Follow Us On Follow us on Facebook Follow us on Twitter Watch us on YouTube
Results 1 to 10 of 21

Hybrid View

  1. #1
    Join Date
    Feb 2006
    Location
    Saudi Arabia
    Posts
    1,956

    Default 50 رصيد جايزة للإبلاغ عن أخطاء الترجمة

    السلام عليكم

    الموضوع يخص الناس اللى بتلعب اللعبه بنسختها العربية . أخطاء الترجمة ده شئ وارد جدا و أكيد بيقابلك بعض الاخطاء الأملائية و ممكن يقابلك بعض الجمل بتحس انها غير مفهومه او كان من الافضل ان المعنى يكون كلمة بديلة من اقتراحك مثلا .

    المطلوب فى الموضوع ده هو الإبلاغ عن

    1- الأخطاء الأملائية
    2- بعض المصطلحات او الجمل الغير مفهومة
    3- تقديم الإقتراح البديل للكلمة او الجملة


    أعلى واحد حيقدم بلاغات لتعديل الترجمة الحالية حياخد 50 رصيد
    الـ 50 رصيد هى جايزة تشجيعية مقدمة منى بشكل شخصى


    طريقة الأبلاغ المظبوطة عشان يتم إحتساب كل مشاركاتك ,, فى المثال الأتى و كأنى حشارك بأول بوست للتعديل

    فى صفحة البورصة
    الخطأ : انت قررت انك تستثمر فلوسك في البورصة؟ تمااام الشركات بتعرض افضل ثفقات علي الاطلاق
    التعديل : صفقات
    الأسم فى اللعبه : Generozo


    بعد شهر او أكتر شوية حعمل فلترة لكل المشاركات اللى هنا و صاحب اعلى مشاركات فعالة و صحيحة هو اللى حياخد ال 50 رصيد و حيتم الاعلان عن اسمه فى الموضوع ده بإعتبارة الفائز
    . ياريت بس نلاقى تفاعل من الناس و انا اللى يعرفنى كويس حيعرف ان ال 50 رصيد دول بجد مش فنكوش

    المشاركات الفعالة أهم من المشاركات و خلاص
    المشاركة لإبلاغ عن خطأ إملائى أهم لأن هو ده هدف الموضوع ف الاساس

    المطلوب حاليا هو مجرد تصحيح للأخطاء السابقة او لتعديلات بسيطة فى الجمل اللى فقدت معناها و حيتم مراجعة كل مشاركة من كل شخص و حيتم الرد عليه

    اللى حابب يشارك او يرد فى الموضوع ده ياريت يكون ملتزم بما تم شرحه سابقا و شكرا لتفهمكم

    بالتوفيق

  2. #2

    Default

    القانون رقم 3

    3.غير مسموح لأى لاعب الدخول على حساب أى لاعب آخر أو مشاركة الحسابات بأى طريقة , ده معناه بردو إن غير مسموح بتبادل الحسابات أو المهارات أو نقلها من حساب لأخر .
    ده مترحم غلط
    3. You are not allowed to log in to another player's account or share accounts in any way other than via trusted account. This also means you are not allowed to pass or exchange it
    التعديل : غير مسموح لأى لاعب الدخول على حساب أى لاعب آخر أو مشاركة الحسابات بأى طريقة بخلاف حسابات الثقة ده معناه بردو إن غير مسموح بتبادل الحسابات أو المهارات .
    شكرا يا كريم ارجو التعديل

  3. #3
    Join Date
    Feb 2006
    Location
    Saudi Arabia
    Posts
    1,956

    Default

    Quote Originally Posted by SkyGladiator View Post
    القانون رقم 3

    3.غير مسموح لأى لاعب الدخول على حساب أى لاعب آخر أو مشاركة الحسابات بأى طريقة , ده معناه بردو إن غير مسموح بتبادل الحسابات أو المهارات أو نقلها من حساب لأخر .
    ده مترحم غلط
    3. You are not allowed to log in to another player's account or share accounts in any way other than via trusted account. This also means you are not allowed to pass or exchange it
    التعديل : غير مسموح لأى لاعب الدخول على حساب أى لاعب آخر أو مشاركة الحسابات بأى طريقة بخلاف حسابات الثقة ده معناه بردو إن غير مسموح بتبادل الحسابات أو المهارات .
    شكرا يا كريم ارجو التعديل
    تم التعديل . شكرا باسل ع المساعدة

