اهلا بيكم

دى تغيرات الدورة رقم 97

تم اعادة تصميم نظام المصانع. اقرا كل حاجة عنه في دليل اللعبة -
التعاملات عند تاجر المخدرات اتغيرت. هتاخد تعاملات زيادة بعد كل مستوى تعديه وتقدر تستخدم نقاط المهارة في زيادة عدد التعاملات -
متقدرش تفتح الحساب الموثوق اذا كنت واخد حظر علي حسابك -
تم تخفيض احداث الخميس الاسود الخاصة بانخفاض اسعار البورصة للنصف -
قاعدة تعاملات البورصة زادت من 5 ل 10 تعاملات -

هنبدء بشرح الحاجات السهلة الاول

تم تخفيض احداث الخميس الاسود الخاصة بانخفاض اسعار البورصة للنصف -

بالتغيير دة بنشجع اللاعبين علي استخدام البورصة والاستثمار فيها ودى اسهل طريقة لعمل كدة.


التعاملات عند تاجر المخدرات اتغيرت. هتاخد تعاملات زيادة بعد كل مستوى تعديه وتقدر تستخدم نقاط المهارة في زيادة عدد التعاملات -

بالتغييرات دى عرفنا ان كمية المخدرات في اللعبة ممكن تكون كبيرة جدا جدا وبالكميات دى اللاعبين يقدرو يعملوا فلوس كتيرة. نظام تاجر المخدرات الجديد سهل جدا وهو هو نفس نظام التعاملات في البورصة. ف لو عاوز تعاملات زيادة تقدر تستخدم نقاط المهارة الخاصة بيك لزيادة التعاملات عند تاجر المخدرات.


متقدرش تفتح الحساب الموثوق اذا كنت واخد حظر علي حسابك -

طبعا دى سهلة جدا ومش محتاجة ي شرح.


تم اعادة تصميم نظام المصانع. اقرا كل حاجة عنه في دليل اللعبة -

لو قريتو فى دليل اللعبة, وانا عارف انكم مش هتقروه. ولا دخلتوا علي النسخة التجريبية - بيتا - ولاحظتوا ان المصانع مبقتش زي ما هى. احنا قررنا ان كل دورتين هنعيد تصميم حاجة علشان نعمل حاجة جديدة فى اللعبة علشان اللعبة يبقي فيها اثارة وتغيير شوية

زي ما انتو شايفين في دليل اللعبة. دلوقتى تقدر تملك 5 مصانع في نفس الوقت ودة بيعتمد علي المستوى الحالي بتاعك طبعا علي سبيل المثال

من المستوى الاول للمستوى التالت 2 مكان للمصانع -
المستوى الرابع 3 اماكن للمصانع -
المستوى الخامس 4 اماكن للمصانع -
من المستوى السادس للاخير 5 اماكن للمصانع -

بمجرد ما تملك نوع مصنع معين تقدر تحدثه للمستوى 13 ودة بيساوى 3250 مصنع في النظام القديم وبكدة انتو عرفتوا ان امتلاك وتحديث 5 انواع من المصانع هيدي لكل لاعب كمية كبيرة جدا من المخدرات والفلوس ودة السبب اللى خلانا نقلل التعاملات عند تاجر المخدرات

اسعار التحديثات مختلفة لكل مكان للمصانع وهما كالتالي

المكان الاول
1. 0% تمن التحديث
المكان التانى
2. +25% تمن التحديث
المكان التالت
3. +50% تمن التحديث
المكان الرابع
4. +100% تمن التحديث
المكان الخامس
5. +150% تمن التحديث

طبعا لو قررت انك تبيع المصانع بتاعتك هتخسر كل التحديثات اللى عملتها قبل كدة



قاعدة تعاملات البورصة زادت من 5 ل 10 تعاملات -