تغييرات الدورة رقم 104

السلام عليكم

أولا : حابب اعرفك إن التغييرات الخاصة بكل دورة اللى بتنزل فى صفحة اللعبه زى ماهو معروف هى باللغة الانجليزية فقط وللاسف غير متاح ترجمتها داخل صفحة اللعبه لأى لغة اخرى, بالتالى نقل المعلومات دى و ترجمتها للمنتدى العربى أو اى منتدى اخر ماهو إلا محاولة إجتهاد من المنظم العربى او الأجنبى اللى بيتطوع مشكورا عشان يعمل كده ويترجمها لأهل بلده بلغته المحلية . واخدلى بالك انت هى فضلا و ليس أمرا.

ثانيا : بخصوص انك بتروح تكلم الاجانب او تدخل على منتدى الاجانب وحجم المعاناة و الكارثة اللى انت بتعانى منها يا حرام إلى اخر الكلام اللطيف ده و بخصوص المنظمين اللى إنت بتدعى إنهم مش فاضيين يكتبوا الكلمتين . و بما إن واضح إنك واحد من اللى واقع عليهم الاذى ده لو فرضنا إنك مش فاهم التغييرات بالانجليزى. و عشان اقفلهالك ضبة و مفتاح .. هل يا ترى إنت تواصلت مع اى حد من المنظمين العرب عشان تسأل او تستفسر عن اى تغيير يخص الدورة الجديدة و ملقيتش رد مفيد او حتى حد طنشك أو حلقلك . اكيد محصلش.

من أولا و ثانيا أقدر استنتج إنك جاى هنا عشان تعمل شو و بروبجاندا ع الفاضى.

زى ما انت قلت الكلمتين بتوعك اللطاف جدا . انا كمان قلتلك الكلمتين بتوعى و عشان نبقى حلوين و كويسين انا مش حزعلك و عملتلك الموضوع فعلا لأن ف النهاية احنا شغلتنا الاساسية هى مساعدة الناس . بس انا تحفظت جدا على اسلوبك و كان لازم الرد يكون بالمثل و كله بالادب و الاحترام

لينك الموضوع الخاص بالتغييرات :
http://forum.thecrims.com/showthread...502#post257502

و كلامك اللطيف ده ألهمنى فكرة لطيفة بردو و هى انى حطلب من المبرمجين ادراج التغييرات لكل دورة فى صفحة الترجمة. يعنى التغييرات تبقى قابلة للترجمة من قبل مترجمين اللعبه لكل اللغات و تنزل للاعيبة مباشرة على موقع اللعبه نفسها باللغة اللى انت مشغل بيها اللعبه.

أهلا بيك فى العالم السفلى

الموضوع مغلق