  4. #4

    Default

    هنقعد شهر نستني الفلتره عشان ٥٠ رصيد طب خليها ٥٠ وبدج مثلا اكثر واحد وجد اخطاء املائيه

  5. #5
    Join Date
    Feb 2006
    Location
    Saudi Arabia
    Posts
    1,956

    Default

    Quote Originally Posted by Shakawa View Post
    هنقعد شهر نستني الفلتره عشان ٥٠ رصيد طب خليها ٥٠ وبدج مثلا اكثر واحد وجد اخطاء املائيه
    ههههههههه . يا عم أيمن عندك كلمة حلوة قولها و لو معندكش يبقى شكرا لمرورك اللذيذ

  6. #6

    Default

    Quote Originally Posted by Generozo View Post


    ههههههههه . يا عم أيمن عندك كلمة حلوة قولها و لو معندكش يبقى شكرا لمرورك اللذيذ
    طب في غلطه املائيه شوفتها
    كلمة السياسين غلط المفروض تبقي السياسيين
    لأيام دى أصحاب الأعمال فى مدينة الجرائم مشغولين جدا بسبب كتر الشغل عليهم .. الله يسهلو يا عم ! الأقتصاد بيعيش فترة غير عادية والفلوس والبضايع كتيرة فى أسواق مدينة الجرايم ,, كله فى المدينة عمال بيشترى أى حاجه و كل حاجه .. الدنيا حلوة أوى اليومين دول هنا ,, الوحيد اللى زعلان هو رئيس الشرطة اللى بيقول إن معدل الجريمة حيزيد جدا بالطريقة دى .. و كمان المستفيدين من الهرتلة اللى حتحصل هنا هما الحرامية اللى بيسرقوا الناس فى المدينة أو السياسين المخابيل اللى بيعملو شغل و بيزينيس مش نظيف فى اليومين اللى فيهم مدينة الجرايم منتعش

  7. #7

    Default

    هنا بردو كلمه اليليه غلط المفروض تبقي الليليه
    انبارح بليل كان يوم شغل جامد اوى فى مكان النوادى اليليه . النادى اللى اسمه Blizzout عرفنا انه هوه اكتر نادى كان فيه ناس ولحد دلوقتى مليان ناس 731 فى خلال نص الليل .

  8. #8

    Arrow

    احنا بنستغل الفرصه دى علشان نهني واحد من احسن الانديه الليله فى البلد , النادى Tribess جامد اخر حاجه عنده احسن دى جى وواخد فى الاستفتاء اللى عمله المراسل بتاعنا خمسه من خمس نجوم ، من الاخر مشكله
    هنا برود كلمه المراسل بتاعنا مش حلوه ممكن نقول المراسل بتعنا
    Last edited by Shakawa; 05-22-2018 at 10:58 PM.

  9. #9
    Join Date
    Feb 2006
    Location
    Saudi Arabia
    Posts
    1,956

    Default

    Quote Originally Posted by Shakawa View Post
    طب في غلطه املائيه شوفتها
    كلمة السياسين غلط المفروض تبقي السياسيين
    لأيام دى أصحاب الأعمال فى مدينة الجرائم مشغولين جدا بسبب كتر الشغل عليهم .. الله يسهلو يا عم ! الأقتصاد بيعيش فترة غير عادية والفلوس والبضايع كتيرة فى أسواق مدينة الجرايم ,, كله فى المدينة عمال بيشترى أى حاجه و كل حاجه .. الدنيا حلوة أوى اليومين دول هنا ,, الوحيد اللى زعلان هو رئيس الشرطة اللى بيقول إن معدل الجريمة حيزيد جدا بالطريقة دى .. و كمان المستفيدين من الهرتلة اللى حتحصل هنا هما الحرامية اللى بيسرقوا الناس فى المدينة أو السياسين المخابيل اللى بيعملو شغل و بيزينيس مش نظيف فى اليومين اللى فيهم مدينة الجرايم منتعش
    تم عمل إعادة صيغة للموضوع

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •