الدورة # 61

[Generozo]

السلام عليكم

أهلا بيكم فى دورة جديدة من دورات لعبة عالم الجرائم .. بنقدمهالكم فى نسختها الـ 61

ميعاد بدء الدورة حيكون يوم الخميس القادم يوم 13 شهر ديسمبر .. بالنسبه للتوقيت تقدروا تعرفوا باقى قد إيه من خلال العداد الموجود أسفل الصفحة الرئيسية للعبه .. وكل دولة على حسب توقيتها .

أخبار الدورة رقم 61


[*] عدد المبانى اللى تقدر تمتلكها حيكون محدد فقط على التحمل , حتمتلك نفس عدد المبانى بالظبط اللى حصلت عليه الدورات السابقه .
[*] تفعيل جديد لسرقات العصابه: ملك المخدرات يوم 5 , قصر الملك فارق يوم 10 , بيل جيـتس يوم 20 , الكازينو الملكى يوم 40 , أهرامات الجيزة يوم 60 .
[*] نقاط العصابه حيتم إعطائها و إحتسابها مع هجمات العصابة
[*] العائد من الحريم تم تظبيطه علشان الحريم تديلك عائد اكبر كل زيادة فى الجاذبية بتاعتك .

فى إضافات الحمد لله تم تظبيطها و دى متعتبرش خاصه باللعبه لأن التعديلات دى موجوده فى النسخة العربية فقط و هى .

أولا مشكلة الشات .. كان حرف " ص " كان بيتحول لحاجات غريبه .. تم تصليح المشكلة دى و مش حتلاقوها تانى خلاص .. و بكده كل الحروف شغاله فى اللعبه و فى الدردشة بدون أى مشكلة .

ثانيا : مشكلة فى الدردشة و هى ان اى حد فينا لما بيكتب جملة طويلة .. تلاقيها اتقسمت لأكتر من سطر بدون أى داعى .. الموضوع ده كان عامل مشكلة لشكل الشات فى رأيى الخاص .. الصورة دى توضح اللى انا بحكى فيه
http://i49.tinypic.com/2jctx1y.png
و عموما تم تصليح العيب ده خلاص و دلوقتى حتلاقى الكلام كله بيتكتب فى سطر كامل حتى انتهاء المساحه و بعدها حيتعمل فى سطر جديد و هكذا .

ثالثا . كان فى مشكلة عندنا و هى إننا حولنا إتجاه الكلام من اليمين للشمال يعنى كما ينبغى ان تكون اللغه العربية فى ترتيبها و كمان خلينا شكل اللعبه فى اللغه العربية هى نفس شكلها فى أى لغه تانيه .. يعنى بدل ما تلاقى الخانه اللى فيها إسمك و احترامك إتحولت للجزء الشمال لما تيجى تغير اللغه للعربى .. دلوقتى سواء عربى او اى لغه تانيه حتبقى زى ماهى مع إختلاف الترجمة .

عموما تقدروا تجربوا كل التحديثات فى موقع اللعبه بيتا و تبلغونا فى نفس الموضوع ده لو فى أى مشكلة حصلت سواء فى اللعبه او فى لغتنا العربية .

http://beta.thecrims.com/


مع كل الأمنيات لكل الاعبين بالتوفيق

[IGoGo]

السلام عليكم

اولا بتمني للجميع التوفيق في الدورة الجديدة

ثانيا انا حابب اني اقولكم ان كل التعديلات اللي اقترحتوها علينا في موضوع تعديل و ترميم صفحة اللغة العربية تم تعديلها بنجاح و هتشوفوها في الدورة دي ان شاء الله

شكرا لمتابعتكم و بالتوفيق

[J0KER1]

السلام عليكم
شكرا أخي على التوضيحات وشكرا لتحويل الاتجاه :d