نظام جديد للأسلحة
كثير من التغييرات في نظام الاسلحة ، لكن سوف يتم تطبيقها كاملة في خلال دورتين عشان تبقي اخدت وقت كافي في بناء استراتيجية جديدة وكيفت نفسك على التغييرات .
في المرحلة الاولي هيبقى فى نقاط قوة للاسلحة ... النظام هيبقى عامل زى اللى بيحصل فى الحياة الواقعية تقريبا.
فى الاول لما تشترى سلاح هيشتغل معاك زى الفل. بس بعد ما تستعمله كتير سوف يتأثر سلاحك وهتلاحظ انه معدش زى الاول مع مرور الوقت وكثرة الاستعمال .
متقلقش وخليك راجل اجرام دلوقتي تاجر السلاح عيّن صنيعية جديدة عنده عندها الخبرة الكافية وهتصلحلك السلاح بتاعك وترجعوا احسن من الجديد مقابل تمن بسيط وصغير .
(هي ديه المتانة اللي المجرمين قلقانين منها)

بعد المرحلة ديه هنبدأ نطبق باقى نظام الاسلحة الجديد واللي هيبقي ممتع وهيظبطكم ويخليكم مستمتعين باللعبة اكتر واكتر لكن المراحل النهائية هنطبقها في روند 25 زى ماسبق ذكر الكلام ده واسبابه قبل كده.
تاجر السلاح برضو بقي متظبط حلو عشان يواكب العصر مع تطور الاسحلة و تطور نظامها .
بعد كده في اي عملية اجرامية من اي نوع (ماعادا هجوم العصابات) هتقدر تعرف سلاحك ساعدك قد ايه و ظبطك فى كام قوة خلال العملية من خلال الكلام اللى بيطلعلك و يقولك كسبت كام فلوس و سكيلز.
عايز تعرف قصة نظام الاسلحة الجديد كلها و ايه اللى هيزودوه فى الدوره 24 ممكن تبص على أخبار كرايمز هناك اخبار الناس المسئولة عن التطوير بس كلها انجليزى.

حوارات نادي القتال الجديدة
مازلنا مهتمين بنادي القتال و عمالين نظبط في امو عشان خاطر عيون المجرمين حبايبنا ، دلوقتي بقي في تشات في نادي القتال هيخليك تندمج مع انظمة التحدي الجديدة اللى عملناها.
موضوع حدود الهجوم انك متقدرش تهاجم واحد اقل منك بكذا او اكبر منك بكذا ونظام عدد مرات الدخول في اليوم لنادي القتال اتلغيت خلاص .

تسهيلات اكتر فى بعض اجزاء اللعبة
دلوقتي من اهم الاخبار اللي منقدرش نفوتها ان احنا عملنا بعض التسهيلات الجامدة عن اي وقت عدي فى اجزاء من اللعبة بعد تحسين الاسلحة واضافة النظام الجديد .
في صفحة الهجوم وكمان فى نادى القتال هتلاقي في قايمة خصومك اللي عايز تبهدلها و تهجم عليها هتلاقي اساميهم ذي زمان لكن الجديد هتلاقي جنب اساميم احترامهم بين قوسين .
ولو لاقدر الله طلعت نص كم و اتنفخت علقة محترمة ورحت المستشفي هتلاقي معلومات زيادة عن اللي حصل جاتلك وعرفت انت روحت المستشفي ليه .

السجن للجدعان و منقدرش ننسي الجدعان
زمان كلنا فاكرين ان اللي يتسجن ميطلعش في قايمة الاوائل سواء على بلده او على العالم لكن كل ده كان زمان دلوقتي هيطلعوا في قوائم الاوائل لو احترامتهم حلوة حتي لو مسجونين
لان مش معنى ان انت مسجون تبقى مش مجرم...انت شوية وخارج من السجن و راجع للاجرام تانى.

العناية الخاصة
خلاص دلوقتي مفيش لا تستني نص ساعة ولا ربع ثانية لما تدفع الكريدت عشان تخرج من المستشفي
وده بسبب تقدم التقنيات الطبية في مدينة الجرايم و علمائها طوروا العناية وبقيت تخرج في ساعتها .

قوائم اوائل السفاحين على البلاد
دلوقتي مبقاش في اول 50 سفاح على العالم بس لا دلوقتي بقي في اول 50 سفاح على العالم و اول 50 سفاح على كل بلد زي قوائم اوائل البلاد برضو .

تحويل الرصيد
عايز تدي رصيد لصاحبك نظام انك تدهولو علي راس رابيت بقي من الماضي ، ودلوقتي تقدر تحول لصاحبك رصيد زي مانت عايز لكن ضمانا للامان كل يوزر مسموحلو بعمليه تحويل واحده في اليوم وهيتم تأكيد التحويل عن طريق البريد الالكتروني.

مركز جديد للدعم الفنى (Support Center)
عملنا نظام احدث لمركز الدعم الفنى هيطبق من اول الدورة دى ، الرابط هيفضل زى ماهو متغيرش.

______________________________________
ترجمة مبدئية : أفيونا
مراجعة نهائية : حلالا