استفسار بسيط

سلام عليكم
لو سمحتو يا شباب عندي استفسار
ازاى استغل الفلوس احسن استغلال ؟؟
يعني انا عندي حوالى 100 مليون زياده
و عندي اقصي عدد من المصانع و اقصي عدد من الحريم
هل في طريقه اقدر استغل بيها الفلوس غير كدا ؟؟
وشكرا مقدما

[Generozo]

المخدرات و السفينه

ممكن تشغل فلوسك فى واحدة من الطريقتين اللى حقلك عليهم :-

1- تعرف السفينة اللى جاية حتاخد مخدر نوعه ايه لما تروح ترشى القبطان بالرصيد .. و تفضل راشق نفسك عند تاجر المخدرات تشترى اى كمية تلاقيها عنده من المخدر اللى قالك عليه .. لحد ما يجى ميعاد السفينه اللى حتشيل نوع المخدر اللى انت عرفته مسبقا من القبطان و اللى هو معاك منه المفروض بقى بعد ما اشتريته .. تروح تبيعه عند القبطان بردو بسعر اعلى من السعر اللى انت اشتريته و بالطريقة دى انت شغلت فلوسك و زودت احترامك طبعا

2- ممكن تغامر بالفلوس .. و تشترى انواع المخدرات اللى سعرها اصبح اقل من المعتاد .. و انت و حظك بقى .. ممكن تيجى كبسة على المخدر دا و سعره يزيد و تبيع انت بالغالى او ممكن يجى عليه سفينه تكون حتحمل منه زى الحالة الأولى كدا و بردو سعره يزيد و تكسب اكتر

الطريقة الأولى مضمونه .. انما التانيه فيها مخاطرة شوية .
و ظيط يا برنس

تسلم ياباشا
انا بردو بعمل كدا مع السفينه
لما بعرف اللي جاى ايه ببيع كل المصانع و اشترى المصنع اللي هييجي
و فعلا بدخل اشترى على قدما اقدر من التاجر



طيب لو سمحت كان عندي استفسار تاني
ايه فايده تغيير نمط الحساب للرابيت اللي هو الحساب الثانوي ؟؟
وشكرا مقدما

[Generozo]

انا بردو بعمل كدا مع السفينه

لما بعرف اللي جاى ايه ببيع كل المصانع و اشترى المصنع اللي هييجي

انا مقلتش مصانع خااااااالص .. انا بكلمك عن المخدرات نفسها اللى بتشتريها من تاجر المخدرات .. لكن انك تبيع المصانع بتاعتك كلها و تشترى مصانع من الأول عشان تنتجلك كام يوم بس .. دى فكرة غلط جدا و اكيد حتخسر خسارة التنين

اعيد لك تانى .. مثلا فى يوم 45 فى سفينه امفتامين حتيجى .. تقوم انت رايح على تاجر المخدرات و تشترى من عنده المخدر اللى اسمه امفتامين بس .. ولما تيجى السفينه تقوم رايح بايع كل اللى اشتريته من الأمفتامين دا للسفينه عشان تكسب فيه .. و بالفلوس اللى حتاخدها دى تقوم رايح تشترى المخدر اللى حتيجى السفينه تشيله بعد كدا .. و هكذا ..فى طريقة تانيه كمان ممكن تستخدمها .. لو عند اكتر من حساب فى اللعبه .. ممكن تنقل المخدر اللى فى الحساب اللى فيه المخدر دا للحساب الرئيسى بتاعك بردوا عن طريق تاجر المخدرات .. يعنى حساب يبيع للتاجر و فى نفس اللحظة حساب تانى يشترى نفس المخدر اللى باعه الحساب الأول من التاجر .. دا اسمه انك بتنقل المخدر من حساب لحساب .. و انسى حكاية انك تبيع المصانع دى .. انا معرفكش فيها

ايه فايده تغيير نمط الحساب للرابيت اللي هو الحساب الثانوي ؟؟

أدخل ع الموضوع دا

http://forum.thecrims.com/support-arabic/16573-u-u-o-o-u-o-o-o-o-o-u-o-o-u-u-us-o-u-o-u-o-o-o-uso.html

حيجيبلك من الأخر

انا مقلتش مصانع خااااااالص .. انا بكلمك عن المخدرات نفسها اللى بتشتريها من تاجر المخدرات .. لكن انك تبيع المصانع بتاعتك كلها و تشترى مصانع من الأول عشان تنتجلك كام يوم بس .. دى فكرة غلط جدا و اكيد حتخسر خسارة التنين

اعيد لك تانى .. مثلا فى يوم 45 فى سفينه امفتامين حتيجى .. تقوم انت رايح على تاجر المخدرات و تشترى من عنده المخدر اللى اسمه امفتامين بس .. ولما تيجى السفينه تقوم رايح بايع كل اللى اشتريته من الأمفتامين دا للسفينه عشان تكسب فيه .. و بالفلوس اللى حتاخدها دى تقوم رايح تشترى المخدر اللى حتيجى السفينه تشيله بعد كدا .. و هكذا ..فى طريقة تانيه كمان ممكن تستخدمها .. لو عند اكتر من حساب فى اللعبه .. ممكن تنقل المخدر اللى فى الحساب اللى فيه المخدر دا للحساب الرئيسى بتاعك بردوا عن طريق تاجر المخدرات .. يعنى حساب يبيع للتاجر و فى نفس اللحظة حساب تانى يشترى نفس المخدر اللى باعه الحساب الأول من التاجر .. دا اسمه انك بتنقل المخدر من حساب لحساب .. و انسى حكاية انك تبيع المصانع دى .. انا معرفكش فيها

أدخل ع الموضوع دا

http://forum.thecrims.com/support-arabic/16573-u-u-o-o-u-o-o-o-o-o-u-o-o-u-u-us-o-u-o-u-o-o-o-uso.html

حيجيبلك من الأخر

[/center]

ممم عندك حق
انا جربتها السفينه اللي فاتت وماحققتش مكسب ملموس
بيعت نص المصانع وجبت مصانع ماريجوانا وفعلا خسرت جامد

تفتكر لو اشتريت اسكيلزات بالفلوس يبقى كويس ولا ملهاش لزمه ؟؟
و ايه احسن حاجه اشتريها ؟ انا بشترى ذكاء وتحمل اكتر حاجه

انا عندي كذا يوزر هيفيدنى موضوع نقل المخدرات دا .. الف شكر يا باشا
تسلم تعبتك معايا

[Generozo]

لازم تنسى تماما موضوع انك تفضل تبيع المصانع و تشترى مصانع من جديد فى كل سفينه جاية دا تماما .. لأن كل مصنع من المصانع اللى انت بتبيعها بتخسر فيه .. و الخسارة دى مش حتخليك تحس بالفرق المكسب اللى حيجى لو استخدمت الطريقة اللى قلتلك عليها انك تشترى مخدرات من التاجر .
يعنى أكدلك المثال اللى قلتهولك .. الهيروين قبل السفينه اللى فاتت دى على طول .. كانت الحبة ب233$ و بعد ما جت السفينه بقت الحبة بـ299$ .. اكيد كدا فهمت انك فى الحبة الوحدة كسبت قد ايه .. ولو كنت بقى شارى ملايين من حبات الهيروين كان زمانك كسبت قد ايه !!؟

خلصنا كدا من موضوع السفينه و المخدرات .. أوعى تعمل كدا !!

بالنسبة للمهارات:-

ليه تشترى مهارات من المستشفى و انت تقدر تاخدها ببلاش .. كل ما بتشترى مهارات من مستشفى انت بتخسر احترام لأنك طبعا بتدفع فيها فلوس .بالتالى الأحسن لك انك متشترتيش مهارات من المستشفى غير للحسابات التانيه اللى هى غير مهمه بالنسبالك . و اديك حتعرف الطريقة التانيه بدل ما تكلف نفسك ع الفاضى .

تقدر تاخد المهارات دى ببلاش عن طريق نقل المهارات الموجودة فى اليوزرات التانيه .. للحساب الأصلى بتاعك .
يعنى نفس طريقة نقل المخدرات اللى شرحتهالك فى الرد الأول .. حتكون هى بالظبط طريقة نقل المهارات من الحسابات الضعيفه اللى عندك .. الى حساب واحد اللى هو قوى و اللى هو الأساسى بالنسبالك ..دى كدا الفكرة العامة اللى تقدر تاخد بيها مهارات من ابو بلاش من غير ما تشترى و كدا .. بالنسبة للألية بقى بتاعة الموضوع دا .. تعرف ازاى تقدر تعمل دا .. ادخل على موضوع بتاع تعليم اللعبه و انت تعرف طريقة الحلب للحسابات عشان تقدر تسفيد منهم و تكوش على كل المهارات بتاعتهم .

وصباحو قشطه و ميهمكش حاجه