الدورة رقم 54 ,, البداية الجديدة

الحسابات الموثوقه و الحسابات الثانوية تم إلغائها

يعنى مفيش ترست كدة عاوز حد يفهمنى
انا مش عارف بصراحة اية التغيرات الغريبة دى المفروض تبقى لاحسن مش للاوحش
كدة محدش يلعبها تانى خالص من التجديدات دى

[mahmoudsalama]

وكمان لو عايز تلعب بورصه لازم تشوف واحد تانى معاك علشان تلعب بورصه
الميزة فعلا ان التمارين زاد فيها البورات بشكل خرافى على حسب بيتا ممكن دى تعوض اللعب بس مش عارف هنلعب ازاى بردو بدون يوزرات كتير مع العلم ان اللعبه من اول ما اتعملت هيكون التغير بتاع عدد اليوزرات لكل واحد واللى هيكون يوزر واحد بس اول مرة فى تاريخها ارجو انها متكونشى ممله مع التغيرات دى

[Generozo]

طيب يا شباب .. كلمتنين أبرك من عشره زى ما بيتقال .

كريمز أساسا طول عمرها و من قديم الأذل حتى الدورة رقم 12 تقريبا عباره عن لعبه فردية .. يعنى كل واحد عنده حساب واحد بس .
اللعب بطريقة جماعيه أحسن بكتير من اللعب بطريقه فردية مع حساباتك الثانوية اللى عمال تعلى فيها و تحلبها و مواااااااااال مش بيخلص .. لحد ما بقت اللعبه ممله .
الهجوم الحاد على التغييرات دى أساسا هجوم غير مبرر .. لأن اى إنسان عاقل لازم يجرب الأول و بعد كده يقول رأيه .
عملنا تغييرات كتيره أوى على طربقة اللعب عشان تتناسب مع كل الناس .. و عشان محدش يزهق من اللعب .. ده إحنا حتى عملنا إجراءات زياده تسهل علينا عملية البحث عن أى غشاش فى اللعبه و ده عشان نضمن نزاهة اللعب .

يعنى مثلا موضوع التمرين ده .. إقترحت إننا نحبب الناس فيه عن طريق إننا لازم نزود المهارات اللى حيكسبها الاعب من خلال التمرين بنسبه معينه حنسيبهالك إنت تعرفها بنفسك .. و فعلا التغيير ده تم و أظن لقيت رد إيجابى بخصوص موضوع التمرين ده .

موضوع التذاكر و تم تعديل فيه عشان يبقى كل لاعب عنده رصيد كبير من التذاكر يقدر يلعب بيهم فى الوقت اللى يدخل فيه اون لاين عشان ساوينا بين الاعب اللى موجود على طول فى موقع اللعبه و بين الاعب اللى بيفتح اللعبه كل كام ساعه .

بلاش ردود سلبيه لو سمحتم .. إحنا غيرنا بما فيه الكفايه و كل ده لمصلحة اللعب .. اللى مش عايز يلعب كريمز تانى أكيد يعمل اللى هو عايزه .. لكن ملهوش لازمه إنه يسيح لنفسه هنا و يقول للناس كلها إنه مش حيلعبها تانى و كأننا ممكن نغير حاجه جذرية عشان خاطرة .

الدورة اللى جايه حتكون غير أى دورة .. نصيحتى لأى لاعب .. يظبط من دلوقتى صحاب بجد عشان يدخلو مع بعض فى عصابه واحده و يكبرو مع بعض .

بالتوفيق

ها يا جدعاااااااان عصابة في الانجاز مين جاهز؟؟؟؟؟؟؟؟؟ ده الاسكاي بي بتاعي اللي ها يعمل عصابة يضيفني phantomknight44

يا جينروزو الدورة الساعة كام بالظبط بتوقيت مصر

الدورة هتبدأ يوم الخميس الساعة 7 بتوقيت مصر

دلوقتى مشكلة الاي بي دي هتعمل مشاكل كتير يعنى احنا هنا عشرة قرايب في بيت عيلة وعندنا خط واحد مين هيلعب ومين لا وازاي يعنى لو سيبر وحد عاوز يلعب هيكون واحد بس والباقي لا ولا تقصد اي بي الجهاز

ماهو فى تقارير او لوجز بمعني اصح بتظهر لكل يوزر ويهتعرف منها مين بيستخدم اكتر من حساب ومين بيخالف القوانين اظن انى المشكلة هتبقي لو نفس الاي بي وفى مشاركة
فى الحساب فى تبادل بور او دروجس بنفس الاي بي !

بس كده مفهمناش بردو الفكرة يعنى احنا مين فينا هيلعب ومين لا ولا ازاي يعنى احنا زي ما نكون سيبر

كده في حاجه كمان البيتا مش بيبعت رسايل للايميل ايه يا جدعان في ايه