السلام عليكم
بخصوص سؤالك عن الرسالة اللى بتظهر لما بتاخد مخدرات عشان ترفع الطاقة بتاعتك
حابب اعرفك إن 15 ثانية ده وقت طويل جدا للاعب عشان يقدر ياخد مخدرات من الخمارة بتاعته و حوضحلك ليه
الرسالة دى . المفروض انها بتظهرلك فى كل مرة بتاخد فيها مخدرات ف الخمارة
يعنى لو دخلت الخمارة مرة واحده و فى خلال ال 15 ثانية دول اصبحت 100 طاقة بعد 4 تعاملات حتلاقى الرسالة دى طلعتلك 4 مرات زى ما قلت . بس و ليه تخليها تظهرلك لعدد مرات كتير . لما ممكن تخليها تظهر لك مرة واحده بس عشان تبقى دى اول خطوة انك تبقى محترف و تحافظ على نفسك من المجرمين قتالين القتلة
بص ياريت تلاحظ الأتى
1- كل ما كان الوقت اللى بتقضية فى الخمارة أقل . كل ما كان نسبة الخطورة عليك اصبحت اقل بردو
2- بدل ما تفضل تاخد من مخدر واحد او من عدة مخدرات فى نفس الزيارة بكميات مختلفة لحد ما تصل ل 100 طاقة . ليه متفكرش انك تدخل تاخد مخدر معين بكمية معينة عشان يرفع الطاقة بتاعتك 100% مرة واحده و بالشكل ده حتدخل و تخرج من الخمارة فى وقت اقل من لو كنت قاعد جوا لمدة 15 ثانية و ده بيعرضك للضرب من اى قتال بيدور فى الخمارات على ضحية.
مثال - 12 هيروين = 100% طاقة
يعنى لو عملت خمارة و حطيت فيها هيروين فقط . ممكن تدخل و انت طاقتك 0% و تقوم حاطط عدد 12 . حتلاقى الرسالة اللى مضايقاك طلعتلك مرة واحده فقط و بسرعه انت المفروض تخلع و تجرى من الخمارة بتاعتك عشان متلاقيش واحد ناططلك جوا اعمالا بالملحوظة رقم 1 اللى شرحتها سابقا
تقدر تقرى عن المخدرات و تأثير عدد 1 من كل نوع مخدر على نسبة زيادة الطاقة من خلال دليل اللعبة .
ملحوظة تانيه : يفضل انك كل 3 او 4 دقايق تحذف الخمارة بتاعتك و تشترى خمارة او ديسكو من جديد . ذلك لأن السيرفرات بيتعملها نحديث كل شوية و لو الخمارة بتاعتك انت مغيرتهاش طبيعى جدا انها تظهر فى التحديث فى صفحة الحياة الليلية و ساعتها تبقى عرضة ان اى حد يدخل عليك خمارتك و يلسوعك
الحل فى اللى قلته سابقا . تغيير الخمارة كل 3 دقايق
اتمنى يكون الرد شافى ووافى للموضوع بشكل عام . لو فى اى استفسار تانى ياريت تطرحة هنا .
بالتوفيق