Follow Us On Follow us on Facebook Follow us on Twitter Watch us on YouTube
Page 1 of 2 12 LastLast
Results 1 to 10 of 11
  1. #1

    Lightbulb ازاي تلعب وازاي تكسب - متجدد

    شرح مبسط للعبة


    علشان تعرف تكسب لازم تفهم اللعبة كويس جدا

    قبل اي حاجة لازم تقرا القوانين وتفهمها كويس وتحاول متخالفش حاجة فيها علشان متاخدش بان واي استفسارات ف القوانين تقدرو تسئلو اي حد من المشرفين
    القوانين هنا - http://www.thecrims.com/rules
    المنظمين هنا - http://www.thecrims.com/crew

    &&&&&&&&&&&&

    أولا لازم تعرف الاحترام دة بيجي منين او بيتكون من أيه
    الاحترام بتاعك بيتكون من ( المهارات بتاعتك ÷ 8 ) + كل 10,000 $ كاش بتديلك 1 احترام
    الاستاتس ÷ 8 ) + ( الكاش ÷ 10,000 ) = الاحترام )
    في شوية حاجات صغيرة بتفرق ف الاحترام هتعرفها بعدين
    ( المهارات = الاستاتس بتاعتك اللى هي ( الذكاء , القوة , التحمل , الجاذبية ..

    &&& هنبدأ بشرح الاكونت بتاعك &&&

    علي اليمين هتلاقي اسم الاكونت بتاعك فوق -

    المستوى بتاعك -
    https://www.thecrims.com/help/guide#professions تقدر تشوف المستويات ومتطلبات كل مستوى من هنا

    Spirit معنوياتك -
    المعنويات دى حاجة مش مهمة طول ما انت بتشرب مخدرات هتفضل مرتفعة جدا لو بطلت تشرب يوم هتلاقيها بتقل وكل ما المعنويات تقل زيادة الطاقة الطبيعية هتقل والعكس

    Respect احترامك -

    صعوبة السرقة -
    ودى هى قوتك الحالية فى السرقات وهتلاقى كل سرقة مكتوب فى الجدول صعوبتها فى صفحة السرقة

    Stamina الطاقة والشريط بتاعها -
    الطاقة دى حاجة مهمة جدا ف اللعبة .. السرقات بتطلب طاقة .. الهجوم بيطلب طاقة .. تجمع محصول المصانع بيطلب طاقة .. البيع للمركب بيطلب طاقة ..
    ازاي تزود الطاقة بتاعتك ؟؟!
    بتدخل علي خمارة هتلاقي فيها مثلا مخدر خمرا ومكتوب قصدها الطاقة 2 % وجمبها تمن الحباية الواحدة .. 2% دى يعنى الحباية الواحدة بتزودك 2 % طاقة لو انت 0 % طاقة بالتالي لازم تاخد
    50 حباية
    وهكذا
    وهكذا طبعا كل ما توصل 30 ادمان حاول تاخد حقنة مورفين من المستشفي علشان تنزل ادمانك تاني
    ويستحسن انك تاخد حقنة مورفين بعد ما تعلي الادمان مرة واحد بيكون ارخص لك من الميتادون

    Addicition الادمان والشريط بتاعه -
    .. %الادمان دة مهم جدا ولازم تخلي عينك عليه ديما لانه ف حالات كتير ممكن يخليك تأفور تاخد جرعة زيادة وتدخل المستشفي بعد ما يعدي 90

    الاستاتس / المهارات بتاعتك -
    ذكاء . قوة . تحمل . جاذبية

    الفلوس بتاعتك -
    كل 10,000 $ كاش بتزودك واحد احترام


    الموضوع متجدد باستمرار
    Last edited by IDaRBaKa; 03-02-2017 at 12:22 PM.
    TheCrims.com Crew

    Good friends are like stars.
    You don't always see them,
    but you always know they are there.

