السلام عليكم

انا متفهم تماما انك متضايق انك بتخسر مهارات او بتنضرب وانت عندك شك فى ان اللى ضربك ده ممكن يكون بوت او بيلعب ببرامج مخالفة للعبة ولكن مهم جدا تبقي عارف ان اللينكات اللى انت شيرتها دي ممكن تكون سبب كافي لحظرك من اللعبة لأن مش مسموح لحد انه يشير حاجات زى دي فا من فضلك خلي بالك ومتخليش العصبية تاخدك لسكة غلط, وعيب جدا انك تقول ان المشرفين هما اللى ممكن يكونو بايعين البوت والكلام اللى زى ده لأنه افتراء وكذب وانا لا ارضي بيه نهائي.

بالنسبة للاخ اللى بيقول انه ساعات بيدخل خمارات ومن غير ما بيشوف حد بيلاقي نفسه انضرب. لازم تبقي فاهم ان في فروقات فى سرعات الانترنت وفى فروقات فى سرعات اجهزة الكمبيوتر نفسها وده كلها بيفرق فى عملية الضرب ناهيك طبعا عن سرعة رد الفعل وسرعة استجابة الماوس نفسه لأن فى ماوس جيمينج بيكون معدل الاستجابة بتاعه اسرع بكتير من الماوس العادي.

المرة دي انا حعتبرها اول وأخر تحذير ليك والمرة الجاية متزعلش من اللى ممكن اعمله سواء معاك أو مع غيرك

أخيرا لو انت شاكك فى اى لاعب إنه بيستخدم بوت او برامج ماكرو وماشابه ممكن تبلغنا بالاى دي بتاعه فى مركز الدعم الفني (مش فى المنتدي) وإحنا بنشيك عليه ولو فعلا مخالف بيتم حظره من اللعبه زى كتير غيره حصلهم كده فعلا.