بعض النصائح الهامة ليك كــ مبتدئ في اللعبة
اولا اقرأ كل قوانين اللعبة كويس و افهمها و اللي ما تفهموش اسألنا فيه عشان ما تخالفش قوانين اللعبة و تضيع مجهودك عالفاضي *
حاول بقدر الامكان تكون صداقات كتير عن طريق ميدان الدردشة او عن طريق الاتصال باللاعبين ببرامج الشات زي السكايب مثلا *
ما تبقاش متسرع و حاول تلغي الملل و الزهق من قاموس حياتك الاجرامية *
ما تخسرش الناس اللي انت تعرفها بسهوله عشان كل ما كان ليك اصحاب اكتر كل ما هتقدر تلعب احسن *
احذر من عدوك مرة و من صاحبك 1000 مرة عشان لو صاحبك حب يبيعك هيعرف يضيعك كويس و هتفهم ده قدام *
حاول تثبت نفسك في كل مكان تتحط فيه يعني لو دخلت عصابة مثلا خليك عضو نشط عشان تتحب جوه العصابة دي و تقدر تدخلها علي طول *
لو بتلعب كدة و اكتشفت اي خطأ في اللعبة ما تحاولش تستفيد منه او تلعب بيه لانه كدة كدة هيتكشف و هتتعرض انت للعقاب و الطرد *
الافضل انك تبلغ المنظمين ب الخطأ ده و ساعتها ممكن تكسب ميدالية *
لو واجهت مشاكل في اللعبة دور الاول في المواضيع المثبتة هنا في المنتدي علي حل ليها *
في حالة انك مش لاقي اي حل يبقة تبعت تكت علي الدعم الفني و هتلاقي في موضوع مثبت في المنتدي العربي هنا عن كيفية عمل دا *
ما تتكسفش انك تسأل ف اي حاجة .. احسن ما تغلط و بعد كدة ترجع تقول ياريتني كنت سألت *
ما تحاولش تستخدم اي برنامج لمساعدتك في اللعبة عشان هنعرف و هتتعرض للطرد و اللعبة دي مفيهاش اي شفرات ولا الكلام الفاضي ده *
لازم تبقة عارف ان اليوم في كريمز ب 6 ساعات في يومنا العادي *
-----------------------------------------------
احترامك بيتحسب علي اساس حاجات كتير ( المهارات و الفلوس و الضحايا و كمان في نقطة لازم تعرفها عن المصانع ) يلا نشوف ازاي
المهارات ( قوة + تحمل + ذكاء + جاذبية ) بتتقسم / 4
+
الفلوس كل مليون كاش = 100 احترام
+
الضحايا : كل ضحية بتديلك 1 احترام
انما المصانع بقة
المبلغ اللي بتدفعه في المصنع بيقل من فلوسك بس مش بيقلل من احترامك
الرصيد
تقدر تشتري بيه حزمة المهمين و دي بتجيلك احداث خاصة بتساعدك علي انك تزود احترامك -
و كمان تقدر تبتدي بيه بداية افضل عند بداية الروند -
تقدر تهرب بيه من السجن لما تتسجن و كمان تخرج اي حد من اصحابك المسجونين لو عايز -
تقدر تخرج بيه من الطوارئ و كمان اي حد من اصحابك اللي في الطوارئ لو عايز -
تقدر تعرف بيه السفينة الجاية -
تقدر تستخدمه في تغيير اسمك بعد ما تستخدم المرة المجانية -
تقدر تستخمه في تغيير شخصيتك -
تقدر تستخدمه في استثمار اموالك في البنك -
تقدر تتجسس بيه علي اي عصابة -
تقدر تستفيد بيه في زيادة انتاج الحريم او المصانع او زيادة قوة السلاح -
السجن
انت ممكن تهرب منه عن طريق انك تدفع 10 رصيد او واحد صاحبك يدفعلك 10 رصيد
وممكن برده تخرج منه ب رشوة
بيكون مكتوبلك مثلا الرشوة بين 10000 و 15000
يبقة تاخد المتوسط بتاع الرقمين و ترشي ب 12500 و هتخرج
الطوارئ
هنا مش هينفع تخرج غير ب 10 رصيد سواء انت تدفعهم او واحد صاحبك يدفعهملك او تستني المدة المعينة اللي هتقضيها فيها علي حسب انت دخلت الطوارئ لية
لو داخل بسبب جرعة زيادة هتستني 4 ساعات في اللعبة يعني ساعة واحدة حقيقية -
لو داخل بسبب انك اتقتلت هتستني ساعتين في اللعبة يعني نص ساعة حقيقية -
-----------------------------------
دلوقتي انت علي اول طريق الاجرام و معاك معلومات كتير لو احتاجت اي حاجة تانية مش قادر تلاقيها في المواضيع المثبتة هنا في المنتدي ابعتلي رسالة شخصية و انا هرد عليك
!بالتوفيق للجميع
