اوك ايجي ديفلز خد بان عشان ساعد تيم تانى وتو ايزى فور اس (جوكر) تيم ساعدنا واحنا ساعدناه ليه هو فاضل فى الاوائل يلو سمحت يا افيونا انت تقدر تفهمنى وانا اظن انك عارف كدة انى مش استخدمنا اى بوت وانا اسف بسبب البان تانى وانا بحب لعيبة مصر .اولاً تعليقاً على الردود الاولى
مين قال ان المصريين ميعرفوش يلعبوا ببوتس ولا شافوا شكلها قبل كده
احب اوضح يا سادة ان اه في مصريين كتير يعرفوا البوتس وعندهم وبيعرفوا يستخدموها
وعيب اوي لما لاعيبة مش هقول قديمة بس لعبت ببوتس قبل كده وعلى عيني وعين ناس تانية كتير تقول عمرنا ما شفنا بوت قبل كده
طول ما المصريين او العرب بوجه عام بيعرفوا يعملوا اكونت على السكايب ويعرفوا يقولوا هالو و باي باي و اي ام دونكي بالانجليزي و يدلدلوا بقهم للاجانب زي الكلاب (وعذراً على التشبيه) بقوا يعرفوا يجيبوا البوت ويعرفوا يلعبوا بيه و يبعتوه كمان لصحابهم اللي مش بيعرفوا يتكلموا انجليزي يبقى مش نقول المصريين مش ليهم في البوتس وكده في ايه يا جدعان هو احنا مش كنا لعيبة زمان برضو ولا ايه !!؟؟؟؟؟؟؟
وهرجع واقول تاني للاخوة الاعداء .. قصدي الاعضاء ان كان في اغنية لحسني مبارك معمولة مخصوص اسمها لا هيديني ولا يرقيني ولا في مصلحة بينه وبيني
جينيروزو و دربكا وللاسف مش معاهم قدرة انهم يطردوا ناس من اللعبة
اما انا والناس كلها عارفه ويمكن في ناس بتحسبها تكبر بس انا مليش صحاب في اللعبة يعني مش تفتكر انك عشان اتكلمت معايا مرتين تلاته على السكايب و قعدت تحكيلي مشاكلك وانا مبضون اساساً من الحكاوي دي يبقى بقينا صحاب وتيجي تقولي بقى يا عم افيونة اللعيبة اللي بالاسامي كذا وكذا بضنتني اطردها وانا اقولك امين
ده لو هنقول صحاب لكن لو المشاكل شخصية بقى هقولك انا يا ابن الناس مش بلعب واظن شلت علاقاتي كلها مع اللعيبة اللي لسه بتلعب يعني مفيش بيني وبين اللي انطرد اي علاقة يبقى اطرده ليه !!
بان البوت يا سادة مش بيجي بعد يوم ولا اتنين
بان البوت بيبقى مراقبة لتحركات الحساب لا تقل عن اسبوع واسبوعين لو استلزم الامر
وساعات بنسيب البوت شغال لحد اخر الروند
اللي "بعض" الناس متعرفوش ان في قسم مخفي في المنتدى مش بيشوفوه الا المشرفين
واللي "بعض" المشرفين ميعرفهوش ان في قسم مخفي عن المشرفين نفسهم مش ظاهر الا لعدد قليل اوي من المشرفين بنقعد نستعرض فيه الغشاشين ونتفنن في حرق دمهم ازاى في الطرد يعني نتسنى لما اليوزر يعلى قد ايه عشان نحرق قلبه على السكيلز اللي عملها بالبوت
يعني الموضوع بيبقى على عينك يا تاجر
ايه هو البوت هانتر bothunter ؟؟
البوت هنتر او صياد البوت باختصار بسيط بيشتبه في يوزرات ويوقفها مؤقتاً عن اللعبة ويقوم شايل اسم اليوزر في قائمة نيجي احنا نمسك يوزر يوزر في القائمة دي ولو طلع انه غلطة البوت هانتر بيتفك البان ولو بقى لقيناه غشاش بجد لا بنشيله على جنب نقعد نتفرج عليه ونراقبه
واللي بيتمسك من البوت هنتر بيبقي بيستخدم بوت تعبان اوي ومكشوف اوي اوي لدرجة انه يتمسك بسهولة
اه في بعض المشاكل في اللغة العربية انها تسبب مشاكل للبوت هنتر بس المشرفين المسئولين عن الموضوع ده عارفين كويس الموضوع ده ويعرفهوا ازاي يفرقوا بين المشكلة والبوت الحقيقي
وانا مش تابعت الموضوع لأ ده اللي مسك الموضوع من الاول جه وقالي يا افيونه حصل كذا كذا كذا وتم اثبات اللعب ببوت حتى بص ووراني الادلة والبراهين وانا اقتنعت بأن البان مش كان ظلم
وكمان عايز اقول حاجة اللي بيساعد فريق بيلعب ببوت وبيساعد انه يعليه بيبقى زيو زيه يعني السكيلز بتتراقب راجت لفين وجت منين و اللي بيبقي له ايد في الموضوع ده بيلبس البان هو كمان
نروح نساعد الاجانب وننيك في بعض يعني مش كل واحد والنبي يعمل فيها مصطفي كامل ويقول مصريين واحنا اساساً مقضينها دلدلة لسان للاجانب (هو انا مش قلتهالكم قبل كده ؟)
عذراً على الاطالة بس اصلي بحب كل حاجة في مكانها والشكوى من البان مش بتبقي في المنتدى و كل واحد يفتح بقه وهو ميعرفش واللي ميعرفش يقول اييييييييه !؟
عدس !!