بخصوص الحلب و الاشراف في المنتدي وتصميم اللوجوهات

انا عايز اعرف ايه هو الحلب بس بالتفصيل الممل

وبالنسة للاشراف انا عايز اعرف هل فيه فرص اشراف للمنتدي
ولا المنتدي مش محتاج اشراف
طب ولو فيه هل فيه رصيد مقابل الاشراف ولا بيبقي فري
انا ممكن اعمل شرح للعبة من الولها لاخرها انا اه لسه جديد بس حوار النت والاشراف ده انا قديم فيه
يا ريت الرد يكون حنين
انا مش عايز اتشتم المرادي بعد الاقتراحات اللي قدمتها
ههههههههههههههههههههه
اما بالنسبة لحوار اللوجوهات فانا عايز اعرف انتوا ممكن تشتروا لوجوهات للعبة لو عجبتموا
ولا مش محتاجين
طبعا انا اقصد رصيد مش فلوس حقيقية
يلا مستني الرد

[Generozo]

موضوع الحلب اللى عايزه بالتفصيل موجود فعلا و إحنا مثبتين الموضوع فى دليل الموضوعات الهامه .. انزل ع اللينك اللى تحت

http://forum.thecrims.com/support-ar...o-o-u-usu.html

بالنسبه لموضوع اللوجوهات للعبه .. إحنا مش عايزين ندمج كل حاجه بالرصيد .. لأن سياسة أصحاب اللعبه مش كلها للفلوس و الرصيد و بس
هما عارفين انهم لو عملوا كدا حيبوظوا اللعبه علشان حيلاقوا ناس كتير بتشترى و بتكبر بمعدل اكبر من اى حد تانى .. و اللى معاه فلوس أكتر هو اللى حيكسب و المبدأ دا مش صح فى عالم الألعاب الألكترونيه

فا معتقدش ان دا ممكن يتحقق

بالنسبه لموضوع الأشراف .. أعتقد ان كل حاجه بقت موجوده للى عايز يدخل و يتعامل فى المنتدى .. من مواضيع شرح و مواضيع مثبته فيها كل سؤال ممكن تتخيله .

دا غير طبعا المواضيع اللى بتعلمك اللعبه من أولها لأخرها نظريا .. و طرق لعب مختلفه و هكذا

وانا كمان معايا دربكا و أهو أفيونه كتر خيره بيزق معايا شويه لما دربكا بيخوخ منى .

بالنسبه للجزء الخاص انك تعمل شرح كامل للعبه .. كتر خيرك طبعا لأنها بتحتاج تعب كتير .. و هو موجوده فعلا من ناس كتر خيرها .. و موجوده مواضيعهم فى المواضيع المثبته

و للمره التانيه .. انا عايزك قبل ما تقول اى حاجه او تتكلم فى اى حاجه .. إقرا المواضيع المثبته كلها .. و حتلاقى نفسك بعد كدا إتعلمت كل حاجه و بتدخل المنتدى بس علشان تساعد الناس الجداد اللى داخلين يسألو بعدك

بالتوفيق

بيس يا مان لتاني مرة بتبهرني بالرد بتاعك
عموما الف شكر يا بوب
ورمضان كريم وكل سنة وانت مع عيلتك

[D4RB4K4]

انا مش بخوخ والله ولا حاجه انا بتابع كل حاجه بس انت مش حاسس بيا بس

كريم على طول ردوده مبهره فالمفروض ان ده بقه عادى بالنسباله



الموضوع مغلق ورمضان كريم عليك انت كمان