أهلا بكل المجرمين والمجرمات,

الدورة رقم 129 ميعادها قرب وحيكون معاها نزول صفحة جديدة فى اللعبة ومهمة جدا فى اللعب واللى حتأثر بشكل كبير فى الاحترام الخاص بكل لاعب وعلشان كده أنا قررت إنى أفشخ نفسى وأترجمها وده راجع لأهميتها

يسعدنا ويشرفنا أن نقدم لكم صفحة ( الجامعة ) اللى من خلالها حتقدر تلعب بإستراتيجيات مختلفة عشان تحصل على أعلى إحترام ممكن وده عن طريق البونص أو الفايدة اللى حيحصل عليها كل شخصية لما يشرفنا فى الجامعة ويسجل حضوره فى الكورسات وبعدها ينهى اكمال الدورة وهكذا.

إحنا بنحاول دايما نخلى اللعبة مجددة بإستمرار عن طريق إضافة خواص او صفحات جديدة ( مع الحفاظ على الطابع القديم ) وده بيتم من خلال أرائكم ومقترحاتكم و حنحتاج دعمكم وأرائكم لتطويرها بشكل افضل خلال الدورات القادمة.

زى ما انتو أكيد عارفين , على مدار الدورات اللى فاتت أصبحت اللعبه مملة نوعا ما, الملل اللى أقصده هو إن أصبح فى طريقة معينة أو استراتيجية معينة لكل شخصية تقدر من خلالها توصل لأعلى احترام ممكن. الموضوع أصبح تقليدى جدا و عشان كده كان لازم يتم تغيير البيض ده, وكان لازم نسيب الخيال لكل لاعب إنه يبنى الاستراتيجية الخاصة بتاعته عشان يكسر الطريقة التقليدية المعروفة لكل شخصية.

بالنسبة لشرح فكرة الجامعة.

زى ما كلكم عارفين كل شخصية ليها مميزاتها وليها عيوبها, على سبيل المثال شخصية القواد بتاخد فلوس أكثر من الحريم ولكن بتحصل على إنتاج أقل من المصانع مثلا وهكذا... فى الجامعة حتقدر تعوض النقص او نقاط الضعف الموجودة فى شخصيتك وبالتالى إنت ممكن تبنى استراتيجيتك الخاصة ( بإنك تختار شخصية معينة وتختار نوعية كورسات تحضرها فى الجامعة عشان تستفيد من إمتيازات معينة حتحصل عليها تعوض نقاط الضعف فى شخصيتك ) إتمنى كده يكون الموضوع واضح جدا.

فى الجامعة حيكون فى حصص او كورسات لازم تحضرها عشان تخلص دورة معينة وبعد الانتهاء من الدورة ( بحضورك كل الكورسات فى كل الايام ) حتحصل على البونص اللى مستنيه.
تسجيل الحضور يعنى حيكون مطلوب منك إنك تسجل دخول فى اللعبة لحضورك فى الجامعة عشان تخلص الكورس المطلوب و الكورس الواحد بيختلف عدد الأيام المطلوب تسجيل حضورك فيها ( بتوقيت كريمز طبعا )

شروط الإلتحاق بالجامعة إنك تكون وصلت للمستوى رقم خمسة.
حتقدر تسجل حضور لدورة واحدة فقط
كل لاعب حيقدر يكمل تخرجه بعد حصولة على دورتين كاملتين فقط خلال دورة كريمز الواحدة
ممكن تحضر لحصتين فى نفس الوقت.


بعد ما تختار الدورة وتدخل عليها, لازم تحضر فى كل الايام المطلوبة منك للانتهاء من هذا الكورس ( لو الكورس مدته 4 ايام كريمز حيكون فى عداد من أول صفر و حتى 4 وده معناه انه لازم تدخل فى كل يوم كريمز ( ع الأقل مرة واحدة ف اليوم ) ولمدة 4 ايام متواصلة وتسجل حضور عشان تقدر تنهى الكورس ولو مسجلتش حضور مش حيزيد العداد بتاعك ( يعنى لو حضرت اليوم الأول والثانى ومحضرتش الثالث, وقتها العداد حيقف عند 2 لأنك حضرت يومين فقط وهكذا )

بعد الإنتهاء من كل دورة حيتم إختبارك بأسئلة ( حسب كل كورس ) , لو معرفتش تجاول عليه صح, حتكون مضطر تنتظر معانا فى نفس الدورة 2 يوم كريمز إضافيين, وبعد الانتهاء من اليومين حيتم سؤالك نفس السؤال عشان تعدى من الإمتحان وتريحنا.

اللى جاى ده هو المهم و المفيد وهو شرح لكل الدورات الموجودة و الكورسات الموجودة داخل كل دورة فى الجامعة مع توضيح للإمتيازات اللى حتاخدها بعد إكمال الدورة.

-------------------------------------------------------

Paul الملاك
ده كورس توعية للحريم بتوعك و لا يصلح لشخصية القواد
Paul عنده 3 دورات ولو خصلت كل الدورات حيعلم الحريم شغل جديد يقدروا يزودو الفلوس اللى بتيجى من وراهم

الدورة الأولى - Newbie training course
بعد ما تنتهى منها حتحصل على 35%خصم عند شرائك الحريم (لمدة 5 أيام كريمز فقط)
متاح من المستوى الخامس لكل الشخصيات ما عدا شخصية القواد
حيكلفك 150 رصيد و 150 مليون كاش
فى إمتحان (سؤال) بعد ما تكمل نسبة الحضور المطلوبة

الدورة الثانية - Player Level
لازم تكون انتهيت من حضور الدورة الأولى وطبعا تكون جاوبت على السؤال
حتحصل على 35%خصم عند شرائك الحريم ( بشكل نهائى )
حتظهرلك 3 حريم جديدة وهم Patricia,Pearl و French Maid
حيكلفك 150 رصيد و 350 مليون كاش
المدة 10 ايام كريمز
فى إمتحان (سؤال) بعد ما تكمل نسبة الحضور المطلوبة

الدورة الثالثة - القواد level
لازم تكون انتهيت من حضور الدورة الثانية
حتحصل على 50%خصم عند شرائك الحريم
حيكلفك 150 رصيد و مليار و 50 مليون كاش ( الرقم 1,050,000,000 )
المدة 15 يوم كريمز
سؤالين كإختبار نهائى بعد ما تكمل نسبة الحضور المطلوبة

-------------------------------------------------------

Tania الوكيل التجارى
Tania حتفتح لك عالم جديد, عالم من التعامل التجارى السلس اللى بيجيب فلوس سهلة. كل ده حيتم لو أكملت كل الدورات الخاصة بيها, خد بالك عشان دى ست قليلة الأدب وممكن تطلب منك صورة أو صورتين شمال.

الدورة الأولى - Newbie training course
حتقدر تعمل 3 تعاملات أكثر فى البورصة (لمدة 5 ايام كريمز فقط)
متاح من المستوى الخامس لكل الشخصيات ما عدا شخصية السمسار
حيكلفك 150 رصيد و 150 مليون كاش
فى إمتحان (سؤال) بعد ما تكمل نسبة الحضور المطلوبة

الدورة الثانية - Player Level
لازم تكون انتهيت من حضور الدورة الأولى وطبعا تكون جاوبت على السؤال
حتقدر تعمل 5 تعاملات أكثر فى البورصة (بشكل نهائى)
حيكلفك 150 رصيد و 350 مليون كاش
المدة 10 ايام كريمز
فى إمتحان (سؤال) بعد ما تكمل نسبة الحضور المطلوبة

