القتل بيتحدد على اساس قوة الهجوم . اللى قوة هجومة اعلى هو اللى بيكسب
المثال الأول لو انت قوة هجومك اعلى من قوة هجومى حتضربنى لكن مش حموت و اروح الطوارئ
المثال الثانى . لو انت قوة هجومك اعلى بالضعف من قوة هجومى يبقى حتقتلنى و حتودينى الطوارئ
يعنى عشان يبقى اللى شرحتهولك فوق ده واضح جدا . لنفرض انى 100 قوة هجوم و انت 130 قوة هجوم فى المثال الأول
و فى المثال الثانى انا 100 قوة هجوم لكن انت 201 قوة هجوم
الشخصيات بتلعب دور مهم فى ده و الشصخية المثالية الوحيدة عشان تكون بتهاجم على خلق الله فى اللعبه هى شخصية القاتل المحترف . تقدر تقرى عن مميزاتها فى دليل اللعبه.
بخصوص ازاى بيجيله قلب يضرب و هو احترامة اقل من احترامك . لما تكون قتال قتلة كبير و ليك وزنك فى اللعبه و تخش تضرب اى حد بتبقى عارف و محدد اسماء معينة اعلى منك و لازم تجرى أو تهرب منها قبل ما هى تلسوعك
انما اى حد تانى بيجى تحت ايدك بتشوطه خصوصا لو كان مكتوب ان شخصيته مش قاتل محترف حتبقى عارف ان احترامه العالى ده هو متكون من فلوس أو من ذكاء و تحمل كتير
فى حين ان شخصية قتال القتله احترامه بيكون اغلبه من القوة و بعدها التحمل علشان كده بيكون قوة الهجوم عنده اعلى من اى شخصية تانيه