  2. #2

    Default ازاي تحافظ علي نفسك من الضرب

    نظرا لتعديلات روند 94 الجزء دة يعتبر اتغير ودلوقتى الهجوم اصبح من داخل الخمارة مباشرا وعلشان تهرب لازم تخرج من الخمارة


    اغلب الناس بتشتكي انها بتنضرب وهي داخلة خمارتها تشرب علشان تسرق
    ف الصورة دي موضح انك لازم تفتح صفحة منفصلة خاصة بعملية التجميل فقط
    وتحطها ف نفس المكان اللى موضح ف الصورة
    وتخليك مستعد انك تعمل عملية تجميل فى اي وقت تسمع فيه صوت علاقة جديدة او تشوف حد دخل معاك الخمارة
    بكدة تضمن ان صعب جدا ان حد يضربك ومع الوقت ايدك هتبقي اسرع ومحدش هيعرف يضربك

    Last edited by IDaRBaKa; 04-20-2017 at 03:12 PM.
    TheCrims.com Crew

    Good friends are like stars.
    You don't always see them,
    but you always know they are there.

  3. #3

    Default طريقة شحن الطاقة بالهروين وتوفير الفلوس ف علاج الادمان


    فى الاول معروف طبعا ان كل ما بتشرب مخدرات الادمان بتاعك بيزيد
    ولو شربت جرعة زيادة بتموتك وتروح المستشفى
    الطريقة دى بتوفرلك فلوسك وانت بتعلاج الادمان بتاعك اوفر من العلاج بالميتادون
    لما ادمانك يوصل %89
    تروح علي المستشفي وتاخد حقنة مورفين تنزلك الادمان لصفر وتعيد من الاول
    لو ادمانك زاد عن %90 اي كمية مخدر هتاخدها هتقتلك
    طبعا الناس اللى احترمها بيكون عالي مضطرة تعالج ب 5 رصيد لان الحقنة بتسحب فلوس كتير
    ملحوظة - تمن حقنة المورفين بيتوقف على الاحترام بتاعك
    كل ما احترامك كان اقل كل ما سعر الحقنة كان ارخص

    الموضوع دة مينفعش ف اول الروند لانك مبيكونش معاك فلوس تشتري هروين اصلا
    تقدر تشرب خمرا وموضحة فوق
    الموضوع مش صععب بس عاوز تكرار هتحفظ الكميات
    وخلو بالكم وانتو بتشربو الهروين لان اي رقم غلط هتكتبه هيوديك المستشفي ف الحال
    بالتوفيق ,
    Last edited by IDaRBaKa; 10-30-2016 at 01:26 PM.
    TheCrims.com Crew

    Good friends are like stars.
    You don't always see them,
    but you always know they are there.

  4. #4

    Default Assault - الهجوم

    نظرا لتعديلات روند 94 الجزء دة يعتبر اتغير بالتالي هتلاقي الهجوم داخل الخمارة وبمجرد ما تخرج من الخمارة محدش يقدر يهاجمك والشرح التالى مجرد ارشيف


    اقرا الكلام اللى مكتوب ف صفحة الهجوم وخليك معايا
    طبعا انت عارف ازاي تهجم علي الناس من خلال دخولك الخمارة لو قابلت حد بتجري علي الهجوم وتختار اسمه من القايمة وتعمل هجوم
    ?? ازاي تكسب وازاي تخسر
    الكلام دة بيعتمد علي قوتك ف الهجوم
    + طبعا نقاط المهارات لو انت عاملها ف الهجوم بتاخد النسبة الزيادة بتاعتها
    ( kill ) اي حد قوة هجومك اعلي من قوة هجومه بالضعف انت بتقتله والعكس -
    ( wounded ) اي حد قوة هجومك اقل من ضعف قوة هجومه انت بتعمله اصابة -
    في حالة الاصابة انت بتكسب مهارات اكتر من حالة القتل
    الاول لازم تعرف ازاي تهنت انا هنزلكم فيديو تعليمي يعرفك ازاي تهنت بسرعة وازاي تهرب ف نفس الوقت
    اللى فى الفيديو بيلعب بلغة المانية بس مفيش اختلاف الصور فى مكانها وكل حاجة مكانها مش بيتغير
    حطو الصفحات زى ما هو حاططها وحاولو تطبقو
    مع العلم انك لو عاوز تهنت وتكون سريع لازم يكون عندك اقل حاجة نت 2 ميجا
    الماوس بتاعك شغال تمام مفيهوش مشاكل ولا بيعلق والجهاز بتاعك يكون معقول وكويس


