انا نزلت وندوز جديد واللى عاوز اعرفه ازاى العب من غير سيرفر وشكرا
انا نزلت وندوز جديد واللى عاوز اعرفه ازاى العب من غير سيرفر وشكرا
السيرفر ده بيكون اللي عامله اللي انت موصل من عنده نت انت ممكن تسأله علي موضوع ده
واحد قالى العب من سيرفر تانى ازاى العب من سيرفر تانى
يعني من الاخر تغير شركة الانترنت اللي انت متفق معاها يعني مشترك معاها وتشوف شركة تانية ماتكونشي بتغير الاي بي كل شوية
واحده واحده علينا و متاخدناش فى دوكه
بعد ما نزلت ويندوز جديد .. المشكله مازالت موجوده بردو ؟؟
تانى حاجه فى كلامك .. ازاى تلعب من غير سيرفر .. السبب فى دا هو صاحب الوصله بتاعتك هو اللى عامل موضوع تقسيم السرعات و تحديد الأى بى و حوارات من هذا النوع .. و دا كله بيتعمل عن طريق سيرفر بيتحكم فى الشبكه .. و هو اللى بيغير الأى بى من نفسه على موقع اللعبه و عشان كدا بتلاقى نفسك خرجت من اللعبه لوحدك .
الحل فى الموضوع دا .. يا اما تخلى صاحب الوصله يشتغل من غير سيرفر يعنى يبقى سايبها بالبركه كدا من غير اى نظام و دا طبعا مستحيل .. او تشترك مع صحابك فى وصله صغيره على قد الحال و دى اكيد حيكونو اطرافها مش بيستخدموا سيرفر .. او تدور على حد يعملك وصله وتكون متأكد انه مش عنده سيرفر .. أو تدخل وصلة نت لحالك و متتعبش قلبك .
المهم انك مينفعش تلعب كريمز من خلال سيرفر .
بالنسبه للأخ اللى قالك العب من خلال سيرفر تانى .. دا فاهم الموضوع غلط .. لازم تبقى فاهم ان اللعبه ليها 8 سيرفرات .. المشكله مش فى سيرفرات اللعبه .. المشكله زى ما قلت قبل كدا فى السيرفر الخاص بيك انت .. يعنى الموضوع دا ملهوش علاقة بمشكلتك اساسا
يا ريت تبقى فهمت كل حاجه .. انا معنديش كلام تانى اقوله فى الموضوع دا .. اتمنى ان لو اى حد عنده نفس المشكله يبقى فهم اسبابها و الحل بتاعها كمان
بالتوفيق
Regards,
Generozo
Support & Abuse Member
TheCrims.Com Crew
انا نزلت وندز وعملت كل كبيره وصغيره والسيرفر والكوكيز ومش عارف اعمل ايه ارجووكم حل نهائى ويكون مفيش بعده والف شكر من الرجاله المحترمه اللى معانا من ساعت ما بدات اشتكى بوبيست وجوكر وغيره من الرجاله المحترمه
ربنا يخليك يا باشا
بس المشرف جينرزو رد عليك
وقالك انك موجود في شبكه والشبكه ديه صاجبها عامل حاجه اسمها سيرفر والسيرفر ده بيغير الاي بي بتاعك اوتو ماتيك فا انت
علشان تخلص من الكلام ده كله
اما انك تجيب شبكه انت واللي في عمارتك مثلا شبكه صغيره او تشوف حد بيوصلك نت من غير سيرفر يعني يسيب الشبكه كلها عايمه في بعضيها
يعني دلوقتي المشكله مش من اللعبه ولا من المتصفح بتاعك ولا من الويندوز وياريت يكون كلامي وصلك
Last edited by bobest; 06-09-2010 at 10:08 PM.
الموضوع مش محتاج كلام اكتر من كدا .. و مش محتاج منك اسئله مكرره انت قلتها قبل كدا .
الناس كلها ردت عليك فى كل كبيرة و صغيرة و جيت انا من بعدهم و لخصتلك الموضوع كله مش علشانك بس .. و علشان كمان اى حد بتقابله نفس المشكله .
معتقدش ان ممكن تسألنا فى الموضوع دا اى سؤال تانى
مش حقفل الموضوع لكن اتمنى من صاحب الموضوع انه يقرا الردود كلها كويس بدل ما يسأل .. لأن خلاص مفيش حلول تانيه تطلبها من اى حد .. المشكله تخصك انت و حدك
بالتوفيق
Regards,
Generozo
Support & Abuse Member
TheCrims.Com Crew
الحمد لله يا رجالتنا المشكله اتحلت وربنا كان جاعلكم سبب اشكر الاستاذ الكبير جينيزورد وبوست وجوكر وامبيروا وكل اللى ساعدونى فى حل المشكله واشكر اللعبه ان فيها حاجه زى دى لحل المشاكل والشكر الاكبر ان فيها رجاله يحلوها وشكرا