مركــز الدعـم الفــنى

[Generozo]

السلام عليكم

فى الموضوع ده بنشرح مركز الدعم الفنى .. و إزاى تستخدمه .

مقدمة نظرية :-

أولا : إيه هو مركز الدعم الفنى ؟
بساطة شديدة مركز الدعم الفنى هو المكان اللى بيكون فيه تواصل مباشر بين الاعب و بين احد منظمى اللعبه و بدون تدخل أو مساعدة من شخص أخر لأنك بتتلقى الرد على بريدك الألكترونى الخاص .

إزاى بيتم التواصل ده .. فهمونى ؟
إنت بتروح على مركز الدعم الفنى و بتعمل طلب او بلاغ او شكوى او أى نصيبة تانيه فى القسم المخصص للمكان بتاعه .. و بعد ما تملى البيانات المطلوبة منك و ضرورى جدا إنك تكتب بريد إلكترونى خاص بيك و هو اللى حتتلقى الرد بتاع احد منظمى اللعبه عليه .. بعد ما تخلص تقريرك فى القسم الصح .. حيتم التواصل معاك عن طريق البريد الألكترونى اللى حطيته فى البيانات اللى طلبناها منك .

يعنى بتقول مشكلتك او بلاغك و بتكتب بياناتك او بيانات الشخص اللى عايز تبلغ فيه .. و بتسيب لنا البريد الألكترونى اللى حنراسلك عليه عشان تعرف الرد بتاع المنظمين .

إيه هى التذكرة أو رقم الطلب ؟
هى عبارة عن كود مكون من ارقام و حروف و هو فيه إثبات برقم الطلب أو البلاغ اللى قمت بيه .. بتاخد أوتوماتيك رقم طلب عشان لو حبيت تدخل مركز الدعم الفنى بتدخل تعدل اى شئ لو حبيت .

طيب جميل بس انا حستخدم مركز الدعم الفنى فى إيه ؟
لو على الأستخدامات .. حتلاقيها كتيــــــر جدا ,, مثال

لو شحنت رصيد من اللعبه لكن رصيدك موصلش .
لو عايز تبلغ فى لاعب انه بيستخدم علم من دولة لكنه بيلعب حاليا تحت علم دولة تانيه .
لو عايز تبلغ فى لاعب بيخالف أى قاعدة من قواعد اللعبه .. يعنى لو مثلا متأكد ان الشخص ده بيستخدم أكتر من حساب فى اللعبه و ده شئ ممنوع .
لو عايز تبلغ فى واحد قليل الأدب بيسب فى ميدان الدردشة .
لو عندك سؤال مش عارف إجابة ليه .. ممكن تسألنا هناك فى مركز الدعم الفنى باللغه العربية .
لو عندك ثغرة انت اكتشفتها و عايز تبلغنا بيها .. ده بردوا بيكون فى مركز الدعم الفنى .
لو حسابك اتسرق منك و عايز تبلغ فى صاحبك اللى ضحك عليك و سرقه منك .

أى نوع بلاغ أو استفسار او شكوى من اى نوع بيتم الأبلاغ من مركز الدعم الفنى .

عايز أقول إن للأسف ثقافتة مجتمعنا العربى .. مش واخده على إستخدام مركز الدعم الفنى .. بصفه عامة إحنا متعودين على المنتديات و مش متعودين على استعمال مركز الدعم الفنى فى حين إن مركز الدعم الفنى مهم جدا جدا على الأقل لأنه بيحل مشاكل .. بيعجز المنتدى عن معالجتها .. زى مشاكل الرصيد .. او البلاغات فى الأشخاص المخالفين .. او التظلم على الحظر اللى إنت أخدته ,, ده على إعتبار إنك لو كنت مظلوم يعنى .

طيب انا حكتبلكم إيه و حملا البيانات إزاى فى الطلب اللى بتحكى فيه ده ؟
بص كل ده حتلاقيه موجود فى الشرح الفيديو اللى عاملة عشان يفهمنا كلنا ازاى نستخدم مركز الدعم الفنى الخاص باللعبه بسهولة .

. لكن فى معلومة مهمه جدا لازم تبقى على علم بيها قبل ما تستخدم مركز الدعم الفنى .

1- البلاغ الواحد كفايه أوى
لو عملت اكتر من بلاغ ده مش حيفيد بحاجه بل بالعكس ممكن يكون له أئر سلبى على إمكانية سرعة حصولك على الرد .

2- البلاغات أو التقارير المقدمة لازم تكون تحتوى على الأى دى الخاص بالشخص اللى عايز تبلغ فيه أو لو عايز تقولنا على مشكلة خاصه بحسابك بتكتبلنا رقم الأى دى بتاعك إنت .
ليه إحنا بنطلب الأى دى و مش بنحبذ التعامل بإسم المستخدم ؟
يعنى لو مثلا بتبلغ فى حد مخالف و قلتلنا ان اسمه مودى2002 .. لو هو غير اسمه لأى إسم تانى .. فى الفترة ما بين انت بلغت و ما بين قيام احد المنظمين بالتفتيش على الطلب ده
اسم المستخدم ممكن يتغير و ساعتها الشخص اللى بتبلغ فيه حيكون قدر يكون اذكى مننا و يفلت بعملته .. يعنى لما نعمل بحث بالأسم مش حنلاقيه موجود .. و مش حنعرف نجيب الحساب .ده خلاص
إنما بقى لو بلغت بالأى دى حنعرف نجيبه و من قفاه .. لأن كل لاعب عنده أى دى واحد بس .. لكن ممكن يكون عنده أكتر من اسم يتخفى فيهم .
عشان كده الأى دى بيكون مطلوب و مهم لكل واحد عايز يبلغ و مهتم انه يتعامل معانا بطريقة إحترافيه عشان يلاقى هو كمان رد مننا سريع و احترافى ...

أجيب منين طيب الأى دى اللى عامل عليه فيلم ده ؟
بمنتهى البساطة فى صفحة البروفايل الخاصه بالاعب اللى عايز تبلغ عنه أو فى صفحتك انت مثلا لو كنت عايز تبلغنا بمشكلة خاصه فى حسابك .. حتلاقى ع الجنب الشمال من الصفحة كلمة بأسم
ID:
الرقم الموجود بجانب هذة العلامة هو ده الأى دى بتاع الشخص اللى إنت واقف على صفحته .

بالتالى انا لو عايز ابلغ فى شخص مخالف للقوانين .. بجيب الأى بى بتاعه و احطه فى البيان المطلوب و اقول فى محتوى الرساله ان ده شخص مخالف للقاعدة رقم 2 مثلا .
بيجى حد من المنظمين بيقرا الموضوع ده بياخد الأى دى و بيعمل بحث عنه و بيجيب الاعب و بنقوم بعمل مسح كامل عشان نعرف هل الشخص ده لعبه سليم او لأ .

لو عايز أبلغ فى شخص بيشتم فى ميدان الدردشة .. بكتب الأى دى بتاع الشخص اللى بيشتم .. و كمان التوقيت اللى هو شتم فيه بتوقيت كريمز .. مجرد تقوم بنسخ توقيت كريمز باليوم و الساعه .
بيجى حد من المنظمين و بيعمل بحث على الاعب بالأى دى المكتوب و بيقوم بعدها بعمل مسح خاص باللى كتبه فى ميدان الدردشة فى توقيتات محدده و هى اللى بلغنا بيها الاعب .. و بنتأكد من ناحيتنا ان الشخص ده فعلا سب فى التوقيت الفولانى و عليها بياخد العقاب المناسب .


: الموقع الخاص بمركز الدعم الفنى للعبة

http://support.thecrims.com/

الفيديو فيه شرح لكيفية التعامل داخل مركز الدعم الفنى عشان يبقى الشرح أسهل و أوضح ليكم

بالتوفيق

أنا كل مابحول اخش على اللعبة بيجيلي صفطت server error لأن الموقع مزدحم بتجيلي كتير قوي لدرجة أني مش بعرف العب وساعات اخش بعد دقاتين يفصل تاني ويقول سيرفر اررور مع العلم أن ال نت بيكون شغال في موقع تانية في نفس الوقت
ارجو المسعدة وشكرا

انا بعت رساله عشان يجيلى كود
على رقم *********
و مجاليش اى كود عشان اكتبوا
ومستنى

[IGoGo]

انا بعت رساله عشان يجيلى كود
على رقم *********
و مجاليش اى كود عشان اكتبوا
ومستنى

اعمل تذكرة في مركز الدعم الفني

لان مشاكل الرصيد بتتحل بس هناك ..

هنــا تقدر تعرف ازاي تتعامل مع مركز الدعم الفني