العصابة جزء اساسي من اللعبة من غيرها تقريبا مش هتعرف تكسب او يكون عندك احترام عالى
لان سرقات العصابة زي - اهرامات الجيزة - بيل جيتس - ملك بترول دبي - عادل امام - المنظمة الماسونية
بتجيب كاش اعلي بكتير من السرقات الفردية
والاحترام بيتكون من كاش + مهارات
العصابة كمان فيها جزء مهم جدا وهو التحديثات (Upgrades)
التحديثات دي زي صندوق تبرعات لتحسين مستويات العصابة
- عدد اعضاء اكتر للعصابة -
- فلوس اكتر في سرقات العصابة -
- فرص اعلي للفوز في الهجوم -
- زيادة المهارات من التمارين -
كل مرحلة بتعديها العصابة ليها نسبة مكتوبة
يعنى بعد ما تتبرع في المقر الرئيسي وتخلص المستوي الاول هتلاقي العصابة تقدر تعزم فيها 10 وبعد ما تخلص المستوي التاني تقدر تعزم 15
وهكذا
بالنسبة للتمارين لو خلصت اللفل الاول هتلاقي المهارات من التمرين زادت عند كل اعضاء العصابة
وهكذا بالنسبة لفلوس السرقات
وبالنسبة للهجوم كل ما تخلص مرحلة بتاخد قوة اكتر للعصابة في الهجوم
دة بالنسبة للتحديثات والايجابيات
وكمان في العصابة ممكن بتقابل واحد ف خمارة اقوى منك لو ضربته فردي بتخسر ف بتحاول ترفع عليه هجوم عصابة وتلم صحابك وتضربوه كلكم مع بعض
دة طبعا بعد ما تتجسس عليه وتتأكد انو مش ف عصابة او ف عصابة انت وصحابك تقدرو تكسبوها
من ضمن السلبيات بتاعة العصابة انك ممكن تسيب اليوزر في العصابة بتاعتك وتدخل تنام تفتح الصبح تلاقي اليوزر متصفر
( محلوب )
في ناس بتحط جواسيس في العصابات علشان تضربها والاعضاء قافلين وياخدو الباور بتاعهم
بالتالي انت تحاول انك متنامش في عصابة غير لما يكون عندك ثقة جامدة في الليدر والاعضاء كلهم
ومتدخلش اي عصابة برضو وانت متعرفش الليدر بتاعها والناس اللى فيها
لو عاوز تدخل ادخل خلص السرقات بتاعتك واخرج الا لو كانت عصابة مشهورة وليها اسم وانت بتلعب معاهم من كذا روند وعارفهم
لكن في خاصية جديدة الروند دة في العصابة وهي انك تقدر تطرد العضو اللى اتهجم عليه بعد اول هجوم طرد تلقائي
واخيرا العصابة بتاعتك لو اخدت ترتيب اول عالم
كل اعضاء العصابة هياخدو مدليات انهم كانو في العصابة الاولي