لزما يكون فى حل

دلوقتى احنا مش فاهمين حاجة
العبة راحت من مكان لى مكان ملامحها اتغيرت وانا عن نفسى مش فاهم حاجة فى العبة
فا ياريت حتى تعملو روند من بتوع زمان حتى نجرب نلعب تانى
وياريت حوار العلاقات الموثوقة ترجع تانى
علشان الواحد ساعت بيحتاج يوزر تانى مع او ممكن ال اى بى يفتح يوزرين
يعنى اى حاجة تهون علينا شوية علشان الواحد مبقاش فاهم حاجة
يعنى احنا بقلنا كتير ملعبانش وكدا فا ياريت يعنى اى حاجة من ديت تحصل


وطبعا فى الاخر انا عارف ان اللى قولتة ملهوش لزما

[Generozo]

السلام عليكم

انا مش فاهم إنت ليه بتقول كل الموضوع ده و فى أخر الموضوع تقول فيه ملهوش لازمة !!

كل الموضوع و ما فيه إننا تحولنا فى طريقة اللعب من لعبة تعتمد على أكتر من حساب ..إلى لعبه تانيه لا يسمح إلا بأستخدام حساب واحد فقط .. عشان كده كان لازم فى أوبشن تانيه كتيره متبقاش شغاله خلاص .. زى العلاقات الموثوقه .. لأننا مش عايزين أكتر من أى بى يدخل على حساب واحد .. و ده فيه أمان للاعب نفسه فى المقام الأول .

مينفعش نعمل روند قديم و نرجع نعمل روند جديد .. المواضيع اللى من النوع ده صعبة جدا عشان موقع اللعبه و سيرفراتها مربوطة على حاجات معينه وكتيرة هى اللى بتخرج اللعبه فى الشكل اللى بتشوفه ده .. الحاجات دى مينفعش تتغير فى دورة و ترجع تانى فى دورة تانيه .

بالتوفيق

برضة مش فهمنى
يعنى يبقة فى روند ترفية زى ما حصلت قبل كدا
وحكايت العلاقت الموثق بيها ممكن تحدد اى بى واحد بس

[Generozo]

العلاقات الموثوقه دى بتتعمل مع أسماء يوزرات مش بتتعامل عن طريق الأى بيهات .. بالتالى مينفعش تتنفذ لأننا مش عايزين يوزرات تتشابك مع بعضها .

بخصوص روند الترفية .. دى بالفعل بتتعمل كل فترة .. بمناسبة نجاحات تمت فى اللعبه أو فى عدد الدورات .. ده بيحصل لكن مينفعش يكون بصفة دورية .

بالتوفيق