Follow Us On Follow us on Facebook Follow us on Twitter Watch us on YouTube
Results 1 to 3 of 3
  1. #1

    Default أسعار شراء الحريم

    لو سمحتو ياشباب حد يفيدني ...

    ازاي ابقى شايف سعر الحرمه قدامي واجي احط العدد اللي انا عايزه واشتريهم الاقي المبلغ اللي انا دفعته فعلاً أكتر بكتير من حاصل ضرب السعر اللي شفته قبل ما اشتري في العدد اللي كتبته

    يعني مثلاً الحرمه اللي اسمها Jessica تمنها قدامي دلوقت 68,670 ....

    والمفروض لما اجي اشتري 99 واحد يبقى التوتال 68670*99=6798330

    لكن اللي بيحصل فعلا اني بلاقي اللي دفعته معدي ال 100 مليون !!!

    فاريت حد يوضح لي الفكره

    شكرا لكم

  2. #2
    Join Date
    Feb 2006
    Location
    Saudi Arabia
    Posts
    1,956

    Default

    السلام عليكم

    بخصوص الحريم . كل واحده انت بتشتريها بتلاقى سعرها زاد بنسبة معينة

    يعنى مثلا لنفرض ان فى واحده من الحريم اسمها شرشر و سعرها 100 دولار و انت مش معاك اى واحدة منها
    لما تشترى واحده بس حتلاقى سعرها اصبح 125 بدلا من 100 و لما تشترى واحده تانيه حتلاقى سعرها اصبح 150 بدلا من 125 فى المرة اللى قبلها

    النسبة دى بتتغير على حسب عدد الحريم اللى معاك
    والسعر كمان بيتغير على حسب الشخصية اللى بتلعب بيها ( افضل شخصية بتقدر تشترى اقل سعر للحريم هو القواد ) و كمان بتدى عائد اعلى لكل حرمة انت بتملكها
    تقدر تقرأ عن ده فى دليل اللعبه و مميزات و عيوب كل شخصية عشان تعرف تقارن بينهم

    بالمرة خلينى اوضحلك افضل طريقة لشراء الحريم

    دلوقتى مثلا الحرمة اللى اسمها شرشر بتجيبلك عائد فى اليوم الواحد 2000 دولار و بتقف عليك سعر الواحدة حاليا ب 500 دولار و باقى على ايام الدورة 50 يوم

    يعنى العائد اللى حيجى من الحرمة شرشر حتى نهاية الدورة وفقا للعائد اليومى الحالى هو 100,000 دولار
    50 يوم كريمز
    *
    2000 دولار العائد اليومى

    . انت هنا لسه مش خسران و تقدر تشترى منها تانى لحد ما يكون سعر الواحده عشان تشتريها حيكلفك 70 الف دولار ( على اساس انك حتبقى كسبان من وراها فى اخر الدورة 30 الف دولار ) و بكده انت حققت نسبة ربح 30% من اخر حرمة لأنها جابتلك عائد 100 الف فى حين ان سعرها كان واقف عليك ب 70 الف .

    فى بعض الناس بتشترى الحريم و بتخسر فيها . لما تبقى الحرمة الواحدة واقفة عليك ب 100 الف مثلا و انت حاسب ان العائد بتاعها مضروب فى عدد ايام الدورة المتبقية يساوى 50 الف . يبقى انت كده بتخسر مش بتكسب منها و فلوسك مش عارف تستغلها صح فى بند الحريم

    خد بالك كل اللى شرحته ده سابقا عشان افهمك الالية اللى تفكر بيها . لكن خد فى اعتبارك عوامل تانيه كتير زى الأتى

    العائد اللى بتاخده من الحريم بيقل مع كل ترقية مستوى فى كل الشخصيات ما عدا شخصية القواد و ده حيأثر على الحسابات السابقة ولازم تكون حاسب معدل نقص العائد فى كل مستوى عشان تبقى عارف العائد النهائى للحرمة الواحده لما توصل اعلى مستوى فى شخصيتك حيبقى كام
    استخدام التعويذات الخاصة بالحريم بيفرق جدا اللى بتجيبلك عائد اعلى لمدة ايام معينة
    استخدام تعويذة الشراء بتاعة الحريم . اللى بتخلى اسعار الحريم اقل لمدة معينه وهى 10 دقايق و هى طبعا المدة اللى حتشترى فيها و تكون حاسب كل حاجه قبلها المعروفة بأسم Talking Stone

    الموضوع لو حتاخده سواء كان هواية او احتراف اديك عرفت الطريقة المثلى لاستخدامه

    فى الأخر و ردى على استفسارك وهو ان اللى بيحصل معاك انك بتشترى اكتر من حرمة فى وقت واحد و عشان كده سعرها بيتغير و بتلاقى اتاخد منك فلوس كتيرة و ده طبيعى لأن السعر بيتغير بعد كل واحده زى ما شرحت بصرف النظر انت اشتريت 100 او حتى 500 . السيستم بيحسب اوتوماتيك الزيادة بعد كده واحده و بيحسب اجمالى الحريم على كده.

    اتمنى اكون افادتك
    بالتوفيق

  3. #3

    Default

    الف شكر على الشرح المفصل ... تعبتك معايا

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •