الدورة رقم 54 ,, البداية الجديدة

السلام عليكم انا كان عندي استفسارين بس مش عارفلهم حل
اولا . الرصيد مش عارف اشحن رصيد خالص كل ما ادخل علي صفحه الرصيد مش بلاقي ولا طريقه دفع معلش عاوز اعرف حلها ايه لاني عاوز اشحن رصيد
تاني حاجه الحاره كل ما ادخل مهمه ولتكن مثلا ابن رئيس المافيا اضفط موافق وبعدين اعمل متطلبات الجزء الاول ويطلع دوس استكمال ادوس استكمال مش بيجي الجزء التاني من المهمه وترجع من الاول تاني كررت كذا مره مع كذا مهمه بيحصل نفس الموضوع برضه ده عيب عندي ولا في اللعبه ولا المشكله في ايه
والف شكر ليك يا برنس واسف علي الاطاله وبالمناسبه التعديلات الجديده زي الفل وكل واحد ومجهوده وشكرا ليك

[Generozo]

أولا .. موضوع الرصيد حيتم توفيره قريب جدا عن طريق خدمة الرسايل الخاصه فى مصر .. ممكن كحل بديل تبص على عروض المنظمين الأرخص لشراء الرصيد

ثانيا .. فى مشكلة فى الحارة تم الأبلاغ عنها و الناس شغاله فى تصليحها .. بس إتأكد من عندك إنك شايل الكوكيز و الأوف لاين بيج .

بالتوفيق

بالنسبة لأخر سرقة اللى بتظهر معاك سرقة سيارات بس .. المطلوب منك عشان تشوف سرقات جديده يبقى تعدل و تطور مستواك الأجرامى

thanks ya gameel

[PrinCeEsLaM]

طيب يا كريم انا دلوقتى عايز اجيب رصيد عن طريق الموبيل بالرسائل القصيرة بخش على صفحة الرصيد ومش لاقى حاجة متعلقة بالموبيل كلة كود رصيد او بطاقة ائتمان فازاى اقدر اجيب رصيد عن طريق الموبيل ؟؟؟

[Generozo]

حتى الأن لم يتم التوصل لأتفاق مع اى شركة عشان تستضيف موضوع زى ده

الطرق المتاحة دلوقتى هى الموجوده فى صفحة الرصيد

لما يتم التوصل لحل بخصوص الموضوع ده حيتم الأعلان عنها فى الصفحة الرئيسية فى اللعبه

بالتوفيق

[IDeM0I]

انا عندى اقتراح .. وهو اننا ممكن نعمل لكل اى بى 3 يوزر .. وبكدا نكون مسكنا العصايه من النص وبرضو محدش هيقدر يكمل ب 3 يوزرات لوحدهم طول الدورة الواحدة .. ولازم هيحتاج لناس تانيه معاه .. يعنى لو كل واحد بيلعب بـ 3 يوزرات وعايزين يسرقوا الاهرام يبقى لازم يدخل 4 اشخاص بالـ3 يوزرات بتاعتهم .. وبكدا يبقى الجيم شغاله وفى نفس الوقت الناس مرتاحة فى اول الراوند ..وكل واحد هيسرق لغايه تهريب الاثار .. وبعد كدا هو اللى هيدور على حد يدخل معاه العصابه علشان يقدروا يسرقوا حاجة اكبر من كدا وهكذا .....وشكرا ياريت الاقى رد منك ياكيمو...

DeM00

[Generozo]

إحنا عايزين نلغى موضوع اللعب بأكتر من حساب دى نهائى .. بالتالى مع احترامى لأقتراحك طبعا ,, لكن مش حيتنفذ

بالتوفيق

طيب انا دلوقتي حسابي اتوقف وحساب اخويا اتوقف والرساله اللي بتيجي انه باند نهائي
بسبب فتح اكتر من حساب واحنا اتنين كل واحد شغال على جهاز بس على شبكه واحده يبقى ايه العمل دلوقتي

[IDeM0I]

فيه حاجة صحيح كنت عاوز اعرفها .... ممكن تلاقى يوزرات جنبها نجمة .. النجمة دى معناها ايه؟؟؟

[Generozo]

زى ما قلت قبل كده بخصوص موضوع إن ممنوع اللعب بأكتر من حساب من خلال أى بى واحد ده ممنوع ,, بالتالى البان ده موضوعه منتهى . و بلاش نقاش فيه تانى .

اليوزرات اللى جنبها نجمة دى معناها إنها أون لاين ,, ز برجاء بلاش ردود تافهه او خارجه عن الموضوع عشان ميبقاش فى أى تصرف أخر .

بالتوفيق