ياجماعه اكتر من نص اللعبه بيشتكو

اكتر من نص اللعبه بيشتكو من موضوع الحلب والمستفيد ميكملش 5فى ال100 من الناس اللى بتلعب والباقى بيلعب وخلاص بدون هدف والرصيد مبقاش له لزمه طول مالحلب شغال يعنى ان ايه لزمه انى اشحن رصيد واتعب زى ما كنت ناوين نعمل انا واصحابى كنا ناوين اى حاجه فى اللعبه برصيد نستفيد منها ويجى واحد يحلبله 200او 300 واحد يسحب منهم كل المهارات ويجيب اعلى عدد مصانع(تحمل) يقدر يجيبه واحلى فلوس من الحريم(جاذبيه) وانا اتعب على الفاضى والله اللعبه بقت مملله جدا ولازم تشوفو حل عشان المبتدئين اللى زينا ميحسوش انهم بيفحتو فى بحر

والله دا عشان اللعبه انا كدا كدا شغلى واخدنى منها لاكن الناس اللى بتلعب دا لسان حالهم

اهلا بيك ,
اول حاجة احب اوضحهالك الرسالة دى اللى بتشوفها اول ما تدخل مركز العصابة

Gang information
Remember, joining a gang is risky. You can be attacked by your fellow crew members so make sure you are always on your guard. Do not trust anyone when it comes to gangs, not even moderators. You are only safe from such attacks in Virtual Gangs.

ودى زي رسالة تحذيرية بتقولك ان دخول العصابات فيه خطورة عليك وممكن اي حد يهاجمك ويضحك عليك حتى زمايلك او المشرفين اللى هما
Moderators ,
وانت بتبقي في امان فقط في عصابات اللعبة لانها محمية ضد هجومات العصابات .
---
تانى حاجة عندك الاوبشن الجميل دة لو العصابة بتاعتك علشان تمنع الحلب
- طرد تلقائي لأنك الضحية فى هجوم العصابة اللى إتعمل
---
تالت حاجة متروحش انت بقى تدخل مع واحد عصابته ( يعنى قاعد ضيف عنده ف بيته ) ومستنى منه ايه ؟
انت بتسلم نفسك بنفسك تسليم اهالى
كل فريق بيحاول يلم باور يمين وشمال ومن كل حتة علشان يكون اقوى تيم فى اللعبة ويعرف يجيب باور كمان ويضرب كل الناس والمنافسين له خصوصاً
ويتحكم فيهم وفى سرقاتهم ,, الكلام دة مش على الناس اللى ماسكة توب باور في اللعبة الدورة دي بس
كل روند الناس دى بتتغير روند تيم سيسليان يمسك توب باور ( مهارات ) روند لوس تيم , روند نينجا , روند بست هنتر , روند اوتوبيس حمادة
يعنى الموضوع مش ثابت على حد اللى بيلعبها صح وبيعرف يلم باور اكتر هو اللى بيستمر
---
حاول تكون فريق وتتعلم ازاى تهنت وتضرب ناس وتحلب ناس وازاى تجمع عصابة من ناس اغراب وتحلبهم زي ما الناس بتحلبك وتجمع باور
وتبقى اقوى متحاولش انك تشتكى ديما لان هى دى اللعبة
---
وبالنسبة لنص اللعبة اللى بيشتكى دة ياريت تعمل موضوع هنا فى المنتدى وورينى نص اللعبة اللى بيشتكى دة خليهم يكتبو دة فى الموضوع xD
---
وانت بنفسك اتكلمت عن موضوع تقفيل الجاذبية والتحمل
دول علشان تقفلهم بالتمارين محتاج 3 روندات تمارين متواصلة ان شاء الله xD
انما بالحلب ممكن تقفلهم ف يوم او يومين ومن بدرى وتحقق اعلى ارباح من الحريم والمصانع
---
علشان تكسب لازم يكون معاك تيم كويس لان اللعبة كلها كدة دلوقتى وكلو عارف الكلام دة
كل واحد لامم شلة حواليه بيلعب معاهم او بيهم او بيسرح بيهم ومفهمهم انه عبده موتة يقدر يعمل اى حاجة
ويقدر ينط فى الهوا يشخ ميه سخنة :D :D
وفى ناس بتلعب مع اصحابها بيساعدوهم علشان هما اصحاب
حاول تكون فريق احسن وهتوصل
---
وفى الاول وفى الاخر ضرب العصابات من اكتر الحاجات الممتعة والاساسية فى اللعبة .
اى استفسارات تقدر تكلمنى على الاسكايب

[email protected]

ويقدر ينط فى الهوا يشخ ميه سخنة :d :d

ههههههههههههههههههه

طب ما تعملوا جروب او اي حاجة بحيث الناس اللي ملهاش صحاب بتلعبها ولا ليها صحاب اصلا تقدر تكون صداقات و يعملوا تيم