    اسيبكم مع الفيديو



    في اختلاف ف شكل قايمة الهانت ف الروند دة شكلها متغير بس هى هى الطريقة ف الهنت
    حاولو تحطو الصفحات زى ما هي محطوطة ف الفيديو وياريت تلعبو بالانجليزي افضل
    Last edited by IDaRBaKa; 04-20-2017 at 03:12 PM.
    TheCrims.com Crew

    Good friends are like stars.
    You don't always see them,
    but you always know they are there.

  5. #5

    Default Robbery - السرقة

    السرقة سهلة مفيش فيها حاجة صعبة ومش محتاجة شرح كتير
    ومكتوب جمب كل سرقة انت تقدر تسرقها ولا لاء
    ولما تختار اي سرقة بيظهرلك فى الجدول صعوبتها
    و جمب كل سرقة الطاقة اللازمة ليها
    واضح قدامكم ان كل سرقة اعلي بتدي فلوس اكتر
    وكل ما تعدي مستويات هتظهرلك سرقات جديدة
    اعلي سرقة فردية ثابتة هي عصابة دراجات هارلى
    وفي ايام معينة بتيجي احداث سرقات زي القبطان و حسنى مبارك
    خلى بالك انك لو نسبة نجاح السرقة عندك %99
    ممكن تتسجن
    في ناس بتجازف بس هتضطر تدفع رصيد او فلوس عشان تطلع من السجن او تستني لحد ما تطلع من السجن
    ولما تكون عضو ف عصابة بتقدر تسرق سرقات عصابة ومكتوب قدامها برضو انت تقدر تسرقها ولا لاء ومكتوب صعوبتها فى الجدول
    سرقات العصابة بتجيب فلوس اكتر من السرقات الفردي
    اعلى سرقة عصابة هى اهرامات الجيزة بتبدأ من يوم 60 ف اللعبة
    وفي ايام معينة بتيجي احداث سرقات عصابة زي بيل جيتس وملك بترول دبى وعادل امام والم

    فى ايام معينة بيجي حدث الاقتصاد منتعش ف اليوم دة السرقات كلها بتجيب فلوس اكتر -

    وفي ايام تانية بيجي تعزيزات الشرطة .. يوم التعزيزات دة تخلي بالك علشان صعوبة السرقات بتزيد -
    يعنى انت بتسرق عصابة دراجات ممكن ف يوم التعزيزات تلاقي نفسك متقدرش تسرقها
    وف يوم التعزيزات برضو السرقات كلها بتجيب فلوس اكتر


    عشان تعلى نفسك وتسرق السرقة الاعلي لازم تزود الباور بتاعك
    في طريقين عن طريق التدريب ودة طريق بطيئ جدا
    والطريق التاني عن طريق الهانت والضرب ودة الطريق الاسرع
    حاول انك تستهلك كل التذاكر اللى معاك ف السرقة ومتسبش تذاكر تضيع عليك علشان مستواك فى اللعبة يتحسن

    توضيح ازاي تسرق وتخلص التكت بتاعك بسرعة

    وممكن كمان تفتح صفحتين سرقة بدل صفحة واحدة وتظبط الزراير جمب بعضها وتسرق بسرعة
    علشان متزهقش

    بالتوفيق
    Last edited by IDaRBaKa; 10-30-2016 at 01:50 PM.
    TheCrims.com Crew

    Good friends are like stars.
    You don't always see them,
    but you always know they are there.

