تعديل و اعادة ترميم صفحة اللغة العربية باللعبة

[IGoGo]

السلام عليكم

اخواننا المصريين و العرب اللي مشرفينا في مدينة الاجرام

الموضوع ده معمول عشان احنا ناويين ان شاء الله نعدل و نصلح اللغة العربية و نزود اهتمامنا بيها شوية
عشان اكيد كلنا عارفين ان في ناس بتبعد عن صفحة اللغة العربية عشان مش عاجبها فيها طريقة الكلام مثلا
او الالفاظ المستخدمة او .. او ... الخ

احنا طالبين منكم انكم تشاركونا و تساعدونا في مراحل ترميم صفحة اللغة العربية

اللي شايف فيها كلمات غير مناسبة او غير مفهومة او مش في مكانها او ممكن يكون في احسن من كدة

يبعتلنا علي طول في الموضوع ده و يشاركنا برأيه و بالاضافات اللي هو شايفها صح او أصح

في ملحوظة مهمه جدا جدا : صفحة اللغة العربية ليست فقط للاعبين المصريين ف بنرجو مراعاة ان جميع اللاعبين العرب
بيستخدموا الصفحة دي ف ياريت نراعي الكلام ده كويس و احنا بنختار الكلمات او الالفاظ اللي بنعدلها
عشان يبقة عندنا صفحة لغة عربية لكل العرب بمعني الكلمة.

طبعا احنا بندور دلوقتي علي ترميم يعني اكيد شغلنا هيبقة بنظام

ف اللي هيحب يشاركنا يتفضل مشكورا يبعتلنا مقترحاته بالصيغة دي

اسم الصفحة التي تحتوي علي النص *

مكان النص المراد تعديله *

النص الحالي *

النص بعد التعديل *

الصيغة دي مهمة جدا جدا عشان تساعدنا نوصل للنص بسرعة و العملية تبقة سهلة علينا


و هنشرح مثال عالصيغة دي عشان الكل يبقة فاهم

*----------------------*

مثال*

اسم الصفحة التي تحتوي علي النص : صفحة الميناء البحري *

مكان النص المراد تعديله : علي يسار صورة القبطان *

النص الحالي *

أووووف! عايز إيه يا مزعج ؟ مش شايف إنى مشغول .. ما علينا .. حتدفعلى 10 رصيد و أنا حقولك على ميعاد وصول السفينة اللى جاية و حبلغ القبطان بتاع السفينة إنه يعطيك زيادة فى المكسب 10% لو قمت ببيع المخدر المطلوب عند القبطان صاحبى بتاع السفينة اللى جاية بس لما يوصل بالسلامة

النص بعد التعديل*

أووووف! عايز إيه يا مزعج ؟ مش شايف إنى مشغول .. علي اي حال .. حتدفعلى 10 رصيد و أنا حقولك على ميعاد وصول السفينة اللى جاية و حبلغ القبطان بتاع السفينة إنه يعطيك زيادة فى المكسب 10% لو قمت ببيع المخدر المطلوب عند القبطان صاحبى بتاع السفينة اللى جاية بس لما يوصل بالسلامة

*----------------------*

مستنين مقترحاتكم و مشاركاتكم معانا و ما تنسوش صفحة اللغة العربية ليست فقط للمصريين بل لكل اللاعبين العرب نرجو مراعاة ذلك و اخذه في الحسبان

بالتوفيق للجميع

[Generozo]

النص الحالي *
أووووف! عايز إيه يا مزعج ؟ مش شايف إنى مشغول .. ما علينا .. حتدفعلى 10 رصيد و أنا حقولك على ميعاد وصول السفينة اللى جاية و حبلغ القبطان بتاع السفينة إنه يعطيك زيادة فى المكسب 10% لو قمت ببيع المخدر المطلوب عند القبطان صاحبى بتاع السفينة اللى جاية بس لما يوصل بالسلامة

النص بعد التعديل*
أووووف! عايز إيه يا مزعج ؟ مش شايف إنى مشغول .. علي اي حال .. حتدفعلى 10 رصيد و أنا حقولك على ميعاد وصول السفينة اللى جاية و حبلغ القبطان بتاع السفينة إنه يعطيك زيادة فى المكسب 10% لو قمت ببيع المخدر المطلوب عند القبطان صاحبى بتاع السفينة اللى جاية بس لما يوصل بالسلامة

هههههههههههههه المعلومة وصلت و تم تعديل الجزء ده خلاص .


انا فى طريقتى بس دباجة ما علينا دى دايما و عشان كده تلاقيها اتكتبت بالطريقة دى .. الله ينور يا أحمد .

[IGoGo]

هههههههههههههه المعلومة وصلت و تم تعديل الجزء ده خلاص .


انا فى طريقتى بس دباجة ما علينا دى دايما و عشان كده تلاقيها اتكتبت بالطريقة دى .. الله ينور يا أحمد .

ههههههههههههه حبيب قلبي ده كان مثال والله مش قصدي حاجة ... الله ينور عليك انت كمان يا جميل

[Generozo]

طريقة ترجمة إكتمال التمرين .. مش حاسسها كويسة .. تم تعديلها .

[Generozo]

السلام عليكم انا شايف ان الترجمة مفهاش مشاكل انما المشكلة الكبيرة هى فى نوع الخط نفسة بتحسسك انك فى مكتوبة بخط ايد فيها ميوعة لو اتحول Arial يكون افضل

الخط انا غيرته لـ
Tahoma
عشان الخط ده شكلة كويس فى العربى و ده اللى حاصل فعلا .. اللغه العربية شكل الحروف فيها كويس و مقبول غير زمان .
ده غير ان شكل خط ( تاهوما ) احسن من الخط اللى بتقترحه بصراحه

شفت الفرق بين الجملتين الأولى و الثانيه ؟

نوع الخط مش مشكلة .. المشكلة فى الكلمات اللى جوا نفسها .. حاول تساعدنا و تقول رأيك .

السلام عليكم
فقط لو ممكن تحولو الكتابة من اليمين لليسار متل زمان أعتقد ستصبح أفضل
يعني المكان الي بيكتب فيه الاسم والقوة .... يجي على اليمين
والخاصيات تيجي على اليسار
اتمنى ان تصل الفكرة

مشكلة اليمين للشمال أو العكس .. دى للأسف متعلقة بالبرمجة بتاعة اللعبه .. انا حتكلم فيها تانى زى ما بردوا عرفت إن فى مشكلة واضحه فى حرف ( ص ) سواء كان فى الأخبار او فى الدردشة .. و حبلغ بيها المبرمجين لأنهم هما بس اللى يقدروا يحلوا مشكلة زى اللى انت بتقول عليها دى .

انت شايف ان الكلام جاى من الشمال لليمين فى أى صفحة و زى ايه ؟؟
عايز منك شوية معلومات بخصوص سؤالى ده .. ابعتلى التفاصيل فى رسالة خاصه لو سمحت عشان نسيب الموضوع مكمل لهدفة الأساسى .

[Generozo]

اسم الصفحة التي تحتوي علي النص :
ملفي الشخصي
مكان النص المراد تعديله :
تحت اسفل تاريخ الميلاد
النص الحالي *
جادو جادو (شات بولندي)
النص بعد التعديل*
العصابة

GG ده شات بولندى عامل زى
Icq , Msn

مش معناها جود حانج و إختصارها زى ما انت فاكر .

تم تغيير جادو جادو دى لتصبح : إنتمائك لعصابة

بحيث يكتب الاعب فى الخانة المقابلة.. العصابة المفضلة ليه .

شكرا جوكر1

[Generozo]

اسم الصفحة التي تحتوي علي النص *مركز التمرين
مكان النص المراد تعديله * الصالة الرياضية
النص الحالي * مرن نفسك! كبر عضلاتك.. وبكده هتزود قوتك وتحملك
النص بعد التعديل * تعالى شيل شوية حديد كبر عضلاتك وخليك عندك لياقة ورشاقة وزود قوتك وتحملك

