Follow Us On Follow us on Facebook Follow us on Twitter Watch us on YouTube
Results 1 to 2 of 2
  1. #1

    Default لازم الحجات دي تطور ضروري

    اول حاجه محتاجه تطوير الشات و الرسايل
    يريت لما حد يتكلم فى الشات يطلع رقم واحد بالاحمر معناه ان فيه حد بيتكلم بدل مناس بتتكلم و محدش بيرد عليها
    الرسايل نفس النظام و يريت نفصل بين رسايل اللعبه و التقارير و الرسايل اللي بتيجي من شخص الحته دي حتخلي اللعبه اجتماعيه شويه بدل مكل واحد بيلعب مع نفسه
    ثانيا بالنسبه للقوي
    اللي هيا قوة السرقه
    قوة سرقة العصابه
    قوة الهجوم
    ياريت نخلي كل قوه خاصه بشخصيه معينه
    يعني قوة الهجوم خاصه بشخصية السفاح
    و السرقه للحرامي
    و سرقة العصابه تبقي تبع البوب الكبير و تظبطه الشخصيه دي تخلوها خاصه بانشاء عصابه و تخليها ليها لازمه شويه
    و تزود للشخصيات اللي ملهاش قوه قوه جديده
    يعني رجل الاعمال تعمله قوة تصنيع و كل مالقوه دي تزيد المصانع بتاعته تنتج اكتر و تكون القوه بتاعته مرتبطه بترقية الشخصيه مش لما اجي ارقي رجل الاعمال يقولي هات 10 الف قوه من اي نوع لاء كل شخصيه ليها قوه معينه
    نفس الكلام للديلر يبقه عنده قوة بيع
    و القواد عنده قوة ادرة مشاريع ليليه و حريم
    و هكذا كل واحد يتخصص في حاجه
    حنزود بقي خاصيه جديد و هيا الشغل و دي حتكون العامل الاساسي لزيادة القوه بعد المهارات يعني علشان تزود القوه بتاعتك لازم تزود مهارات اللي زي الذكاء و كده و خبره اللي هو الشغل و ده بيكون فيه لكل قوه شغل معين
    حيكون زي التمرين كده بوقت و كل يوم تشتغل و كل متشتغل بتترقا فى الشغل و تاخد بوينت زياده
    و البوينت بتاع الشغل ده بيتحط فى حسبت الرقم الاساسي بتاع القوه
    حيكون فيه لكل قوه معينه شغل يعني مثل قوة السرقة الفرديه مثلا يشتغل الاول نشال و بعد كده حرامي غسيل و هكذا يقعد يترقه فى الشغل بتاعه
    و الشغل بتاع رجل الاعمال يشتغل الاول عامل نظافه و بعد كده عامل لحد ميقعد يترقي و يبقي مدير مصنع طبعا كل مالترقيه بتزيد البوينت بتاع الشغلانه اللي بيعلي القوه بيزيد ارجو تكون الفكره وصلت
    بالنسبه للهجوم انا شايف ان الهجوم ملهوش اي ستين لازمه و لازم قصت الهجوم تتغير و يكون فيه بي في بي احسن من كده لكل الشخصيات لان اللعب بشخصية السفاح ممل جدا انك تقعد مستني اما حد يخش و تهجم عليه و اللي اتهجم عليه ينقص بوينت و مخلي اللعبه ممله للطرفين فيه افكار كتيره بموضوع الهجوم و فيه افكار كتير اوي لتطوير اللعبه دي بس ناخد موضوع موضوع الاول و ندخل علي اللي بعده يريت حد يبص علي موضوع الرسايل و الشات و موضوع القوه بتاعت كل شخصيه دي
    Last edited by seniorcekim; 05-28-2022 at 12:44 PM.

  2. #2
    Join Date
    Feb 2006
    Location
    Saudi Arabia
    Posts
    1,956

    Default

    بخصوص موضوع الرسايل, في تغيير حصل بالفعل وأصبحت الرسائل مقسمه.
    أما بخصوص اللون فهو فقط لفريق المنظمين في اللعبة
    The Crims Crew
    بمعني أن إسمهم بيظهر في الدردشة بلون مختلف (حسب وظيفته في فريق المنظمين)

    بخصوص موضوع السرقات وتحديدها لشخصيات معينة, لازم تبقي عارف انك لو حددت قوة معينة لشخصية معينة انت كده بتحرم شخصيات اخري من نفس القوة دي وده حيأثر كتير علي سير الدورة. لكن مع وجود شخصيات مختلفة ليها امتيازات وعيوب حتقدر تعمل التوازن وتخلي كل لاعب يختار الشخصية المناسبة بالنسباله.

    كل الامتيازات اللي ذكرتها دي موجودة بالفعل ف الشخصيات, بمعني ان الديلر بيبيع بنسبع اعلي من اي شخصية تانيه والقواد بياخد فلوس اعلي من الحريم اكتر من اي شخصية تانيه.

    معلومة: ممكن تقوي الشخصية بتاعتك عن طريق استحواذك علي منطقة او من خلال الجامعة.

    الهجوم حاجة مهمه ومربحة جدا للعبه (لأن الاعبين بيشترو رصيد بكمية كبيرة) بالتالي صعب إلغائها (مش عشان انت مش بتلعب بيها تبقي هي في نظر الكل مش مهمة)

    بشكرك علي أفكارك ووقتك في كتابة الموضوع.
    تحياتي
    Regards,
    Generozo
    Support & Abuse Member
    TheCrims.Com Crew

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •