السلام عليكم
الصور مش واضحه خالص . ياريت لو تقدر تبعت فى نفس الموضوع صور تكون الجودة بتاعتها اعلى من كده عشان اقدر اقرى المحتوى كويس
ولكن عموما . اذا كان سؤالك على المهمة المطلوب انك تعمل 2 تمرينه و تشغل عليهم تعويذة التمارين
الحل بيكون انك تروح صفحة التمرين و تبدا التمرين فعلا و بعدها تروح على صفحة المعدات ( دى الصفحة اللى بيكون فيها اى حاجه اشتريتها سواء كان اى نوع من انواع التعويذات او الاسلحة و الدروع اللى بتشتريها ) موجودة تحت كلمة الرصيد و من هناك بتقدر تلغى او تنشط اى درع او سلاح او تعويذة انت عايزها
من صفحة المعدات دى حتنزل تحت خالص و تفعل تعويذة التمرين و بكده يبقى انت خلصت اول تمرينه و تعمل نفس الموضوع للمرة التانيه عشان يبقى انت كده عملت 2 تمرينه و خلصتهم وقتى ب 2 تعويذة من صفحة المعدات و تروح على صفحة المهام حتلاقى المهمة دى تمت
لو كان سؤالك بخصوص حاجه تانيه . ياريت توضحلنا بصورة بجوده كويسة عشان نقدر نساعد
بالتوفيق