قوانين اللـــعبة من بداية الدورة

[7alala]

سوف يتم تطبيق هذه القوانين على جميع أجزاء اللعبة.

1. انت الوحيد المسئول عن حسابك فى اللعبة. ولن يتم ارجاع اى شىء الى حسابك من أموال او مهارات الا لو كان الضرر الواقع عليك بسبب المنظمين. قد يتم ارجاع الرصيد اذا توفرت الادلة الكافية لدينا.

2. اذا تم التبليغ عنك من صاحب حساب معين و ثبت لدينا انك قد شاركت باللعب فى هذا الحساب فأنت معرض للعقاب.
ملكية الحساب هي بملكية البريد الالكتروني المسجل به هذا الحساب
تحذير هام : لا تشارك احد بكلمات سرك او كلمة سر البريد الالكتروني .

3. ممنوع منعا باتا سرقة حسابات الآخرين او اساءة استعمال مايملكون.

4. ممنوع منعا باتا استعمال اى برامج مساعدة قد تتداخل مع اللعبة او تساعدك على اللعب بطريقة او بأخرى أو تعطيك مميزات فى اللعب عن باقى اللاعبين أو متصفحات الويب التى تعطى مميزات اضافية فى اللعب عن الموجودة فى الانترنت اكسبلورر أو الفايرفوكس.

5. اذا وجدت ثغره او اى خطأ فى برمجة اللعبة يجب عليك التبليغ فورا..انت معرض للعقاب اذا أسأت استعمال هذه الثغرة لتستفيد منها.

6. ممنوع منعا باتا الاسبام او الفلود او تكرار الكلام بشكل او بآخر ايا كان. كما انه ممنوع الاعلان عن اى شىء مثل النوادى الليلية و غيرها فى الشات او الرسائل او سجل الزوار.

7. ممنوع ارسال اى روابط او لينكات قد تحتوى على مواد اباحية او جنسية او نازية او عنصرية او قد تجرح و تهين او تتحرش بأى مجموعات من البشر او الافراد او تسىء للدين او الدولة. جميع الحالات المخالفة لهذا القانون سيتم فحصها عن طريق المنظمين و لهم حرية تقرير العقوبة الملائمة حسب حجم المخالفة. ملحوظة : قد يتم التغاضى عن الاهانات البسيطة.

8. أى مدفوعات غير مسجلة على قاعدة بيانات اللعبة لن يتم أخذها فى الاعتبار. نحن غير مسئولين عن اى أموال مفقودة فى مثل هذه الحالات. اذا حدث شىء من هذا القبيل يجب عليك الاتصال بخدمة العملاء الخاصة بخطك المحمول.

9. ممنوع منعا باتا تضليل فريق التحقيقات باعطاء بيانات مزيفة او غير حقيقية.
كما انه ممنوع تقليد فريق التحقيقات او المنظمين بوجه عام والتصرف كأنك هذا الشخص على هذا الاساس .
10. يمنع مخالفة قواعد عضوية اللعبة والتى وافقت عليها عند تسجيل حسابك.

11. أى محاولة لمخالفة للقواعد و القوانين السابق ذكرها سوف تعرضك للعقاب الذى يقرره المنظمون.

12. أى نشاطات اجرامية تخالف القوانين المحلية لبلدك سوف يتم ابلاغ السلطات بها لاتخاذ اللازم.

13. هذه القوانين معرضة للتغيير فى اى وقت.

ترجمة عضو فريق التحقيقات : حــلالا

[7alala]

ودى كمان نفس القواعد بس متفسره شويه .. عملها أخونا Afuna


دي القوانين الجديدة اللي ان شاء الله هتمشي من اول روند 23 بإذن الله
المنظمين قعدوا قاعده على رواقة كده و عملوا تغييرات طفيفة بس مش غيروا القوانين كلها
الجديد كالاتي :

من اهم التغييرات في القوانين اننا مش هنفرق بين حالات القرصنة او حالات شير اليوزرات يعني كلو هيتعامل ذي بعضو في التقارير اللي هتتقدم لينا

