بعد ما قعدت افكر نص ساعه فالمقدمه بتاعه الموضوع
وزيهم علشان اكتب الكلمتين دول
قولت ادخل فالموضوع على طول من غير مقدمات
باختصار الاقتراح دا بخصوص تكوين العصابات للمبتدأين امثالى وامثال ناس كتير فاللعبه
طبعا الواحد بعد مابيزيد احترامه واسكلزاته ويحب يدخل فالسرقات التقيله بتاعه العصابات والحاجات دى
اول حاجه بيعملها يدخل ميدان الدردشه يطلع عينه لحد ما يجمع كام واحد علشان يعملوا عصابه مع بعض
طبعا لو طلعنا عدد الايام اللى هتقضيها فالمستشفى بسبب خيانات الناس اللى بتبقى فميدان الدردشه
وعدد الايام اللى هتقضيها فالسجن لان مش كل العصابه بروفيشنال
هيبقى اغلب الناس اخرهم سرقات فرديه ممله ومتعه اللعبه الحقيقيه مش هيشوفوها
----------------------------------
فانا باقترح ان يكون فى رجاله مأجورين تشتريهم زى الحرس الخاص اللى عند تاجر السلاح
بس دول يبقو معاك بدل الناس اللى بتعمل معاهم علاقات وبعد كدا تكونوا العصابه
وطبعا يبقوا اكتر من نوع وكل واحد يبقى ليه تمن على حسب قوته
وتشترى الناس دى ويبقى لهم مرتب ولو مش معاك فلوس تدفع لهم فلوسهم يخونوك وكدا
وعلى حسب بقى عدد الافراد اللى هتشتريها هتكون عصابتك وتقدر تسرق سرقات عاليه
يعنى باختصار كل واحد يكون عصابته مع نفسه
مش هاطول عليكم اكتر من كدا
واتمنى من المشرفين يقروا الفكره وتعجبهم