ياريت تشوفلنا حل بقى

ياجماعه مينفعش كده انا باعت رساله للرقم بتاع الرصيد ومفيش حاجه وصلت ودى مش اول مره تحصل ..
لو انتو شايفين ان فى مشكله فى رصيد الرسايل المفروض انكو تعرفونا او حتى تلغوها مش تسيبونا كده نقعد نضيع الرصيد بتاعنا من غير مانستفاد منو بحاجه

محدش بيرد ولا كأن الواحد كلب ولا يسوى .. متشكرين يا اداره

السلام عليكم

اولا انا اسف جدا علي التأخير في الرد.. الموضوع و الله مش بايدينا احنا بس.. في شركات اتصالات الخدمة فيها سيئة جدا و في وسيط بينا و بينهم يقدر يحكم علي كدة
حضرتك ابقة اعمل تذكرة في مركز الدعم الفني في كل مرة تحصل معاك المشكلة دي و هنحاول نجيبلك اكواد الرصيد

بالتوفيق

ولا يهمك .. عموما انا بعت كذا تذكره الاسبوعين اللى فاتو دول على الدعم الفنى بخصوص الرسايل اللى شحنتها ومفيش اى رد ,,

حضرتك انت لو بعتلك رقم الكارت فى رساله على المنتدى او رقم موبيلك تقدر تشحنلى الرصيد بسرعه واريح دماغى ..؟؟

احنا بنرد علي كل التذاكر اللي بتجيلنا في الدعم الفني يوميا .. و حاليا مفيش كمية رصيد للاسف

طيب ياريت بعد اذنك يعنى وقت مايبقى فى رصيد كافى تبعتلى اى رساله على اللعبه عشان ابعتلك الكارت وياريت يكون قبل الروند الجديد .. شكرا لأهتمامك