Follow Us On Follow us on Facebook Follow us on Twitter Watch us on YouTube
Results 1 to 1 of 1
  1. #1

    Default تعرف على المنظمين + المواقع الداعمة للعبه

    إنتشر فى الفترة الأخيرة عمليات سرقة لحسابات بعض الاعبين أو نصب أو إنتحال لشخصية واحد من منظمين اللعبة اللى ممكن يعرف منك بيانات مهمة سواء لحسابك أو لطريقة لعبك عشان يبلغها لشخص أخر, بالتالى الموضوع ده تم تجديدة عشان نوضح بعض الأمور الهامة جدا.

    أولا: الأشخاص اللى شغالين فى اللعبة فعلا المعروفين بإسم المنظمين أو الكرو بينقسموا إلى قسمين
    ( فريق الدعم و فريق التحقيقات )

    فريق الدعم المعروف بإسم Support Crew
    هو الفريق الخاص بدعم الاعبين فى معالجة أى مشاكل لتشغيل حسابات الاعبين, أسماء فريق الدعم موجودة فى الرابط ده ( إضغط هنا )

    فريق التحقيقات المعروف بإسم Abuse Crew
    هو الفريق المسئول عن مراقبة حسابات الاعبين و تطبيق قوانين اللعبة الموجودة فى هذة الصفحة.

    ثانيا: تأكد إن المنظمين مش بيسألوا الاعبين عن أى بيانات شخصية مثل كلمة المرور أو أى تفاصيل أخرى من خلال برامج الدردشة الخاصة زى السكايب أو الماسنجر, أو من خلال رسائل البريد الإلكترونى.
    طريقة التواصل مع المنظمين بتكون من خلال صفحة اللعبة نفسها عن طريق الرسائل الخاصة أو من خلال الدردشة الموجودة داخل اللعبة أو من خلال المواقع الداعمة للعبة زى المنتدى الخاص باللعبة أو من خلال مركز الدعم الفنى, حيتم شرح كل جزء فى نفس الموضوع.

    تحذير, لو لقيت اى شخص من المنظمين بيكلمك على الايميل او السكاى بى و يقولك هات الباسورد بتاعك علشان ازودلك مهارات او أحطلك رصيد مجانى او علشان الحساب بتاعك فيه مشكلة عندنا لازم تدينى الباسورد علشان اصلحهولك .. كل دى طرق نصب معروفه و اللى بيكلمك دا أكيد نصاب, لأن المشرف مش محتاج يطلب منك أى بيانات لأنها كلها موجودة ومسجلة عندنا فى الموقع الخاص بإدارة اللعبة ( اللى بيكون ليه صلاحية دخول للمنظمين فقط )

    لو إتنصب عليك, إنت الوحيد المسئول عن ذلك والمنظمين مش حيقدروا يساعدوك, لأننا فى عالم مجرمين و كل الوسائل الشريفه و الغير شريفه مشروعه.

    =======================

    ثانيا :- المواقع الداعمه للعبه

    1- المنتدي

    هو المكان اللى احنا فيه اللى من خلاله تقدر تتواصل مع الاعيبه او المنظمين عن طريق طرح اى استفسار و بتلاقى الرد عليه فى اسرع وقت سواء كان الرد من خلال احد المنظمين او من خلال الاعيبه الموجودين اللى حابيين يساعدو.

    الرابط الخاص بالمنتدى: إضغط هنا
    الرابط الخاص بالمنتدى - القسم العربى: إضغط هنا

    2- مركز الدعم الفنى

    هو المكان اللى من خلاله تقدر تتواصل مع المنظمين بشكل فردى فى حل المشاكل المتعلقه بحسابك أو لحساب غيرك بأكثر من موضوع زى :-
    لو عندك مشكلة فى حسابك سواء لشراء الرصيد أو غيره.
    لو حد نصب عليك و سرق منك الحساب بتاعك.
    لو عايز تبلغ عن واحد بيلعب بطريقه غير شرعيه.
    لو فى اى مشكلة فى اللعبه أو ثغرة فى اللعبة بعض الاعبين بيستخدموها.
    لو فى أى عندك أفكار جديدة وشايف انها ممكن تفيد اللعبة.

    الموقع الخاص بالدعم الفنى: إضغط هنا.


    3- النسخة التجريبية ( بيتا - Beta )

    هو عبارة عن موقع أخر للعبه فيه نسخة تجريبية وهى نسخة طبق الأصل من النسخة الأساسية, ولكن النسخة التجريبية ( بيتا ) بتكون فقط لإختبار و لتجربة الأحداث الجديدة الخاصة بتنفيذها فى الدورة الجديده قبل تطبيقها بشكل نهائى فى النسخة الاساسية.
    فى السابق موقع بيتا كان مفتوح لكل الاعبين للاشتراك فيه ولكن حاليا النسخة بيتا بتقوم على نظام الدعوات فقط اللى بتيجى من الادمنز لبعض الاعبين لغرض الاختبار والتجربة.
    موقع بيتا هو موقع مفيهوش أى جوايز بمعنى إن مفيش أى جوائز او ميداليات للاعبين الأوائل لأننا كما شرحنا هو موقع للتجربة فقط.

    الموقع الخاص بالنسخة بيتا: إضغط هنا

    بالتوفيق للجميع
    Last edited by Generozo; 04-09-2021 at 05:08 PM.

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •