اولا موضوع الحلب لأن مش معقول واحد منضم لعصابة يقفل الاكونت ربع ساعة ويجى يفتحة يلاقى نص مهاراتة اتخدت
بعد ما تعب فيها وتعب فى تجميعها دة غير الخيانة والبغض والكراهية اللى هتحدث بين اللاعبين
هتيجى تقولى احنا كاتبين تحذير والكلام دة معنى كدة انت هتخلى اى لاعب مستجد ببساطة ميدخلش اى عصابة
لأنة خايف من موضوع الحلب دة وعصابات اللعبة مش بترضى طموح اللاعبين فى انهم يكونوا اقوى
علشان كدة اللاعب المستجد دة بيزهق بسرعة وممكن ميلعبش اللعبة تانى دة غير ان اللاعب كدة كدة مجبر انة يدخل عصابة علشان يقدر يعدى المستوى لو متلغاش الحلب يبقى فى حد اقصى لة يبقى مثلا 20 الف ولاحاجة نقص فى المهارات وبعدها لا يتم نقص فى المهارات اكتر من كدة لأن نقص المهارات بالعدد المهول دة حاجة تغيظ جدا
ثانيا هو نقص الاحترام بصورة مبالغة جدا لما تشترى مثلا سلاح او مجموعة من الحريم ا
او التبرع للعصابة او اى حاجة بتنقص الفلوس دة تضيع مجهود لاعيبة شاركت فى الحفاظ على الاحترام دة
حضراتكوم بتطلبوا مثلا ان اللاعب علشان يوصل لمستوى معين يتبرع للعصابة بمليارات
وبتجبروا بردو انة يشترى 20 مليون كوكايين مثلا او هرويين ييجى يتبرع او يشترى سلاح قوى او مخدرات كتير
يلاقى احترامة من مليون مثلا ل500 الف وتضيعوا علية تعبة ومجهودة فى تجميع الاحترام دة
علشان كدة لاعبين كتار بيزهقوا من اللعبة
ممكن يبقى فى نقص للاحترام ولكن بصورة معتدلة شوية مش بصورة مبالغ فيها كدة
ثالثا محتاجين بعض التوضيح فى نادى القتال انا حاسس ان فية ابهام على موضوع نادى القتال ومش مفهوم بصورة كافية علشان لازم يتم توضيحة اكتر
وفى الاخر دى وجهة نظرى التى لا قيمة لها على الاطلاق من واحد اول مرة يلعب اللعبة الممتعة دى