اسم الصفحة التي تحتوي علي النص *
مركز التمارين
مكان النص المراد تعديله *
علي يسار الصورة
النص الحالي *
جسمك هو حياتك.. خليه مظبوط وهيبقى عقلك تمام وهتلاقي نفسك الإجرامية بتعلى. هنا هتمرن عضلاتك وهتتعلملك حركة ولا اتنين.
اختار نوع التمرين اللي يناسبك والمدة اللي ممكن تستحملها في التمرين المتواصل. ممكن توقف التمرين في أى وقت بس خليك فاكر انك لو عملت كده مش هتاخد أى مهارات. عضلات الكسكوس على طول زي اللبوس
النص بعد التعديل *
العقل السليم في الجسم السليم ,حافظ ع رشاقتك و لياقتك . عشان تبقا أقوى و تقدر تتحدى المجرمين التانيين , هنا إنت بتقدر تمرَن نفسك تلعب حديد او تقرأ كتب حتى ذكاءك يزيد
انت شوف إيه إلي عاوز تزبط نفسك فيه و توكل على الله و سويه !!
بس انتبه .. لو انت وقفت التمرين مش حتكتسب أي شيئ أبدا ! ولا حتى فلوسك مش راجعالك
وقشطه يا معلم

. تم تظبيط صفحة التمرين كلها .. بما فيها كل ما تم التعليق عليه

وحاجة كمان بالنسبة لصفحة نادي عراك
زرار تعالى واتحدانى
ياريت يبقى - وريني نفسك

تم التعديل .. شكرا ع المساعدة .

[Generozo]

اسم الصفحة التي تحتوي علي النص *تاجر الممنوعات
مكان النص المراد تعديله * اسم تاجر الممنوعات
النص الحالي *تاجر الممنوعات
النص بعد التعديل * المعلم زكى القرص

صعب نغير أسماء عامة لأسماء خاصه .. بالتالى مش حينفع أغير اسم تاجر الممنوعات إلى تاجر لحاجه معينه هى القرص أو غيره

لكن شكرا ع المساعدة .

اسم الصفحة التي تحتوي علي النص *مكتب المخابرات
مكان النص المراد تعديله * بجانب الصورة .
النص الحالي * أهلا يابو الشباب ,, إيه اللى جابك عندنا فى المنطقه ؟ أنا ممكن أقدملك حاجات مفيدة جدا لك تقدر تستخدمها فى الوقت الحالى . كل أداة تجسس موجودة عندى بيتم إستخدامها مرة واحده فقط على أى ضحية إنت عايز تظبطه .
النص بعد التعديل * اهلا بيك يا برنجى عامل اية ؟...اية الى جابك هنا يا مجرم انا ممكن اخليك تتجسس على اى حد عندك ادوات التجسس موجودة عندى استخدمها مرة واحدة بس على اى ضحية انت عايز تفأشسها

الجزء ده مفيهوش اى مشكلة لا إملائبة و لا صعبة الفهم .. بالتالى إحنا حنبقى على هذا الجزء .. بشكرك ع المساعدة و ياريت تقرا رأس و هدف الموضوع من الأساس عشان تكون مشاركاتك مفيدة معانا .

[Generozo]

اسم الصفحة التي تحتوي علي النص :
مركز المساعدة
مكان النص المراد تعديله :
الاعلى
النص الحالي
changelog
النص بعد التعديل
التحديثات

للأسف دى معمولة باللغه الأنجليزية فقط .. جرب تغير اللغه لأى لغة تانيه حتلاقي بردو نفس الكلمة .

باقى التغييرات الموجودة كانت تعديل فى النص .. و إحنا عايزيم فقط الأخطاء الأملائية مش عايزين اى تعديل على النص الحالى .. و بالفعل فى حاجات اتغيرت و فى حاجات زى ماهى

كل الجديد حيكون موجود فى نسخة بيتا .

شكرا لكل الناس اللى شاركت فى الموضوع ده .. بالتوفيق

[Generozo]

اسم الصفحة التي تحتوي علي النص * مركز التمارين

مكان النص المراد تعديله * لما بتعمل بتدخل تمرين

النص الحالي * اختار نوع التمرين اللي يناسبك والمدة اللي ممكن تستحملها في التمرين المتواصل. ممكن توقف التمرين في أى وقت بس خليك فاكر انك لو عملت كده مش هتاخد أى مهارات. عضلات الكسكوس على طول زي اللبوس!


النص بعد التعديل * مش عارف بس عضلات الكسكوس واللبوس دى مش حلوة خالص يعنى ههههههههههههههههههه
أقولك ممكن تقول وكأنك يا أبو زيد ما غزيت مثلاُ أى مثل من الأمثال الناس تفهمه

تم تعديل و تظبيط صفحة التمارين كلها من أولها لأخرها .. زى ما قلت فى رد قبل كده .. شكرا على التبليغ يا معلم