغ عن واحد قليل الأدب مقضيها شتايم او سب او تكرار رسايل فى سجل الزوار او تكرار الكلام فى الدردشة أو بيعمل اعلانات عن الخمارة بتاعته فى الدردشة .

كل اللى عليك تعملة إنك تروح على مركز الدعم الفنى اللى موجود فى الموقع دا
The Crims - Powered By Kayako eSupport

و تختار من القائمة الطويلة اللى عندك الاختيار الأخير اللى اسمه
Abuse - Reports Only

بعدها حتملى البيانات المطلوبة منك بالأنجليزى زى ماهى موجوده فى الصورة دى .



حتكتبلنا فى الخانه رقم 10 .. هو عمل ايه بشئ من التفصيل .. و احنا حنديله عقابه المناسب