Follow Us On Follow us on Facebook Follow us on Twitter Watch us on YouTube
Results 1 to 9 of 9
  1. #1
    Guest

    Default فرق الدعم الفني بالكامل المحترمين

    السلام عليكم ورحمه الله وبركاته
    أرجو من فريق الدعم الفني بالكامل المحترمين تحديد موعد الأجازه الأسبوعية بوضوح تام لأن ليس هناك أي معنى التحدث مع فريق دعم فني غير متواجد وشكرا

  2. #2
    Join Date
    Feb 2006
    Location
    Saudi Arabia
    Posts
    1,956

    Default

    انا مفهمتش اى حاجه من كلامك غير السلام عليكم

    ايه هى الاجازة الاسبوعية اللى حضرتك بتتكلم عنها ؟
    تقصد ايه بالتحدث لفريق الدعم الغير متواجد ؟

  3. #3
    Guest

    Default

    Quote Originally Posted by Generozo View Post
    انا مفهمتش اى حاجه من كلامك غير السلام عليكم

    ايه هى الاجازة الاسبوعية اللى حضرتك بتتكلم عنها ؟
    تقصد ايه بالتحدث لفريق الدعم الغير متواجد ؟
    حضرتك لما ابعت تذكره واقعد اتكلم مع نفسي علشان محدش بيرد عالسؤال يبقى انتم موجودين ولا في اجازه؟

  4. #4
    Guest

    Default

    Quote Originally Posted by Generozo View Post
    انا مفهمتش اى حاجه من كلامك غير السلام عليكم

    ايه هى الاجازة الاسبوعية اللى حضرتك بتتكلم عنها ؟
    تقصد ايه بالتحدث لفريق الدعم الغير متواجد ؟
    حضرتك لما ابعت تذكره واقعد اتكلم مع نفسي علشان محدش بيرد عالسؤال يبقى انتم موجودين ولا في اجازه؟

  5. #5
    Join Date
    Feb 2006
    Location
    Saudi Arabia
    Posts
    1,956

    Default

    هى فين التذكرة اللى انت بتتكلم عليها دى , هل هى فى القسم العربى ولا قسم تانى و رقمها كام ؟ لأنى بدخل مركز الدعم الفنى يوميا و مش شايف اى تذكرة اصلا فى القسم العربى أو حتى الانجليزى سواء ليك او لغيرك.

    لو تم نقل تذكرتك الى اى قسم تانى . بلغنى برقمها و انا حوصى اى حد من فريق التحقيقات انه يباشر التذكرة بشكل شخصى.

    المنظمين فى اجازة او مش فى اجازة ده شئ لا يخصك لا من قريب و لا من بعيد . كل اللى ليك ان سؤالك او استفسارك فى مركز الدعم الفنى ( القسم العربى ) يتم الاجابة عليه فى خلال ثلاثة ايام بحد اقصى. و ده اللى عمره ما بيحصل لأن الرد بيكون فى وقت اقل من كده بكتير.

    نكبر بقى شوية و ندخل فى صلب الموضوع بدل ما نلقح كلام عبيط غير حقيقى و غير منطقى


  6. #6
    Guest

    Default

    كلام عبيط طب ينفع الكلام ده يا عم كريم عالعموم الله يسامحك

  7. #7
    Join Date
    Feb 2006
    Location
    Saudi Arabia
    Posts
    1,956

    Default

    اقرى اسلوبك و طريقتك ف الكلام و انت حتعرف ليه ردى كان بالشكل ده معاك

    . مازلت بسألك لو عندك اى مشكلة فى اى قسم بلغنى برقم التذكرة و انا حتعامل , لأنى شايفك لسه بتتكلم برا صلب الموضوع بدل من افادتى برد فى صلب الموضوع اللى جيت عشانها تقول كلامك الجميل ده

  8. #8
    Guest

    Default

    اولا انت اللي خرجت عن صلب الموضوع كون انك فى فريق دعم فني للعبه اونلاين مش بيديك أي ميزه او حق انك تدخل تشتم أو تهزأ وبردو الله يسامحك يا عم كريم وكلنا اخوات في الاول و الاخر

  9. #9
    Join Date
    Feb 2006
    Location
    Saudi Arabia
    Posts
    1,956

    Default

    هو أنا تهكمت و استظرفت لما سألت المنظمين اجازتهم امتى ؟
    هو انا اللى اتهمت فريق المنظمين بأنهم مش شايفين شغلهم و انهم نايمين ؟
    هو انا اللى كذبت و قلت ان عندى تذكرة و بقعد اكلم نفسى فيها في إشارة منك ان المنظمين مش شايفين شغلهم و ده طبعا غير صحيح ؟

    انا من أدبى معاك و اسلوبى فى التعامل مع كل بلاغ بحيادية . فعليا مفهمتش انت تقصد ايه من السؤال الاول و لكن انت مصمم على التهكم و التريقة بدون وجه حق و دخلت تانى ترد عليا و تقولى ان بتدخل تكلم نفسك لكن للأسف كل ده كذب . انت جاى تعمل نمرة ع الفاضى و ف الاخرة النمرة قلبت فوق دماغك انت.

    انا مفيش بينى و بينك اى مشكلة شخصية لأنى اصلا معرفكش ولكن شغل التلقيح على اى حد من المنظمين بأنهم مش شايفين شغلهم ده غير مقبول بالنسبالى خصوصا إنه إتهام باطلو لأن الناس طالع ميتين ابوها فى التعامل مع اى نوع من البلاغ فى مركز الدعم الفنى . فا اكيد مش ناقصه واحد زيك يجى و يقول بالكذب انه بيكلم نفسه فى مركز الدعم الفنى

    من الواضح انك جاى تهرى ع الفاضى . لأنى كل مرة بقولك هات رقم التذكرة اللى انت بسببه بدأت الموضوع و اتهمتنا بأننا نايمين و اننا فى اجازة و فى الاخر مفيش رقم تذكرة و كمان دلوقتى عامل فيها مسكين و غلبان عشان رديت عليك بنفس اسلوبك المتهكم.
    هى دى الازدواجية . انك تتهكم على حد ولما يجى الحد ده يتهكم عليك ويرد عليك بنفس اسلوبك فا متعرفش ترد عليه لأنه على حق فا تغير انت المود و تعمل إنت فيها غلبان و فاضلك شوية و حنمسح دموعك فى المنتدى.


    فى النهاية شكرا حبيبى . ربنا يسامحنا جميعا ان شاء الله
    موضوعك مغلق لأن مفيش تذكرة اساسا
    مركز الدعم الفنى هو المكان اللى بنتلقى فيه شكاوى سواء للحظر او لطلب فك الحظر او للتبليغ عن مشاكل فى اللعبه
    اى محاولة منك للهرى او الهبد حاخدها بمحمل تانى و حتعبره مخالفه منك و ده حيزعلك كتير صدقنى
    أهلا بيك فى العالم السفلى

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •