مقابله جديده للعيبه كريمز العيد الجاى

بسم الله الرحمن الرحيم

تم عمل مقابله رقم 2 للعيبه كريمز من فتره واللى راحو كان عدد مش كبير اللى يليق بكريمز ومعجبنها الكتير
ارجو من اللى عمل المقابله اللى فاتت يعمل مقابله تانى فى العيد اللى جاى بس يا ريت يجهز ويقول من قبلها بفتره طويله عشان الكل يعرف
دة رقمى يا ريت يكلمنى لو جه ينظم واحده تانى وهكون من اوئل الناس معاه ان شاء الله
ونعمل قعده لزيزه كلنا ونتبادل الخبرات
احمد سليمان
ممنوع نشر أرقام موبايلات يا أخ يا صاحب الموضوع

تعديل المشرف : Generozo

[Generozo]

يا عم الحج .. حضرتك هو انت فاكرها سايبه ولا ايه

يعنى هى وكاله من غير بواب مثلا .. عايز تعمل مقابله و تسيب فيها رقم موبايلك و الحياه حلوه معاك اوى .. و كل دا فى المنتدى .. و مشرفين المنتدى و اللعبه دول ايه بقى .. طراطير سياتك يعنى !!

زى اى مقابله بتتعمل .. لازم يكون المشرفين عارفين بيها الأول .. علشان اقولك تحطها فى المنتدى زى المقابله اللى فاتت كدا .. مش وكاله من غير بواب هى

و بردوا مينفعش تحط موبايلك من غير ما تعرفنى .. لأن كدا إحنا حنقلب منتدى كريمز لمنتدى أف أح للتعارف

اللى عايز ينظم مقابله للاعبين كريمز .. لازم يعرفنا الأول .. و نشوف هل الشخص دا اصلا معروف و يقدر يدير حاجه زى دى ولا لأ .

و أحنا بنقولك ع التفاصيل اللى بتحطها فى موضوعك .. مش يالا نتقابل و اسيبلكم موبايلى و الحياه حلوه كدا

موضوعك مقفول .. انا مش حزعل منك لأنى عارف انك مش قصدك و متعرفش ان المقابله اللى قبل كدا اتعملت بنفس الأسلوب اللى كلمتك فيه دا

لكن بعد كدا أى لاعب حيحاول يعلن على مقابله من خلال المنتدى من غير ما يستأذن من أى واحد من مشرفينه اللى أكيد بدوره حيعرفنى .. ساعتها حيبقى حط نفسه فى مشكله معايا

مغــلق