أهلا بيكم,

كما هو معروف إن النسخة التجريبية ( بيتا ) من لعبة عالم الجرائم ( ذا كريمز ) بيكون طريقة الدخول ليها عن طريق الدعوات فقط, بمعنى إنه غير مسموح للاعبين بإنشاء أى حساب فى النسخة بيتا.

وبالتالى إذا كنت عايز حساب فى النسخة بيتا, برجاء إتباع الأتى:

1- انشاء تذكرة فى مركز الدعم الفنى بتطلب فيه إنشاء حساب فى بيتا
2- فى تفاصيل التذكرة برجاء إبلاغنا بالمعلومات الأتية
a. البريد الألكترونى اللى عايز تنشئ الحساب عليه ويكون هو نفس الحساب البريدى اللى انت مشترك بيه فى النسخة الحقيقية للعبة
b. إسم المستخدم اللى انت عايزه
c. البلد اللى انت مقيم فيها حاليا

هى دى الطريقة الوحيدة المقبولة لإنشاء حساب فى النسخة التجريبية بيتا. وأى طريقة تانيه زى الرسايل الخاصة او رسائل البريد الألكترونى المباشرة لأشخاص معينين حيتم تجاهلها.

من المهم جدا إنك تبقى عارف إنه ممنوع استخدام أكثر من حساب للعب فى النسخة بيتا.
خاصية استخدام الحساب الثانوى دى موجودة فقط فى النسخة الحقيقية للعبة بعد ما تشترى أحد باقات المهمين.

لو تم الأبلاغ أو اكتشاف أى لاعب بيلعب بحسابين فى النسخة بيتا, حيتم حظر الحسابين ومنعه من دخولها للأبد.

بالتوفيق للجميع.