القوانين ديه هتسري من اول روند 23 حتي اشعار اخر

1- انت المسئول الاول والخير عن اليوزر بتاعك . لو حصل حاجة لاقدر الله مفيش حاجة هترجعلك الا لو الضرر اللي حصلك حصل مننا (المنظمين) ؛ الكريدت مش هيرجعلك الا في حالة وجود ادلة كافية من فريق التحقيقات .
* وخلي بالك محدش من الكرو هيطلب منك الباص بتاع اليوزر بتاعك ابدا في اي حالة من الحالات ولو واحد عملها بلغنا فورا باسمه و بدليل على كلامك .
2- لو اتبلغ عنك من صاحب يوزر وثبت انك لعبت معاه في اليوزر وعملت اي حاجة تضر باليوزر ده انت عرضة للمعاقبة (متجيش تقول القانون لا يحمي المغفلين انت لعبت معاه عشان تعلى اليوزر مش تعمل فيه حاجة تضره)
* عندنا صاحب اليوزر هو اللعيب صاحب الايميل اللي معمول بيه الاكونت/ تحذير: متعشاركش حد في كلمة السر بتاعتك او كلمة سر البريد الالكتروني بتاع اليوزر.
3- ممنوع سرقة اي يوزر من صاحبه او او انك تبيع اليوزر حتي لو بتاعك ، وممنوع تعمل اي حاجة مشابهة للحاجات ديه عشان متتعرضش للمسائلة والبان لاقدر الله .
4- ممنوع استخدام اي برنامج ليه اي صلة باللعبة او بيساعد على عمل اي حاجة باليوزر بتاعك ومتقدرش تعملها باي من برامج التصفح المعتمدة (الفير فوكس او الانترنت اكسبلورر) او بيديك اي ميزة ضد اللعيبة اللي بتلعب اللعبة .
5- عند مواجهة اي نوع من البجس او اي خلل باللعبة وجب التبليغ به في اسرع وقت ممكن حتي لا تتعرض للعقوبة (يعني متجيش تقول انا عليت بالبج ده وانا معرفش ملناش فيه انت شفت حاجة مش طبيعية في اللعبة متستخدمهاش عشان تعلي اشمعنا بتبلغوا عن البجس اللي بتضركم بس).
6- ممنوع السبام او الفلوود او الاعلان عن اي حاجة باي طريقة من الطرق (ايا كانت سجل زوار شات او شات بار) – يعني برضو مش تقعد تعلن لنا عن البار بتاعك في الشات .
7- ممنوع منعاً باتاً ارسال اي لينك (رابط يعني) لاي حاجة جنسية ، نازية ، عرقية او تسئ للاشخاص او المجموعات او اي اساءة للدين (سب دين لأ) .
* برضو ممنوع منعاً باتاً التمييز بين الاشخاص او التحرش في اي صورة من صورة وبأي شكل من الأشكال .
* اللي هيتبلغ عنه بمخالفته لاي حاجة من اللي قلناها فوق هيبقي لينا الحرية ككرو اتخاذ العقوبة المناسبة .
* ملحوظة : محدش يبلغ عن الشتايم الثانوية او البسيطة لانها لسه مسموح بيها .
8- اي مدفوعات غير مسجلة او من قبل اللعبة لن يتم الاعتراف بيها ؛ كرايمز لن تتحمل المسئولية في حالة خسارتك اي مبلغ نقدي في هذه القضايا ، اي حالة مشابهة برجاء تقديم الشكوي للي دفعتلو الفلوس او مقدم خدمة الدفع .
يعني ايه باللبلدي كده لو مثلا بعت رسالة من موبايلك عشان تجيب رصيد ومجالكش وطلع الغلط منك انت انك كتبت الرسالة غلط و برضو اتسحب منك الفلوس روح اشتكي لخدمة العملاء عندك لاننا ملناش دعوه بالموضوع ده .
9- ممنوع منعاً باتاً استخدام اي وسيلة من الوسائل لخداع شكرات التليفون للحصول على رصيد مجاني (بلوشي من الاخر يعني) ولو اتقفشت يا جميل الرصيد هيضيع عليك ومش هيرجعلك حتي لو عملت قرد .
* برضو ممنوع تضليل فريق التحقيقات يعني مش تقدم تقارير مزيفة او فيها حاجة مزيفة / ممنوع برضو تقليد فريق التحقيقات او اي حد من الكرو يعني متقلش انك واحد من الفريق المنظمين و تتصرف على هذا الاساس .
10- اي فعل يضر اليوزرات او يخل بقوانين اللعبة هيبقي لينا فيها كلام تاني واكيد كلام مش هيعجبك لان هيزعلك زعل السنين .
11- اي خرق او محاولة لخرق القوانين ديه هتؤدي الي عقوبة قاسية يتم تحديدها من قبل كرو اللعبة .
12- احنا في مدينة الجرايم اه لكن ديه لعبة واي فعل اجرامي بجد او اي فعل يضر القوانين الدولية هنبلغ البوليس (البوليس الحقيقي ، دلوقتي مفيهاش هزار) .
13- القوانين ديه قابلة للتغيير في اي وقت بدون الحاجة لاخطار اللعيبة واحد واحد .