اسئل واستفسر عن اي حاجة فاللعبة

[Modyrulez]

السلام عليكم

اولا شكرا لاهتمامك واقتراحاتك لتطوير اللعبة
بالنسبة لموضوع الرابتس فاحنا حاليا عندنا نسختين .. النسخة العادية ودى مانيفعش تلعب الا بحساب واحد والنسخة الكلاسيك ودى مسموح فيها باى عدد من الحسابات (نظام الرابتس)

بالنسبة للتمارين
حاليا فى مركز العصابة فى تبرعات لتطوير التمارين والسرقة والهجوم .. عشان كدة لازم يبقى فى مهارات اكتر من التمارين كل ما تتطور مستوى العصابة ,, اللعبة فى الاساس معتمدة على اللعب الجماعى والعصابات فطبيعى يكون فى مميزات اكتر للعصابة
وكمان دلوقتى المووع بقى اسهل من الاول انك تعمل عصابة قوية وتنافس بيها وممكن تكسب توب جانج كمان ,, لان الاول كانت العصابة معتمدة على الاحترام فكان الاوائل هما اللى بيعملوا عصابة ويكسبوا بسهولة لكن دلوقتى نظام النقط والتبرعات وتطوير العصابة خلى فى منافسة اكتر بين العصابات والموضوع بقى اسهل

بالنسبة للسرقات
احنا عملنا عصابات افتراضية عشان الموضوع دة .. تقدر تدخل العصابات الافتراضية تسرق براحتك وانت فى امان لان العصابة محمية من الحلب

بالنسبة للعصابات
والخيانة الطبيعى انك طالما هتقفل الاكونت تخرج من العصابة اللى انت فيها عشان تكون فى امان او لو العصابة بتاعتك يبقى ما تسيبش فيها الا الناس اللى انت واثق فيها وضامنها ,, احنا حاليا عملنا خاصية جديدة اسمها Trusted members
ودى عشان لو انت سبت العصابة تقدر تدخلها تانى فى اى وقت حتى لو الزعيم قافل طالما هو ضايفك لل Trusted members

بالنسبة لموضوع حماية الاكونت انا شايفها فكرة كويسة وهبلغ المطورين بيها عشان يشوفوا لو ممكن تتطبق

بالنسبة لان العصابة تتعمل اخر 10 ايام بس دة طبعا ماينفعش خالص لسببين :
1) العصابة محتاجة وقت عشان تتطور والنقط بتاعتها تزيد وترفع مستوياتها ودة مستحيل يتعمل فى اخر 10 ايام بس
2) لان زى ما قولتلك العصابات الافتراضية موجودة لكل الناس اللى مش عارفة تدخل عصابات عادية او خايفين من الخيانة

شكرا مرة تانية لاهتمامك بتطوير اللعبة

شكرا جدا على الاهتمام بالموضوع يا مودى
بس الفكره انا عارف ان فى كريمز كلاسك بتتلعب بالربتس لا الفكره اللى انا قصدى عليها ده لعبه اون لاين اهم مكاسبها هو ان عدد المشتركين والزوار يزيد مش يقل عشان كده كنت بقترح ان ليه التمارين برضو مش تبقه مرتبطه بالمستوى ده اولا وثانيا ليه مش نخى فيه سرقات فرديه بنفس فلوس الاهرامات وبنفس استخدام الطاقه عشان انا لو مش قادر ادخل عصابه يبقه اللعبه بالنسبالى مش ماتت
ثالثا بالنسبه للعصابات بتاعت اللعبه نفسها لو هتاخد بالك يا مودى العصابات ده اول 20 يوم من اللعبه بس الناس بتهتم بيها وبعد كده تحس انها مش ليها اى لزمه فى اللعبه
ليه العصابات ده مثلا مش تبقه مدعمه اكتر باعضاء وهميين مثلا
انا دلوقتى لما باجى ادخل عصابه منهم مش بلاقى غيرى مثلا انا وزعيم العصابه الوهمى وانتظر لحد ما يدخل 9 اعضاء تانيين عشان نسرق هرم محدش يدخل بالتالى انا هطلع منها لان وجودى فيها ملوش اى لزمه
ليه مش تعرض مثلا على المطورين ان عصابات اللعبه برضو بدل ما فيها عضو واحد وهمى اللى هو الزعيم يبقه فيها 8 والعصابه مجرد ان يدخل فيها اربعه السرقه تشتغل وكل ما العدد الطبيعى يزيد كل ما الاعضاء الوهميه تقل فى السرقه
بحيث ان فى اى وقت ادخل اشوف 3 اصحابى ونشتغل بدل ما ندور على 10 اعضاء لانى لو معايا 10 اعضاء الاسهل انى اعمل عصابه احسنلى واشتغل بيها لكن احنا بنشوف حل للناس اللى مش عندها علاقات فى اللعبه كتير تساعدها فى اللعب

[Modyrulez]

عندك حق واحنا بنحاول دايما نوازن بين السرقات الفردية والعصابة
لو تاخد بالك سرقة موتوسيكلات تقريبا بتدى نفس الفلوس بتاعت الهرم بس الفرق فى الطاقة طبعا + ان فى ايام كتير بيكون فيها تعزيزات الشرطة والفلوس من السرقة بتكون اكتر
كمان فى ايام بيكون فيها سرقات مميزة بتحتاج صعوبة اعلى وبتديك فلوس اكتر زى Santa Claus / Chuck Norris

بالنسبة للعصابات الافتراضية
انا شايف ان دى فكرة كويسة اننا نزود الاعضاء الوهميين ويقلوا كل ما حد جديد يدخل العصابة .. انت شايف الاحسن ان يكونوا كام عضو وهمى مثلا ؟

[IDaRBaKa]

شكرا ادريانو علي الاهتمام
احب اوضحلك نقطة ان فكرة عمل سرقات فردية موازية لسرقات العصابة - هتقتل فكرة العصابة نهائياً
موضوع الحلب دة مسمتر كل يوم ومعظم الناس بتتحلب - اعذرني دي غلطتك انك تسيب اليوزر ف العصابة
اعتقد ان معظم كلامك هيوقع ضرر كبير علي العصابات ف اللعبة
بالنسبة للتمارين او للسرقات
كل حاجة زي ما ليها ايجابيات ليها سلبيات
وأى حد راجع من زمان طبيعي انو يتعرض للمواقف دى
حاول انك تعمل اصحاب وتعمل عصابة خاصة بيك
مع العلم في خاصية جديدة الروند دة ان اي عضو يتهجم عليه ممكن يتطرد تلقائي من العصابة
+ الخاصية اللى مودى مشكوراً وضحها ليك وهي خاصية العضو الموثوق ف العصابة
وشكرا ليك مرة تانية علي اهتمامك وهيتم عرض مقترحاتك زي ما مودى وضحلك

ازيكو يا جماعة
نظام الحماية عندى لسه مفعل مع انى عديت ال 5000 احترام
مش عارف اجيب سرقات جديدة
اخرى جواهرجى
الحل يا جماعة ايه

[IDaRBaKa]

اهلا Mitology
نظام الحماية موجود لحد 50 الف احترام الروند دة
تقدر تلغى نظام الحماية عند طريق الدخول علي صفحة الحماية واختار الغاء الحماية
بالنسبة للسرقات عدى المستويات وهيظهرلك السرقات الاعلى منها
بالتوفيق ,

لما بضغط على الحماية مابتجيش الصفحة و بيجيلى فى الهوم
حاجة عن
report bug
و كمان مش عارف اجيب بيوت حريم خالص
حاولت اروح يمين شمال مش عارف اجيبهم
شكرا يا ادمن عالمساعدة

[IDaRBaKa]

هيتم التواصل معاك فى رسايل اللعبة

[IDaRBaKa]

الموضوع هيكون مفتوح لأي حد عنده اقتراح يحب يضيفه للعبة
اي حد عنده اي اقتراح يكتبه هنا

نزول سرقات فردية بصعوبة عالية و تكون الجايزة مناسبة ليها يعنى مثلا حاجة تبقى من اول 500.000 صعوبة و يكون الطاقة 25% مثلا حاجة زى العصابات كدا لان فعلا بجد بسبب العصابات دى فى ناس بتتظلم كتير و بتتحلب اكتر و اللاعيبة القديمة كل همها انها تاخد الروند و خلاص طبعا حضرتكـ فاهم انا بكلم عن ايه و يكون طلوعكـ و دخولكـ من الخمارة بتذكرة حتى لو معملتش حاجة
وشكرا