Follow Us On Follow us on Facebook Follow us on Twitter Watch us on YouTube
Results 1 to 5 of 5
  1. #1

    Default تقييم أفضل السرقات

    لو سمحتو... كنت عايز أعرف ازاي أقيم العائد من السرقات العاديه والعائد من السرقات اللي بتديني مكونات المخدرات اللي بعملها في المعمل وبعدين بنبيعها في الميناء ... عشان أقدر أحدد أنهي نوع سرقه فيهم حيجيب عائد أكبر ....

    يعني مثلاً أنا بقدر احدد بالتقريب ان سرقة المتحف العالمي بتعمل متوسط معين وأقدر أحدد ان سرقة المستشفى لما احول مكوناتها وأبيعاه لتاجر المخدرات حتديني متوسط كذا لكن انا بحسب سعر البيع هنا على سعر البيع في تاجر الممنوعات وده طبعاً بيفرق على سعر البيع في الميناء وبالتالي المقارنه بتبقى غلط

    فأنا عايز أعرف مثلاً سعر البيع في الميناء بيكون زياده بقد أيه عن السعر الموجود في تاجر الممنوعات
    ولو في اي طريقة تانيه اسرع وافضل احدد بيها هل السرقات العاديه أفضل ولا سرقة المكونات ياريت تفيدوني

    شكراً

  2. #2
    Join Date
    Feb 2006
    Location
    Saudi Arabia
    Posts
    1,956

    Default

    السلام عليكم

    أولا أحب احييك لأنك كده بدات تفكر صح و تحط رجلك على اول طريق الاعيبة المحترفين و هو تحديد اقصى استفادة من كل سرقة و كل حركة بتعملها فى اللعبه

    ثانيا و بخصوص الأسئلة اللى انت سألتها
    بالنسبة لسعر المخدرات فى الميناء . بتفرق من مخدر للتانى . يعنى المخدرات ذات السعر القليل . سعرها بيزيد بنسبة اكبر من المخدرات اللى سعرها أصلا عالى
    بالنسبة للقبطان تقدر تدفعله رصيد و حتاخد 10% سعر زيادة عن السعر اللى حيجى بيه ( ده غير اللى ذكرتهولك سابقا )
    لازم تعمل متابعه لمراكب كتيرة عشان تقدر تعمل تقدير تقريبى لكل مخدر و نسبة التغير فى سعره
    الاعيبة المحترفة بتعمل كده و بتقيس التغير فى نسبة كل مخدر عشان تعرف ايه المخدر اللى لو لعب عليه ممكن يفرق معاه و ايه اللى ممكن ميعملش معاه حاجة و ميضيعش عليه وقت ولا مجهود
    تقدر تتابع الموضوع ده من خلال النسخة بيتا او من خلال دورات انت مش بتلعب فيها و يكون دورك فيها فقط تحليلى عشان تبقى عارف انت نازل بأى خطة لما تقرر انك تلعب وزى ما قلتلك ده اللى بيعمله المحترفين فى اللعبه دى

    بخصوص سؤالك عن الافضل بين السرقات العادية أو السرقات اللى بتجيبلك مكونات . دى لازم تحسبها بنفسك و انا حسهلهالك و اسهلها لأى حد عينه تيجى على الموضوع بتاعك ده
    فى اكتر من معيار بيحدد ايه افضل سرقة صاحبة اعلى عائد ليك .
    أولا العائد المادى لكل سرقة. يعنى الفلوس اللى حاخدها كم من كل سرقة
    ثانيا الطاقة المستخدمة لأن ده حيأثر على عدد التذاكر اللى حتضيعها عشان تحصل على اعلى عائد. يعنى سرقة بتاخد 100 طاقة ولا سرقة بتاخد 25 طاقة
    ثالثا .مكونات المخدرات حيكون سعرها كم بعد ما تصنعها فى المعمل بتاعك و تبيعها لتاجر المخدرات او للقبطان ( لو فى مركب جاية و انت بتحضر المخدر بتاعها ) كل دى عوامل انت لازم تاخدها ف الاعتبار

    كثير من الاعيبة بتستخدم اكسل شيت عشان تقدر تحسب العوائد من الحاجات دى . لأن اللعبه فى المقام الاول هى لعبة حسابات و تحضير و اختيار لاكثر طريقة مربحة و ده مش حيتم غير بحسابات منطقية و مظبوطة

    الكلام ده مش بس بيخص السرقات . ده بيخص كل شئ فى اللعبه . الحريم و المصانع و أى حاجه تقدر تجيب لك عائد ( لازم تتعلم تحسب و تطلع منه اقصى استفادة ممكنة مستعينا ب التعويذات )

    اشكرك مرة تانيه و بتمنالك التوفيق

  3. #3

    Default

    الف شكر ياريس على الشرح المفصل .... تعبتك معايا والله..
    طيب سؤال كمان معلش ... هل الفرق بين سعر بيع مخدر معين عند التاجر وبين سعره في الميناء بيفضل ثابت لو اتكرر نفس الصنف في سفينة تانيه ؟؟؟
    يعني مثلاً السفينة اللي فاتت كانت جايبه برشام وكان طبعاً في نسبة فرق بين سعر المخدر عند التاجر وفي الميناء .... فهل لو جت سفينة برشام تاني حتفضل النسبة بين سعر البيع بين التاجر والميناء ثابته ولا بتتغير برضه ؟؟؟

  4. #4
    Join Date
    Feb 2006
    Location
    Saudi Arabia
    Posts
    1,956

    Default


    لا شكر على واجب , بشكرك على ذوقك

    بص فى ثوابت حابب اوضحهالك

    1- سعر بيع المخدر عند السفينة ( القبطان ) دائما و ابدا بيكون اغلى من سعر البيع عند تاجر المخدرات
    لأن ببساطة المركب حتيجى فى يوم استثنائى و حتمشى و عشان كده بتغلى سعر المخدر اللى عايزاه وفقا لنظرية العرض و الطلب

    2- التغير فى النسب زى ما شرحتلك فى البوست الأول حيتغير للأقل لأن سعر المخدر اصبح اعلى من سعره قبل المركب الأولى و لكن الاختلاف مش حيكون كبير
    و انسب طريقة عشان تبقى متاكد من المعطيات دى هى تحليلها بنفسك

    3- متنساش ان فى احداث بتيجى فى كل يوم كريمز بتأثر على المخدرات و اسعارها . زى الكبسة اللى بتيجى بتخلى سعر المخدرات اغلى أو العكس

    بالتوفيق

  5. #5

    Default

    الف شكر ياباشا .... تعبتك معايا

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •