تنبية هاااااام للاعبين MazingeR
آحلي مسا علي كل اللاعيبـه في اللعبه
[size=3]انـا اليوزر بتاعي مازنجــرر اولـــــــــــــاُ
والكل يخش علي الاكونت بتاعي هيلاقيه واخد حظر لمده 3 شهور وطبعا قدمت شكوي ف الدعم الفني وبعديها بيومين لما واحد رد عليا اسمه ديفيل ماستر
وقالي هنعملك اختبار عشان نتأكد وكان معاه مودي وبعد الاختبار قالي للأسف القرار مش هيتغير
طبعا انا ولا استعملت برامج ولا اسكربتات .. وانا واثق من كده وعندي ناس بتلعب
معايا وشاهده عالكلام ده بس طبعا هنقول ايه غير إنها ماشيه بالحب وانتوا عارفين قصدي إيه
لان اي حد يقدر يقدم شكوي ضد اي لاعب سواء بالشتيمه او شاكك انه بيلعب ببرامج وهما بيتأكدوا وبيدولك العقوبه
وبعد كده انت بقي اقعد اشتكي يكون راح الراوند ولا هتعمل اي حاجه وبردوا هتاخد الحظر ..
انا عايز واحد يطلع منهم يقولي علي السبب الحقيقي ورا الحظر ويظهر فيديو او اي حاجه تثبت كده واراهن انه محدش هيطلع ويقول غير اني بستعمل برامج
وده طبعا سبب مش كافي لأي لاعب من حقه يعرف السبب . يعتبر كده مش مصداقيه من إداره اللعبه وإن كلها نصب وخلاص
غير كده علي إي أساس بتدوا اللاعيب العقوبه ومفيش اي دليل ولا حتي انذار ليه عشان يعرف لانها مش عقوبه سهله ؟؟؟
انا لو بستخدم برنامج او اسكربت هيبقي منظري في القتل كده 47 ضحيه كده ؟؟؟؟
ده غير انه لما اخلص التذاكر كلها منا هقفل الأسكربت وادخل انام وشكرا علي كده
يعني مفيش نفع او فرق مابين اللي فاتح ومابين الأسكربت غير اللي بيحددهم غير القتل بس
التذاكر انت هتلعب لغايه لما تخلصها ؟؟ الفلوس هتسثمر علي قد فلوسك وشكرا هتجيب منين بقي عشان تعلي احترامك بالعقل يعني ؟؟؟
المفروض ان لو إداره ومنظمين مش فشله يبقوا عارفين ده كويس
من واحد بيستخدم برنامج وبين واحد قاعد علي اللعبه وبيلعبها ؟؟؟؟
بالنسبه للي عملتوا سهل اي حد يعملوا
وهيبقي فلوسك اكتر من 150 مليار علي يوم 90
سهل انك تيجبهم استغل كل تذكره في السرقه وحول كل تدريباتك تحمل لغايه لما توصل لـ 2 مليون
وخلي نقط المهاره بتاعتك زياده فـ الفلوس من السرقه الفرديه وخلي المصانع بتاعتك كلها هيروين
وعلي يوم 60 ابتدي خش عصابه عاليه واسرق معاها اهرامات لغايه يوم 90 وبعد كده اسرق لوحدك وهتشوف علي يوم 90 هتعرف تجيب الـ 150 مليار ولا لا
اما اللي انا شايفه ده " فشل بما معني الكلمه " انا ميهمنيش اللعبه ولا اي حاجه غير الناس تعرف انتوا بتعملوا ايه مع اللاعيبه
ثانيـــــــــــــــا بقي فـ حوار الشحن اعرفوا بالتأكيد انكم بيتنصب عليكم رسمي
لأني انا شحنت كاش يو بـ 30 جينيه وده اقل شحن اصلا روحت دخلت الرصيد اخدوا فوق الـ 25 جينيه ؟؟؟
وعشان كده لاغوا حوار الشحن عن طريق كروت الشحن عشان بتشحن وبيديلك نفس الشحنه يعني ملهمش مكسب
وهما كاتبين 20 ج بيديلك 275 رصيد الكلام ده مش صح واللي شحن زي كده هيقول نفس الكلام وهيتبقالك فـ الكاش يوم شويه فكه دولار
كل همهم انهم ينصبوا علي اللاعيبه وخلاص مايهمش بقي انت تلعب , تاخد حظر , المهم عندهم تجبلهم فلوس بأي طريقه
وسيبلكم الأختيار بالنسبالي انا مش هخشها تاني بعد اللي عملوه معايا
هما اللي بيخسروا لاعيبه فـ الاخر وسمعة اللعبه بتبقي سيئه كل راوند
وانا متأكد جدا انهم هيقفلوا الرد وممكن يشيلوا البوست كمان
ولو عارفين انهم مش غلطانين وعلي حق يسيبوا البوست مفتوح ويخلوا الناس تتكلم
