فى حاله من الديمقراطية .. انا سبت كل الناس تقول اللى عندها و اللى فى قلبها بمنتهى الصراحه
بس أحب أوضح حاجه صغيره .. بعد كل الكلام اللى اتقال دا
إحنا كا مشرفين عرب مش مقصرين مع أى حد من الاعيبه .. فى حدود قانون اللعبه
يمكن العتاب الوحيد اللى علينا .. هو التأخير فى حل مشاكلكم .. لكن بردوا السبب فى دا بطئ من المنظمين .
لكن اللى ع المشرفين بيعملوه و انا بقول للناس اللى مش واخده بالها و عامله مش واخده بالها من الاعيبه اللى بينكروا جهود المشرفين
1- عندكم فى المنتدى مواضيع مثبته لكل التخصصات من شكاوى لأسئله لمعلومات مفيده لكمان خطوات أزاى بيها تتعلم اللعبه .
2- ترجمة اللعبه كل فتره بيتعملها تغييرات و دا المفروض ميحصلش .. لأن اللعبه المفروض تترجم مره واحده بس و اللى بيتبقى فيها هو ترجمة الحاجات الجديده من دورة للتانيه .. لكن إحنا بنغيرها علشان التجديد اللى حضراتكم بتتكلموا
مع إحترامى لكل النقد اللى إتقال .. لكن كلامكم مش مظبوط .. و أحب أقولكم ان مفبش غير المنتدى العربى و البرازيلى اللى فيه الكلام دا .. يعنى فيه مواضيع مثبته بتغطى تقريبا كل إحتياجات الاعب الجديد و القديم كمان
بعد كل الكلام دا .. أحب أقولكم اننا بردوا بنيجى على نفسينا و بنستحمل ناس أغبيا كتير .. و اكيد المتواجد فى المنتدى يعرف الكلام دا كويس .. فا يعنى العملية فعلا مش ناقصه كمان تقطيم
بالنسبة لمؤهلات المشرف إحنا إتكلمنا فيها كتير قبل كدا
1- لغه إنجليزية
2- خبرة فى اللعبه
3- إسلوب و تعامل محترم
4- شغله الشاغل هو خدمة الاعيبه و حل مشاكلهم
مين قالك انى مش فاهم اللعبه .. هل شفتنى قبل كدا جاوبت حد و اديتله معلومه غلط ؟
مش معنى انى دخلت و هزرت فى الموضوع يبقى تسوق فيها .. ومش حسمحلك تتكلم مع اى مشرف بأى طريقه مش كويسة .
انا حعديها المره دى لكن معتقدش ان المره اللى جاية انا حسمى عليك