الموضوع ده مهم جدا من واحد بيحب اللعبه ارجو الاهتمام من المنظمين
اعرفكم بنفسى انا عمرو ادريانو كنت بلعب اللعبه ده من زمان جدا تقريبا كان من الروند 26
واخر الدورات اللى لعبتها كويس كان الدوره 31 وده اخدت فيها مركذ تانى على مصر بعد
المركذ الاول اللى كان egystyle
باختصار اللى عايز اقوله ان ايام الدوره ال 23 و ال 31 فى الفتره ده كنت تلاقى اكتر من
2000 لاعب اون لاين
انهارده انت بتلاقى اللاعيبه الاون لين حوالى 200 الى 650
وده راجع لاسباب كان منها
- اللعب بالربتس عشان تقدر تعمل قوه اكبر ودلوقتى اللعبه حلت المشكله ده لان فى ناس مش كانت تعرف تعمل الشغل ده وده حاجه كويسه من المنظمين انهم فكرو فى حاجه زى ده
- تانى حاجه ان كان زمان الخيانه كتيره جدا الواحد بعد ما يتعب ويسهر فى اللعبه يعمل علاقه مع حد عشان يدخل عصابه يلاقيه اتهجم عليه مجرد انو يعمل علاقه والحمد لله برضو المنظمين حلو المشكله ده
- ثالثا من الحاجات اللى قللت عدد المشتركين دلوقتى ان الواحد ممكن بكله سهوله يجيب قوه كويسه بس بيقابل مشكله كبيره انو مش عندو علاقات فى اللعبه عشان يقدر يدخل يلعب فى عصابه كويسه
- رابعا حتى لو دخل عصابه كويسه ممكن الدوره ده لو نام وهو بيعمل تمرين فى اللعصابه او ساب الاكونت بتاعو جوه العصابه يصحه الصبح يلاقى الاكونت بتاعو اتحلب وده عشان فى ناس تانيه هى اللى بتتحكم فى العصابات
وده اللى حصل معايا انهارده المشكله مش فى ان الاكونت اتحلب لا فى داهيه المشكله ان حاجه زى ده بتخلى ناس تكره اللعبه من الاساس
انا عارف انى طولت عليكم بس انا بقول الكلام ده من حبى فى اللعبه وعشان كده انا هعرض حلول واتمنا ان حد من المنظمين يهتم ويرد عليه
- اولا التمارين
التمارين مينفعش انى اربطها بالعصابه يعنى لو انا مش فى عصابه بعمل تمرين اخد فيه 4000 ولو دخلت عصابه هرم باخد 9000 كده احنا بنخلى ناس تتحكم فى ناس
وحل الموضوع ده ان التمرين مرتبط بالمستوى كل ما المستوى يزيد كل ما قوه التمرين تزيد
ثانيا السرقات
السرقات انا عندى ناس بتقدر تجيب قوه كويسه ومش بتعرف تدخل هرم لمجرد انهم مش يعرفو حد يدخلهم ليه مش نوفرلهم حلول السرقات الفرديه اخلى فيها البديل للهرم
يعنى لو الهرم بتجيب فى السرقه 3000000 ب 25 طاقه اوفر سرقه فرديه توفر نفس الفلوس بنفس الطاقه بحيث ان اللى مش عارف يدخل عصابه مش يزهق من اللعبه ويسبها ويكره اللعبه
بالنسبه للى بيقدر بيدخل عصابه هرم وعندو علاقات بس وقتو وشغلو مش بيساعدو انو يبقه متواجد وقت السرقه والاعضاء متجمعين بيلاقى نفسو برضو مش قادر يعمل حاجه ويبدا يزهق من اللعبه
فانا شايف ان الحل الامثل للموضوع ده هو اننا نوفر سرقات فرديه توفر نفس الفلوس بنفس استخدام الطاقه
رابعا العصابات
الدوره ده لما اى حد بيقدر يوصل لخمارة اى حد بسهوله بدات الخيانه فى اللعبه تزيد يعنى زى اللى حصل معانا النهارده واحنا فى العصابه نلاقى الصبح ان العصابه مجموعه من الاعضاء قامو بحلب العصابه لصالحهم
وده نتيجتو مش اننا خسرنا الدوره ده لا بالعكس اللعبه هى اللى خسرت مجموعه من اللاعبين مش هتفكر تلعب تانى لان اللعبه كده هتبقه ممله بعد ما اتعب واسهر والقى تانى يوم ان كل تعبى ناسى ضربتنى على قفايه عشان للاسف المنظمين
ربطين التمارين بالعصابه فالحل للموضوع ده مش صعب هو سهل جدا
اولا ممكن نضيف الدوره الجديده ان اى واحد فى عصابه لو هيدخل تمارين او هينام ويسيب الاكونت فى العصابه يعمل حاجه زى حمايه للاكونت ان لو حصل هجوم للعصابه او اى خيانه من بعض الاعضاء مش هيقدر يعمل حاجه مع الاكونت اللى عامل حمايه
ثانيا الدوره هى الوحيده اللى تبقه مسئوله عن العصابات بمعنى ان محدش من الاعضاء يقدر يعمل عصابه لا العصابه هى اللى اللعبه محدداها واللى عايز يدخل يسرق هرم يدخل العصابه اثار برضو يدخل عصابة اللعبه وقبل ما الدوره تنتهى ب 10 ايام من اللعبه يقدر اى اكونت يعمل عصابه عشان نقدر نشوف من العصابه اللى هتقدر تاخد ترتيب على مستوى العالم
الكلام اللى انا بقوله الله اعلم هياخد اهتمام من احد او لا بس الكلام ده انا قولته عشان بعد 10 دورات كمان مش نلاقى عدد المشتركين الاون لين فى اللعبه بقو 25 او 50
واتمنا الاهتمام والرد من IGoGo or IDaRBaKa