الدورة الثالثة - السمسار level
لازم تكون انتهيت من حضور الدورة الثانية
حتقدر تعمل 6 تعاملات أكثر فى البورصة
حتاخد 5% فلوس أكتر لما تبيع فى سوق الأسهم
متاح من أول المستوى رقم 10 ماعدا شخصية السمسار
حيكلفك 150 رصيد و مليار و 50 مليون كاش ( الرقم 1,050,000,000 )
المدة 15 يوم كريمز
سؤالين كإختبار نهائى بعد ما تكمل نسبة الحضور المطلوبة

-------------------------------------------------------

Rojon الشمال
دى دورات مهمة للهجوم وعلشان شريط الصحة بتاعك وغير متاح لشخصية القاتل المحترف

الواد ده شمال الشمال وعنده بدل الحيلة عشرة وأكيد حتتعلم منه حاجة. ولكن خلى بالك! أوعى تحاول تتفوق عليه عشان دماغه ممكن تلف ويتقلب عليك.

الدورة الأولى - Newbie training course
10% خصم عند شرائك أسلحة هجوم
يزيد من شريك نقاط الصحة بـ 20 نقطة
المدة 10 ايام كريمز
متاح من المستوى الخامس لكل الشخصيات ما عدا شخصية القاتل
حيكلفك 150 رصيد و 150 مليون كاش
فى إمتحان (سؤال) بعد ما تكمل نسبة الحضور المطلوبة

الدورة الثانية - Player Level
لازم تكون انتهيت من حضور الدورة الأولى وطبعا تكون جاوبت على السؤال
50% خصم عند شرائك أسلحة هجوم
يزيد من شريط نقاط الصحة بـ 40 نقطة
10% قوة هجوم أعلى
حيكلفك 150 رصيد و 350 مليون كاش
المدة 10 ايام كريمز
فى إمتحان (سؤال) بعد ما تكمل نسبة الحضور المطلوبة

الدورة الثالثة - القاتل المحترفlevel
يزيد من شريط نقاط الصحة بـ 40 نقطة
20% قوة هجوم أعلى
متاح من أول المستوى رقم 10 ماعدا شخصية القاتل
حيكلفك 150 رصيد و مليار و 50 مليون كاش ( الرقم 1,050,000,000 )
المدة 25 يوم كريمز
سؤالين كإختبار نهائى بعد ما تكمل نسبة الحضور المطلوبة

-------------------------------------------------------

Tony الغامض
Tony و الشغل الغامض اللى بيقوم بيه, قدر من خلالة يشغل فلوسه مع الحريم وتاجر المخدرات والقواد. ودلوقتى هو بيشق طريقة للبحث عن سكة شمال فى البورصة. إشترك فى كل الدورات الخاصة به وحتتعلم إزاى تستثمر الكام مليار اللى معاك وفرحان بيهم أوى.


الدورة الأولى - Newbie training course
حيسمح لك ترقية المبانى بتاعتك بسعرها الأصلى
المدة 5 ايام كريمز
متاح من المستوى الخامس لكل الشخصيات ما عدا شخصية رجل الأعمال
حيكلفك 150 رصيد و 150 مليون كاش
فى إمتحان (سؤال) بعد ما تكمل نسبة الحضور المطلوبة

الدورة الثانية - Player Level
لازم تكون انتهيت من حضور الدورة الأولى وطبعا تكون جاوبت على السؤال
حتقدر تشترى مبنى إضافى ( مصنع زيادة )
15% إنتاج أعلى للمصانع الخاصة بك
متاح من المستوى الثامن لكل الشخصيات ما عدا شخصية رجل الأعمال
حيكلفك 150 رصيد و 350 مليون كاش
المدة 10 ايام كريمز
فى إمتحان (سؤال) بعد ما تكمل نسبة الحضور المطلوبة

الدورة الثالثة - رجل الأعمالlevel
50% إنتاج أعلى للمصانع الخاصة بك
متاح من المستوى الثانى عشر لكل الشخصيات ما عدا شخصية رجل الأعمال
حيكلفك 150 رصيد و مليار و 50 مليون كاش ( الرقم 1,050,000,000 )
المدة 25 يوم كريمز
سؤالين كإختبار نهائى بعد ما تكمل نسبة الحضور المطلوبة

-------------------------------------------------------

Pablo الإسطورة
Pablo حيقدملك دورة تدريبية حيتغير حالك بسببها وبدل ما كنت بتشد مخدرات, حيخليك تبيعها وتحقق مكسب يا موكوس.

