أهلا بكل المجرمين والمجرمات,
مفيش شك إن شكل الخط المستخدم فى اللعبة ( النسخة العربية ) حاليا محتاج تجديد, لأن فى خلال السنين اللى فاتت ظهرت خطوط عربية كتيرة ممتعة أكثر فى القراءة من الخط الحالى وعشان كده قررنا التغيير وكان لازم نرجع لكم عشان كل واحد يشارك معانا برأيه.
لذلك وقبل ما يتم التغيير ده عايزين نعرف إيه أفضل خط من وجهة نظرك ما بين اللى حيتم ذكرهم فى الأسفل و هنا إحنا بقترح عليكم 6 خطوط عربية.
ممكن تشوف الفرق فى الخطوط من الصورة اللى فى الأسفل أو ممكن تطبق الموضوع بنفسك على المتصفح بتاعك وتختار كل خط وتشوف عينك حترتاح على إيه (لازم تكون محمل الخط نفسه من الانترنت ومنزله على جهازك طبعا علشان تقدر تشوفه على المتصفح), المهم إننا عايزين كل واحد يختار الخط اللى عاجبة والخط اللى ياخد أعلى عدد أصوات هو اللى حيتم تفعيله فى اللعبة إن شاء الله بعد التواصل مع المبرمجين.
حيستمر التصويت لمدة 7 أيام وحنتواصل بعدها مع المبرمجين لبحث إمكانية تطبيق الخط الجديد. وطبعا حنبلغكم بالجديد.
الموضوع ده تم مشاركته من الاعب
Phantasma820
و اللى انا بشكره جدا على إقتراحة للتجديد وبالمناسبة اللطيفه دى, تم إضافة 100 رصيد كمكافأة شخصية له. (ملحوظة: دى من حسابى انا مش من حساب اللعبة )
ياريت الكل يشارك فى التصويت ده.
بالتوفيق.