شرح خاصية توظيف الحرامى الإفتراضى و خاصية حرب العصابات

أهلا بكل المجرمين و المجرمات.

تم اصدار خاصيتين جديدتين و هما كالأتى

1- خاصية توظيف الحرامى

الوصف: الخاصية دى حتقدر من خلالها توظف حرامى افتراضى عشان يسرق لك التذاكر الموجودة وفقا لضوابط معينة و هى كالأتى :

1- حيقدر يسرق فقط 50% من التذاكر الموجودة فى حسابك.
2- حيتم خصم نسبة معينة من اجمالى السرقة اللى قام لك بيها الحرامى الافتراضى اللى وظفته ( نفس الموضوع بالنسبة لمكونات المخدرات , حيتم خصم 5% من إجمالى مكونات المخدرات اللى كنت المفروض تحصل عليها )
3- حتقدر تستخدم الخاصية دى مرة واحدة كل 4 ايام كريمز.

على سبيل المثال , لو كان عندك 1000 تذكرة فى حسابك . حتقدر توظف الحرامى الافتراضى عشان يسرق لك 500 تذكرة فقط , ولو كان عندك 100 تذكرة حيقدر يسرقلك 50 تذكرة فقط . اتمنى تكون النقطة دى واضحة.
الحد الاقصى لعدد التذاكر اللى يقدر يسرقها لك الحرامى الافتراضى اللى حتوظفه هى 1000 تذكرة ولكن عشان يقدر يسرق لك الرقم ده . وقتها حيكون لازم فى حسابك 2000 تذكرة تنفيذا للى شرحناه سابقا.

بخصوص نسبة الخصم .

* الاعبين اللى مش عندهم اى باقة مهمين . حيتم خصم 25% لصالح الحرامى الافتراضى.
* الاعبين اصحاب باقة المهمين رقم 1 . حيتم خصم 15% لصالح الحرامى الافتراضى.
* الاعبين اصحاب باقة المهمين رقم 2 . حيتم خصم 10% لصالح الحرامى الافتراضى.
* الاعبين اصحاب باقة المهمين رقم 3 . حيتم خصم 3% لصالح الحرامى الافتراضى.

نسبة الخصم حتطبق على كل السرقات حتى ولو تم تفعيل استخدام نظارة او اى تعويذة أخرى ( حيتم خصم نفس النسبة من الاجمالى بعد تفعيل التعويذة )

----------------------

2- حرب العصابات

هى خاصية جديدة حتحصل مرة كل 4 ايام كريمز ( حدث فى اللعبه ) و الحدث ده بأسم حرب العصابات.

فى خلال اليوم الموجود فيه هذا الحدق حيقدر كل زعيم عصابة انه يرسل طلبات تحدى للعصابات الاخرى للدخول معاها فى حرب ( او ما يعرف بالهجوم )

الضوابط الخاصة بحرب العصابات.

* كل مرة يحصل فيها هذا الحدث , زعيم العصابة حيقدر يرسل 4 طلبات تحدى بحد اقصى الى عصابات مختلفة ولو انت زعيم عصابة وجالك تحدى و انت رفضته او تجاهلت الرد علىيه حيتم احتسابها أيضا باعتبارها واحدة من ال 4 محاولات.
* عشان عصابتك تقدر تدخل فى حرب العصابات , لازم عصابتك تكون فيها الأتى:
1- 6 أعضاء معاهم علاقة ثقة داخل العصابة على الأقل.
2- تطوير المستوى الخاص بكلا من ( المقر الرئيسى - الهجوم ) الى المستوى رقم 6
* كل عصابة حتقدر ترسل تحدى واحد فقط للعصابة الاخرى فى هذا اليوم.

مثال: لو فرضنا ان العصابة a ارسلت تحدى للعصابة b و لكن زعيم العصابة b رفض التحدى او مردش عليه . ده معناه ان زعيم العصابة b أصبح معاه 3 محاولات تحدى فقط للاستخدام فى هذا اليوم ( باعتبار التحدى اللى رفضة او تجاهله محسوب من ضمن ال 4 محاولات )

فى بعض السيناريوهات الموجودة و هى كالأتى

السيناريو رقم 1

فى حالة ان زعيم العصابة a ارسل تحدى الى العصابة b و تم قبول التحدى من زعيم العصابة b , ده معناه ان زعيم العصابة a يقدر يعمل هجوم عصابة على العصابة b, حيتم الأتى:

كل الاعبين الموجودين داخل العصابة a و الحاصلين على دعوة ثقة للدخول الى العصابة فى اى وقت حيقدروا يشوفوا الهجوم من خلال صفحة الهجوم.

فى هذة الحالة حيتم احتساب قوة الهجوم للعصابة a فى مواجهة قوة هجوم العصابة b
ملحوظة: دعوة التحدى للدخول فى حرب العصابات حتدوم لمدة ساعتين كريمز فقط.

السيناريو رقم 2

فى حالة ان زعيم العصابة a ارسل تحدى الى العصابة b و تم رفض التحدى من زعيم العصابة b

فى الحالة دى حيتم اوتوماتيكيا مكسب العصابة a ب 200 الف نقطة عصابة من النظام بينما زعيم العصابة b مش حيحصل على أى شئ.


ملحوظة : كل الارقام المذكورة ممكن تغييرها لاحقا.

بالتوفيق للجميع