الدورة الأولى - Newbie training course
10% مكونات مخدرات أكثر من السرقة
المدة 10 ايام كريمز
متاح من المستوى الخامس لكل الشخصيات ما عدا شخصية الديلر
حيكلفك 150 رصيد و 150 مليون كاش
فى إمتحان (سؤال) بعد ما تكمل نسبة الحضور المطلوبة

الدورة الثانية - Player Level
لازم تكون انتهيت من حضور الدورة الأولى وطبعا تكون جاوبت على السؤال
2% خصم إضافى من تاجر المخدرات لما تبيعله بضاعتك ( ده نفس الخصم اللى بيحصل عليه شخصية الديلر )
متاح من المستوى الثامن لكل الشخصيات ما عدا شخصية الديلر
حيكلفك 150 رصيد و 350 مليون كاش
المدة 12 يوم كريمز
فى إمتحان (سؤال) بعد ما تكمل نسبة الحضور المطلوبة

الدورة الثالثة - رجل الأعمالlevel
10% فلوس أكثر لما تبيع المخدرات بتاعتك للمركب (فى الميناء)
متاح من المستوى الثانى عشر لكل الشخصيات ما عدا شخصية الديلر
حيكلفك 150 رصيد و مليار و 50 مليون كاش ( الرقم 1,050,000,000 )
المدة 25 يوم كريمز
سؤالين كإختبار نهائى بعد ما تكمل نسبة الحضور المطلوبة

-------------------------------------------------------

Dillinger النصاب
لو عايز تكون حرامى عالمى بدل ما انت نشال جيوب وشنط الكحيانين, يبقى لازم تطور من نفسك وتاخد الدورة دى. حتتعلم فيها أكثر من حاجة.

الدورة الأولى - Newbie training course
10% فلوس أكثر من السرقات الفردية
المدة 10 ايام كريمز
متاح من المستوى الخامس لكل الشخصيات ما عدا شخصية الحرامى
حيكلفك 150 رصيد و 150 مليون كاش
فى إمتحان (سؤال) بعد ما تكمل نسبة الحضور المطلوبة

الدورة الثانية - Player Level
لازم تكون انتهيت من حضور الدورة الأولى وطبعا تكون جاوبت على السؤال
15% فلوس أكثر من السرقات الفردية
حتحصل على 5 تذاكر زيادة فى كل يوم كريمز
متاح من المستوى الثامن لكل الشخصيات ما عدا شخصية الحرامى
حيكلفك 150 رصيد و 350 مليون كاش
المدة 15 يوم كريمز
فى إمتحان (سؤال) بعد ما تكمل نسبة الحضور المطلوبة

الدورة الثالثة - الحرامىlevel
15% فلوس أكثر من السرقات الجماعية ( العصابة )
حتحصل على 15 تذكرة زيادة فى كل يوم كريمز
متاح من المستوى العاشر لكل الشخصيات ما عدا شخصية الحرامى
حيكلفك 150 رصيد و مليار و 50 مليون كاش ( الرقم 1,050,000,000 )
المدة 20 يوم كريمز
سؤالين كإختبار نهائى بعد ما تكمل نسبة الحضور المطلوبة

---------------------------------------
لو فى أى تعقيب على الترجمة, برجاء التواصل معايا على سكايب او من خلال الإيميل [email protected]
أتمنالكم التوفيق