رسالة مترجمة من مدير اللعبة Bebynho

أهلا بالمجرمين و المجرمات.

عايز أتكلم فى موضوع تم إثارته فى الفترة الاخيرة عن امكانية إسترجاع باقة المهمين أو استرجاع اى مبلغ دفعته فى اللعبه الى حسابك فى الباى بال , ده طبعا يعتبر من حقك لكن خلينى أوضح لك من وجهة نظرى كلاعب و كصاحب لهذة اللعبه.

إحنا خلينا باقة المهمين يتم شرائها و تفعيلها بالفلوس لأن ببساطه اللعبه من الناحية المادية مش حتقدر تستمر وفقا لاسعار الرصيد القديمة و لأن فى مصاريف تانيه بنصرفها على السيرفرات اللى بيتم تشغيل اللعبه من خلالها.

فى خلال أخر دورتين أو ثلاث, بعض الاعبين طلبو استرجاع فلوسهم اللى دفعوها فى باقة المهمين و ده لأسباب مختلفة ( إما الاعب مش عايز يكمل لعب أو لأنه بيشتكى من خلل فى اللعبه أو من بطئ فى التصفح فى اللعبه أو لانه خسر مهارات وهكذا ) عايزين هنا نوضح معلومة مهمة و هى إن تحت أى ظروف لن يتم إسترجاع أى مبلغ تم دفعه. بالتالى من فضلك متدفعش اى مبلغ فى باقة المهمين غير لما تكون عارف و متأكد انك حتكمل الدورة للأخر و إن لو واجهتك أى مشكلة فى اللعبه تتواصل فورا مع الدعم الفنى أو بلاغات الثغرات او البلاغات فى الاعبين اللى انت شاكك إنهم بيستخدمو برامج بتساعد او بتسرع فى ضغطات الماوس أو عن اى مخالفة لأى من قوانين اللعبه.

إحنا فى عالم الانترنت يعنى وجود بطئ أوقات فى المتصفح ده أمر طبيعى و السبب بيرجع إما لبطئ فى الانترنت الخاص بك أو بطئ فى السيرفرات بسبب الضغط عليها.

إحنا دايما موجودين مع الاعبين و بنستقبل رسائلهم و بنتواصل معاهم فى مركز الدعم الفنى أو المنتدى.

إدعمو اللعبه لو تقدرو, بالتوفيق للجميع