  6. #6

    Default Bounty Hunting - باونتي هانتر

    صائد الجوائز مغلق الفترة الحالية


    مش محتاج شرح
    ومع الوقت هتلاقى نفسك عرفته وفهمته
    وفكرته ببساطه انك بتحط رصيد هدية على راس اي حد مضايقك فى اللعبة واى حد هيقتله هياخد الرصيد دة
    Last edited by IDaRBaKa; 04-20-2017 at 03:14 PM.
    TheCrims.com Crew

    Good friends are like stars.
    You don't always see them,
    but you always know they are there.

  7. #7

    Default Hookers - الحريم


    تشغيل الحريم بيكسب فلوس كتير جدا جدا جدا بس معظم الناس مش عارفه ازاي بيكسب
    كل ما تعدى مستويات هيبقى عندك امكانية انك تشترى حريم اكتر
    وكل مزة بتشتريها سعرها بيغلى ف المرة اللى بعدها
    مكسب الحريم بيتوقف علي حاجة واحدة بس وهى الجاذبية كل ما الجاذبية بتاعتك زادت المكسب بتاعك هيزيد من الحريم
    ازاي تزود الجاذبية ؟؟
    - عن طريق الهانت برضو وفي جدول مكتوب ف دليل اللعبة عن مكسب المزز عند كل جاذبية

    ودة الجدول ودى ارباح ميس بلوند

    --

    واضح جدا من الجدول دة انك محتاج 2 مليون جاذبية علشان المزز تجيبلك اعلي مكسب ممكن ازاي بقي بتشترى المزز علشان في ناس فاكرة انها بتشترى كدة وخلاص علشان تشترى مزز في حسبة لازم تعملها اللى هى دى ميس بلوند عندى تمنها مكتوب وجمب تمنها مكسبها ف يوم الكريمز
    Miss Blonde $221,507 $1,200,000
    عاوز انا بقي اشترى ميس بلوند كمان اعمل ايه ؟؟ اشوف بره ف الصفحة الرئيسية فاضل كام يوم ف اللعبة
    حاليا دلوقتى وانا بكتب الموضوع فاضل 123 يوم من ايام اللعبة والدورة تنتهي اخد انا 123 واضربها ف مكسب المزة الواحدة اللى هو مكتوب جمب المزة والناتج دة اخلي سعر المزة يقف عنده او اقل منه بحاجة بسيطة جدا
    عدد الايام المتبقية × مكسب المزة = التمن اللى المفروض المزة تقف عنده
    221507 × 123 = 27,245,361


    يبقي كدة انا افضل اشترى ميس بلوند لحد سعرها ما يوصل 27 مليون تقريبا وهنا تقف وتدخل علي المزة اللى قبلها وهكذا
    في حبوب فوق بتشتريها برصيد بتزودلك انتاج الحريم %10
    طبعا دى بتفرق كتير
    بالتوفيق
    Last edited by IDaRBaKa; 10-30-2016 at 01:57 PM.
    TheCrims.com Crew

    Good friends are like stars.
    You don't always see them,
    but you always know they are there.

  8. #8

    Default black market - السوق السودا



    السوق السوداء مفيهاش شرح كتير
    كل حاجة موضحة الاسلحة والدروع

    السلاح الاخير والدرع الاخير بتقدر تشيلهم بعد ما تعدى اللفل رقم 8
    والسلاح الاخير زي ما وضحت قبل كدة فالهجوم
    كل ما القوة بتاعتك زادت الاصابة بتاعته بتزيد وبتزود قوة سلاحك %10
    فى ذخيرة كمان ف تاجر السلاح
    ياريت تحاول تشتريها لانها بتقوي سلاحك بنسبة %30

    نيجى بقى للتعويذات الخاصة اللى اسمها فى السوق السوداء - المواد المميزة

    الجدول الاول دة فيه عدد 3 تعويذه تقدر تشترى منهم زى ما انت عاوز

    اول واحدة إخفى نقاط التبرع للعصابة
    ودى بتخفى الاحترام المكتسب من التبرع للعصابة لمدة يوم حقيقي كامل

    وتاني واحدة اسمها تعويذة التمارين
    ودى بتخليك تخلص التمرين الحالي بيك فى الحال

    تالت واحدة تعويذة الموت
    التعويذة دي بتساعدك انك تقلل المهارات بتاعتك علشان لو حابب انك تبقي قتال وقوي وبتاع عراك بس

    الجدول التانى دة فىه اربع تعويذات ودول تقدر تشترى منهم كلهم على بعض 8 فقط طول الروند

    تعويذة تاجر المخدرات

    تعويذة الشرمطة

    تعويذة إنتاج المصانع

    تعويذة الاستثمار

    وطبعا اسعار التعويذات دى بيزيد كل مرة عن المرة اللى قبلها ومكتوب كل تعويذه بتعمل ايه فى الصفحة هناك
    ووقتها اد ايه بالظبط

    Last edited by IDaRBaKa; 04-20-2017 at 03:16 PM.
    TheCrims.com Crew

    Good friends are like stars.
    You don't always see them,
    but you always know they are there.

  9. #9

    Default Drug dealer - تاجر المخدرات


    ف تاجر المخدرات ممكن تكسب كتير جدا وتعمل احترام جامد جداً
    تاجر المخدرات ممكن يتعامل معاك عدد معين من المرات ف اليوم الواحد مكتوب اول ما للتاجر
    بيقولك انا اقدر اتعامل معاك 30 مرة ف اليوم
    ولو انت عملت باقة
    VIP2
    هيتعامل معاك 45 مرة طبعا 45 مرة افضل من 30 مرة



    موضح ف الصورة عدد المرات اللى بيتعامل فيها

    وموضح تحتها انك بتتكلف %5 لما تبيع حاجة عند التاجر
    وفى مربع تحت علي سعر كل حباية من المخدر ف الوقت الحالى

    الاسعار ف السوق - السوق اللى هو تاجر المخدرات - مش ثابتة
    متغيرة المكسب بتاعك بيجي من التغير دة تحاول تشترى الرخيص وتبيع بالغالى هيطلع لك
    مكسب كويس جدا
    التاجر والمينا مرتبطين جدا
    لان المينا بتيجي فيها مراكب بتطلب انواع مخدرات معينة
    الانواع اللى بتطلبها المركب سعرها بيغلى جدا يوم ما المركب تيجي
    لان المركب بتيجي بتشترى اي كمية من اي حد ف اللعبة بالسعر الغالى
    طبعا انت بتروح تبيع للمركب ف المينا محدش يسوق ف الغباء ويوم ما تيجي المركب
    يروح يبيع للتاجر

    ازاي تعرف المركب الجاية ؟؟ دى اصبحت معلومة موجودة فى صفحة المينا ببلاش
    وبتدخل المينا وترشى القبطان ب 10 رصيد ودة احسنلك
    لانه بيديلك مكسب زيادة %10 لو اتجستت ع المركب ب 10 رصيد
    وبعد ما تتجسس علي المركب بتتفضل حضرتك تتكرم وتقعد ف السوق - اللى هو تاجر المخدرات
    واي كمية مخدرات تنزل من المخدر المطلوب ف المركب الجاية
    تحاول تشتريها باسرع ما يمكن لان صفحة السوق دى صفحة ديناميكية بتتغير كل لحظة
    يعنى اللى ظاهر فيها قدامك ظاهر قدام غيرك من اللعيبة برضو
    لو نزل 1 مليون هروين وانت اشتريته هيظهر قدام غيرك ان في مليون هروين اتشال
    ف الوقت نفسه اللى انت اشتريت فيه
    طبعا انت بيكون معاك ف الطبيعي 30 تعامل
    اكبر كمية تقدر تشتريها بالتعامل الواحد هي 10 مليون تقريبا
    واكبر كمية تقدر تبيعها بالتعامل الواحد مش محددة
    يعنى انت تقدر ف يوم الكريمز تشترى 300 مليون من نوع مخدر
    ولو معاك الباقة تقدر تشترى 450 مليون ف اليوم الواحد
    تخيل لو في شيب هروين مثلا جاية
    وانت قعدت 3 ايام كريمز تشترى هروين واشتريت اقصى ما عندك
    مليار هروين مثلا !!
    والمركب زودت السعر $50 او $80 او $100
    هتلاقي حضرتك انك كسبت 100 مليار زيادة + %10 بتاعة التجسس
    هتبص تلاقي الاحترام بتاعك بيطير بعد المركب ما تيجي

    هوريك دلوقتى الطريقة اللى تخليك تشترى من السوق بسرعة اسرع من اي حد
    بتدخل تحط السوق قدامك وتجهز الرقم 9,999,999 ف خانة المخدر المطلوب
    وايدك علي الانتر اول ما تشوف اي كمية اكبر من 10 مليون نزلت تدوس انتر بسرعة جدا
    وملحوظة لو انت حاول تشترى كمية اكبر من الموجودة ف السوق هيضيع عليك التعامل
    طيب دلوقتى انت قاعد ف السوق ومركز جدا وبتلاقي الكمية اللى بتنزل اقل من 10 مليون
    تعمل ايه ؟؟؟
    بص الصورتين دول !


    بتفتح 3 صفحات كدة وتحط فيهم ارقام 1 مليون , 5 مليون , 10 مليون
    دة علي حسب روؤيتك للسوق وانت قاعد ومتابع وشايف ايه الكميات اللى بتنزل
    وتعملهم كدة


    وتخليهم قريبين من بعض
    طبعا ف الاول هتقول انك بتتلخبط ف الارقام ومش بتعرف تحدد دة مليون ولا 10 مليون
    ولا 100 الف بس
    بس بقولك بعد كدة هتتعود وهتعرف تميز ف جزء من الثانية دة كام بظبط
    بتحط 3 صفحات جمب بعض كدة وتحاول تكون اسرع من اي حد
    رقم 1 هيشترى لك 10 مليون
    رقم 2هيشترى لك 5 مليون
    رقم 3 هيشترى لك 1 مليون
    وطبعا بالطريقة دى انت بتكون محضر رقم غيرك مش محضره
    غيرك لو محضر هيكون محضر مليون او 10 مليون لكن انت محضرلهم 3 ارقام
    وبالتالي هتكون اسرع منهم
    الموضوع محتاج شوية تركيز وهتلاقي نفسك كويس جدا ف السوق
    وكل حاجة علي حسب رؤيتك انت ودماغك انت في ناس بتلعب بصفحة واحدة
    انت عاوز تعمل صفحتين بس عاوز 3 صفحات براحتك انت ودماغك
    طبعا ف انواع معينة من المخدرات مينفعش متلعبش عليها وهى اللى بتجيب اعلى مكسب
    بالترتيب
    Heroin - هروين
    Special K - كيتامين
    الهروين والكيتامين اسعارهم بقيت متقاربة جدا جدا وطبعا مفيش حاجة ثابتة كل دورة على حسب طلبات المينا
    Morphine - مورفين
    Cocaine - كوكايين
    Amphetamine - ماريجوانا
    Opium - افيون

    طبعا مفيش حد خالص يعرف ايه هي الشيبات الجاية وايه اللى مش جاية
    ومكتوب ف المينا عندك ايه الشيبات اللى جات قبل كدة ,
    وفي ايام معينة بيجيلك احداث ف الصفحة الرئيسية سعر المخدر ارتفع او سعر المخدر انخفض
    لو انت مخزن وسعر المخدر ارتفع تقدر تروح تبيع
    بس طبعا تعتمد علي خبرتك لو معندكش خبرة لسه تقدر تسئل اي حد
    اقدم منك تقوله ايه رايك ابيع ولا لاء ؟؟
    ممكن يقولك بيع وممكن يقولك لا استنى خلي الكمية دى معاك
    ممكن مركب تيجي وتكسب فيها اكتر
    فى حاجة تانية

