الدورة رقم 54 ,, البداية الجديدة

[Generozo]

السلام عليكم
الدورة اللى جايه هى أكبر تغيير فى عالم الجريمه ..لأن اللعبه حيبقى مسموح لكل لاعب حساب واحد بس فى اللعبه .. يعنى من الدورة الجديدة مفيش أى رابيت و مفيش حسابات ثانوية و مفيش حسابات موثوقه . .. بعد تفكير و تخطيط عميق و صعب .. قررنا إن اللعب بأكتر من حساب .. بيقتل مستقبل اللعبه و عشان كده إحنا عملنا التغيير ده .. على أمل مننا إنه ينال رضاكم بأذن الله .

بما إننا غيرنا نظام اللعبه .. فى كثير من التعديلات و التظبيطات اللى بتتماشى مع حساب واحد لكل مشترك .. و هى كالأتى .
* مسموح لكل لاعب بحساب واحد فقط يستخدمه فى اللعب .
* كل متطلبات سرقة العصابه تم تخفيضها سواء كان صعوبة أو عدد أفراد مطلوبين وذلك حتى تتماشى مع طبيعة اللعب الجديدة .
* حتقدر تشترى من المستشفى مهارات براحتك و بدون أى حدود .
*
* مركز التدريبات رجع تانى .. لكن و إنت بتتمرن مش حتقدر تسرق أو تهاجم حد .
* الأستثمار كمان رجع من تانى .
* الحسابات الموثوقه و الحسابات الثانوية تم إلغائها .
* حتقدر تغير الأيميل بتاعك بنفسك من خلال صفحة البروفايل .
* مسموح بحساب واحد فقط للدخول لكل أى بى IP
* حتقدر تشترى من تاجر المخدرات براحتك و من غير حدود .
* حتاخد تذكره واحده فى كل دقيقه لكن بحد أقصى حيكون فى حسابك 30 تذكره .
* سرقات جديده لما توصل لمستويات جديدة .

بخصوص تحويل الرصيد : عندك فرصه لحد الدورة القادمة إنك تحول الرصيد من أى حساب عندك لحسابك الثابت اللى حيفضل معاك على طول .. ولو عندك أى مشكلة فى نقل الرصيد من حساب لأخر .. إحنا حنساعدك عن طريق مراسلتنا على مركز الدعم الفنى The Crims - Powered By Kayako eSupport

نسخة بيتا موجوده بالفعل عشان تجرب و تشوف عليها التجديدات دى .مستنيين أرائكم و إقتراحاتكم و إستفساراتكم .

بالتوفيق

انا دلوقتى دخلت بيتا وحوار ان كل ديقيقة تكت دا مش بيحصل انا لحد ناو داخل ومايا 70 تكت وشغال بدخل عادى

[Generozo]

موضوع التذاكر ده لسه لحد دلوقتى متظبطش .. لكن فى النسخة الفعلية للعبه حتكون كل التغييرات دى موجوده

[MRpepo]

دلوقتي يا كريم مكتوب جانب سرقات العصابه الاعضاء 4.9 قصدهم ايه ب9 دي وشكرا

by MRpepo

[Generozo]

يا رجاله مازال بردو بيتا لسه مش متظبطه التظبيط الكامل اللى يخليها جاهزه للعب .

إحنا فاتحينها بس عشان احنا نختبر عليها التغييرات و عشان الاعيبه اللى عايزه تتفرج على شكل و طبيعة اللعب حتبقى عامله ازاى .

لكن فى تغييرات كتيره مش مفعله .. و موضوع العدد بتاع سرقة العصابه دى انا بلغت بيه فعليا .. و مازال التظبيط قائم .

بالتوفيق

[mahmoudsalama]

فى مشكله عايز اسال عليها انا بدخل اللعبه من اكتر من مكان يعنى كل مكان عندى بيكون له اى بى مختلف عن التانى على كدة مش هقدر ادخل على اليوزر بتاعى من اكتر من مكان مثال انا دخل على بيتا ونشطت اليوزر بتاعى من الاى بى اللى موجود عندى فى الشغل والوقتى من البيت مش عارف ادخل على اليوزر ارجو ايجاد حل فى ناس كتير بتلعب من البيت وبيخرجو للسيبر او بيلعبو من الشغل وبيكونو اكتر من واحد فى نفس المنطقه بيلعبوها ازاى هتتحل وفى بعض المناطق فيها اى بى واحد ارجو الافادة

[Generozo]

بالنسبة لمشكلة ان الواحد له اتنين مكان أو اكثر بيلعب منهم .

دى متعتبرش مشكلة أصلا .. لأن مشكلتنا فى إن كل أى بى حيفتحلك يوزر واحد بس .. سواء كنت فى البيت او السيبر أو الشغل . بالتالى الجزء الأول من السؤال ده مش مشكله .

بالنسبة للجزء الثانى من السؤال ... لو منطقة كامله واخده أى بى واحد أو حتى اتنين اخوات بيلعبو من نفس الجهاز بنفس الأى بى .. دى اللى تعتبر مشكله حقيقة و إحنا شغالين على إجاد حلول ليها .

إحنا حطينا الأخبار بتاعة الدورة الجديده بدرى شوية و ده عشان نعرف كل اسئلتكم و اقتراحاتكم و مشاكلكم عشان نفكر فيها و نوجد ليها حلول .. بالتالى اللى عنده أى حاجه او مشكلة او استفسار يا ريت يقوله على طووووول

بالتوفيق

[mahmoudsalama]

الف شكر ليك ياكريم

tab dl2atwy el 3ayz ya3ml user 5amara ya3ml 2eh???? ya2ma ba2a fe eltgasos teshalo el5amrat

مفيش خاصية انك تعرف خمارة غيرك من التجسس اتشالت فعلا !