Printable View
السلام عليكم ورحمه الله وبركاته
فريق كريمز
دلوقتى المشاكل عماله بتزيد اكتر واكتر
ودلوقتى بتلاقى مصانع ما بتعملش انتاج
ازاى ده
يعنى احنا بنقول كريمز بقت حلوه وفيها تعديلات ممتازه
وبسبب التعديلات دى فيه مشاكل كتير بتواجهنا كلاعبين
يعنى برضه فيه مشكله ف البوت ومشكله ف الثقات بتاعه العصابه ومشكله ف المصانع
ايه السبب بتاع المشكلات دى
شوفولنا حل بقى
السلام عليكم
إنتاج المصانع مفيهوش اى مشكلة نهائيا, كل المطلوب منك هو إنك تسيب المصروف الخاص بتشغيل كل مصنع فى الكاش او حتى فى البنك عشان تضمن ان المصانع حتعمل انتاج.
مثال: لو إجمالى التكلفة الخاصة بتشغيل كل المصانع عشان تعمل إنتاجها بيساوى 100 مليون فلا يوم كريمز واحد و إنت ناوى تقفل الحساب بتاعك لمدة يومين كريمز. فى الحالة دى لازم تبقى سايب +200 مليون فى حسابك ( سواء كاش او فى البنك ) عشان يتخصم 100 مليون فى كل يوم من ايام كريمز
ولو مش موجود الرصيد ده فى حسابك مش حيكون فى اى انتاج للمصانع.
انا راجعت حسابك و راجعت بياناته. حضرتك فى نهاية يوم 99 فى اللعبة كنت سايب ( مبلغ قليل ) فقط فى الكاش و مش سايب أى مبلغ فى البنك و بالتالى المبلغ ده اتاخد لأنتاج 2 مصنع فقط بدلا من 4 مصانع.
انا مش المفروض اقولك الكلام ده هنا على الملأ قدام الجميع وعشان كده النوع ده بردو من البلاغات بيكون فى مركز الدعم الفنى عشان نقدر نرد عليك ببيانات شخصية من داخل حسابك و البيانات دى مش المفروض إنها تبقى مقروءة للجميع.
بخصوص كلامك عن بعض المشاكل الاخرى زى البوت او غيرة , ممكن تستخدم مركز الدعم الفنى و تبلغ عن اى لاعب انت شاكك فيه ( كل البلاغات اللى بتجيلنا بيتم النظر فيها للتأكد منها )
إستخدام المنتدى بينحصر فى الاستفسارات الخاصة بأى لاعب و بيتم الرد عليها سواء من المنظمين او من الاعبين اصحاب الخبرة كنوع من تبادل الخبرات ولكن اى بلاغات خاصة بمشاكل فى حسابك او حتى ببلاغ فى لاعب تانى . لازم تتم من خلال الدعم الفنى
أشكرك على ذوقك فى الكلام وأتمنى يكون ردى وصلك بشكل واضح.
بالتوفيق,