    في باقة VIP2
    بتوفرلك 30 حدث اضافى مخصص ليك فى المخدرات
    والاحداث دى بتكون
    - سعر المخدر ارتفع وبكرة هيرخص تانى
    - سعر المخدر انخفض وبكرة هيغلى تانى
    - فلوكة ف المينا معاها مخدرات
    - شاحنة ف المينا عاوزة مخدرات
    طبعا سعر المخدر ارتفع وانخفض دى مفهومة بتحاول تكسب منها
    الفلوكة والشاحنة دول بيظهرولك ف المينا بيطلبو كمية معينة من مخدر معين
    بتغلى بنسبة بسيطة مش زي المركب الكبيرة
    بس هي فيها مكسب برضو
    اى استفسارات ياريت تكون ف الموضوع التانى
    بالتوفيق
    Last edited by IDaRBaKa; 10-30-2016 at 03:03 PM.
    TheCrims.com Crew

    Good friends are like stars.
    You don't always see them,
    but you always know they are there.

  10. #10

    Default Buildings - المصانع

    المصانع مفيش فيها حاجة صعبة ومفيش فيها افتكاسات كتير
    المصانع دي بتتوقف علي التحمل بتاعك
    كلما ما زاد التحمل كل مازاد عدد المصانع اللى تقدر تمتلكها
    بتدخل المصانع بتلاقي دة قدامك
    اسم المصنع
    عدد الوحدات المنتجة ف اليوم
    تمن المصنع
    التمن علي اليوم دة التمن اللى بيتخصم منك يوميا تكلفة صيانة المصنع الواحد
    ف الصورة دى هتلاحظ زيادة الخانة بتاعت الربح
    دي بتظهرلك لو اشتريت اي باقة VIP
    دى بتحددلك ربح المصنع الواحد ف اليوم
    ودى تقدر تحسبها بايدك عادى بس هي ميزة برضو بدل ما توجع دماغك وتفضل تحسب
    دى بتظهرلك علطول
    في حاجة بقي ان الربح من المصانع مش ثابت ممكن انهاردة
    الهروين يكون اعلى حاجة بتكسب
    ممكن يجي 3 شيبات كوكايين ورا بعض
    سعر حباية الكوكايين يرتفع تبص تلاقي مصانع الكوكايين بقيت بتكسب اكتر بكتير
    من مصانع الهروين وهو دة اللى موجود لحد دلوقتى ف الروند دة
    ان مصانع الكوكايين بتكسب اكتر
    في حاجة تانية لو هتبيع المصانع بتاعتك هتبيعها بنص التمن بس
    ولو انت VIP
    هيظهرلك تحت اجمالى الربح ف يوم الكريمز
    اجمالى تكلفة المصانع ف يوم الكريمز
    الفلوس اللى انت صرفتها علي المصانع
    وفى حاجة مهمة جدا انك بتدفع 10 رصيد بتزودلك انتاج المصانع بنسبة %10 بتنفعك
    اخر حاجة انك لما تيجي تجمع محصولك محتاج 10 طاقة

    فى نقطة مهمة جدا
    نقاط المهارة اللى بتكتسبها لما تعدى مستوى من المستويات
    فيها خاصية %1 مبانى زيادة

    ودى انت بتستخدمها بعد ما توصل تحملك 2 مليون
    وبعد ما تعدى كل المستويات وتبقى المستوى الاخير رقم 12 الزعيم

    تعمل اعادة ضبط لنقاط المهارة ب 20 رصيد وتحط كل نقاط المهارة فى المبانى الزيادة
    وبكدة هتلاقى نفسك تقدر تشترى اكتر من 5000 مصنع تقريبا

    وبعد ما تشتريهم تقدر تعمل اعادة ضبط لنقاط المهارة وترجعهم تانى على الحريم مثلا

    Last edited by IDaRBaKa; 10-30-2016 at 03:15 PM.
    TheCrims.com Crew

    Good friends are like stars.
    You don't always see them,
    but you always know they are there.

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •