نمط الحساب الثانوي او الرابيت

[AFUNA]

نبذه عنه :-

النمط ده معمول عشان اللعيبة اللي عايزة تشارك اليوزر بتاعها في اللعبة كلن مش عايزة تستخدم علاقات الثقة Trusted Accounts

حالات ودواعي الاستخدام :-

بتبقي في حالة اللعب في فرق Teams وبيبقي في اليوزرات بتاعتهم الغير اساسية وعشان الفرق دي بتعمل اكتر من 500 يوزر فا معندهاش وقت تعمل علاقة ثقة معاهم كلهم وعشان كده بتقلبهم للنمط الثانوي او الرابيت اما اليوزر الاساسي فا عشان بيبقي واحد فبيبقي مفيش اي مشكلة في استخدام علاقات الثقة فيه

المميزات :-

تستطيع مشاركة اليوزر بكلمة سره الاساسية مع اي عدد من الافراد


العيوب :-

اول حاجة في حالة الحلب لا قدر الله لا يتدخل فريق التحقيقات في الموضوع ولن يتم عقاب الجاني
ثاني حاجة اليوزر في نمط الرابيت لا يدخل ضمن الترتيبات اي انه لا يفوز باي ميدالية مركز او اي جوائز
ثالث حاجة بعد عمل هذا الاجراء لا تستطيع عكسه بمعنى اخر لا تستطيع ارجاع اليوزر للنمط العادي

وعشان العيوب الكتيرة ديه اصبح هناك تحذير ان اللي يعمل النمط ده يبقي عنده الخبرة الكافية عن الموضوع ويبقي عارف هو بيعمل ايه كويس .


طريقة تغيير نمط الحساب :-

بتفتح الملف الشخصي للحساب بتاعك واول حاجة هتلاحظها ان جنب اسمك في رقم وهو ده ترتيبك على العالم ..
بتلاقي ايقونه كده مكتوب فيها “تغيير نمط الحساب” تدوس عليها

بتظهر صفحة جديدة تقرا الكلام كويس وبعد كده لو انت لسه عايز تغير اليوزر تدوس على الزر “تنشيط نمط الحساب الثانوي (الرابيت)”

هيظهرلك رسالة ان تم ارسال رسالة للبريد الالكتروني بتاعك

تقوم تفتح الايميل اللي انت مسجل عليه اليوزر وهتلاقي رسالة من كريمز بعونان "تنشيط نمط الحساب الثانوي (الرابيت)" ولو فتحتها هتلاقي جواها رابط هتدوس عليه

هينقلك للملف الشخصي بتاعك وهيكون تم تغيير نمط الحساب
ولو لاحظت في الصورة القادمة ان اسم اليوزر مبقاش جنبه رقم بمعنى انه خرج من صفحة الترتيبات خلاص ومبقاش في الاختيار بتاع تغيير نمط الحساب ولا يوجد اي طريقة اخرى لارجاع الحساب وبس ..

لو سمحت يا افيونة عندي استفسار برضو يعني اية عايزة تشارك الحساب من غير علاقات الثقة ياريت توضيح اكتر

وكمان حاسس ان دي بتشجع علي زيادة عدد الاكونت للشخص الواحد

شكرا

[AFUNA]

اللعيبة حتى لو عملت ايه مش هتبطل تلعب باكتر من يوزر
وبكده يطلع احنا ميتيين ابونا في الشغل ما بين واحد اتحلب وواحد اتسرق وواحد مش عارف حصله ايه
عشان كده حتى لو مش عارفين نلغيه بشكل كامل فاحنا بنحاول ننظمه
وبعدين في فرق ما بين تعدد اليوزرات و مشاركة الحساب
بيبقي في مثلاً فرق مستحيل انها تعمل علاقة ثقة لـ 500 يوزر فا بيقلبوها لرابيتس بحيث يشاركوها على طوول بكلمة سرها
اما الاساسي فبيفضل عشان واحد بس سهل مشاركته بعلاقات الثقة
وبيتشارك بعلاقات الثقة مش بالرابيت مود عشان يفوز بمركز

طيب معلش بس استفسار يا معلم
في حاجة انا مش فاهمها برضو بالنسبة لحسابات الرابيتس
يعني ازاي يشاركوها كلمة سرها يعني انت قصدك لو انا عندي 20 يوزر مثلا يعني ممكن اخليهم كلهم بفس الباسوورد بتاع
الرئيسي ولا نظام هرم مثلا يبقي يوزر اساسي للمراكز والباقي علشان بتحلب منهم انا فهمت من كلامك ان دايما الرابيتس هي حسابات كتير لنفس الشخص بس واحد اساسي يعمل لبية علاقات ثقة والباقي رابيتس بس اية الفايدة من كدة برضو انا الحوار مش متظبط في دماغي
معلش انا مش خبرة قوي ياريت تفيدني

[AFUNA]

المشاركة بنفس كلمة السر يعني بكلمة سر اليوزر الاصلية
بمعنى اخر
انت عندك يوزر سجلته على كريمز بتاخد كلمة سر ليه ولتكن مثلاً 12345
انا عايز العب معاك فيه
قدامي طريقتين اول حاجة علاقة الثقة ودي هخش بكلمة سر خاصة ولتكن 1010 بيا هتتعملي بس مش هقدر استخدم رصيد اليوزر
يبقى انا اخش بـ1010 وانت تخش بـ 12345
الطريقة التانية انك تقلبه رابيت وانا وانت نخش بكلمة سر واحدة وهي الاساسية لليوزر وهي 12345
وكل ده عشان ممنوع مشاركة اليوزر بكلمة السر الاساسية واللي هي 12345
الملخص : الفايدة انك لو بتلعب في فرق مش هتعرف تشارك اليوزرات بتاعتك كلها بعلاقة الثقة (صعبة فشخ عليك وعلى اللي بيلعب معاك) وطبعاً ممنوع تشارك اليوزر كده بانك تديني الباص بتاعه عشان كده بنقلبه رابيت طيب بس انت وانا عايزين نكسب مركز باليوزر وانا قبل كده قايل ان الرابيتس مش بتكسب مراكز عشان كده الموضوعد ده بيقي في كل اليوزرات اللي بتساعد اليوزر الاساسي عشان يكسب مركز واليوزر الاساسي بقي نشترك فيه بعلاقة ثقة عادي ..

طيب وهو يعني لما الحساب بيتقلب رابيت طيب ماهو برضو تبادل الباسووردات كدة برضو شغال

وممكن اللي انا عاملو كلمة سر خاصة بية يخش ويغيرها وتبقي زيها زي كلمة السر الاساسية تمام

انما لو مثلا الرابيت دة لما بعمل لواحد باسوورد ويكون لية صلاحيات محدودة من ضمنا انه ميعرفش يغير الباسوورد تبقي كدة فل قوي

شكرا

[AFUNA]

حتى لو قام بتغيير الباسوورد انت صاحب الايميل بتاع اليوزر يعني عشان يغير الباص لازم يفتح الايميل عشان يأكد تغيير الباص
ده في حالة الرابيت
لكن علاقة الثقة هو بياخد باص جديد ومبيبقاش ليه علاقة بالايميل برضو

الفايدة انك لو بتلعب في فرق مش هتعرف تشارك اليوزرات بتاعتك كلها بعلاقة الثقة (صعبة فشخ عليك وعلى اللي بيلعب معاك)

صعبة لية ؟؟؟

وازاي اعرف قوة تدمير السلاح بتيجي ازاي

معلش انا تعبتك معايا بجد بس استحملني اصل ملعبتش اللعبة من زمان وحصل فيها تطور جامد فشخ

الا يمكن ازاله هذا الحساب !!؟؟
اي اريده حساب عادي

شكرا يا افيونا معلومات جميله