الدورة 25
ان شاء الله في روند نار مستنيننا مع حاجات كلها جديدة
اللعبة مش هتبقي اكتر متعة بس عشان كل الحاجات الجديدة اللي عملناها في الروند الجديد لكن عشان التطورات الجديدة هتمنع برامج الغش (البوت) والرابيتس اكتر
من الاخر الدورة 25 هتبقي ضرب ناااااااااااااار
الدورة 25 هتبدأ يوم الاتنين بتاريخ 14 ينياير الساعة 7 مساءً بتوقيت مصر و 8 بتوقيت السعودية
لو عايز تعرف الدورة هتبدأ امتي بالظبط زور الموقع TimeandDate.com عشان تعرف امتي هتبدأ في بلدك بالظبط

جديد روند 25
  • الاحداث العشوائية
    لو شايف ان كرايمز بقت مليانه علووق و مجرد مجرمين و عالم نص نص
    خلاص من دلوقتي كل واحد في كرايمز هنثبته ونسأله سؤال لو جاوبه صح هنديله جايزة لكن لو جاوبه غلط هيبقي مستنيه فجيبعة نص نص زيو يعني ممكن ياخد في سنانه

    الرسايل
    كل يوم اتنين كنا بنمسح الرسايل بشكل تلقائي عشان السيرفر كان هو كمان علق
    عملنا نظام جديد خلاص نظام حديد
    رسايلك مش هتتحرق تاني خلاص انت اللي هتقرر تعمل ايه في رسايلك لمدة اسبوع
    يا تسيبه يا تحرق ديييك امها

    الحسابان الموثوقة
    فكك من انك تدي الباص لصاحبك وتوجع قلبك
    دلوقتي ممكن تعمل ذي حبل ثقة بينك وبينه دانت تقدر تعملها مع 3 من صحابك كمان مش واحد بس
    كده هيقدروا يدخلو على اليوزر و يلعبوا بيه معاك من غير ما يستخدموا الرصيد اللي انت تعبت وجبته بفلوسك او يغيروا البروفايل اللي انت كاتب فيه الحاجات اللي انت بتحبها

    تغيير في السكيلز بتاعة الهجوم
    عشان نحط واقعية اكتر في اللعبة وعشان نخلي حياة اللي لسه بادئين اسهل
    لو ضربك واحد مجرم كبير شراني مش هياخد سكيلز كتيرة زي زمان وانت مش هتشيل اوبح برضو يعني مش هتخسر سكيلز بالعبيط
    لكن لو حبيت تلعب مع الاسد وضربت المجرم ده مش هتدي الاسد قصدي المجرم الشراني قد ما هتخسر لانو هياخد اقل بكتيييييييييييييير
    يعني بالعربي لو واحد اكبر منك هجم عليك هتنقص سكيلز اقل وهو هياخد سكيلز اقل من ما كان بياخد زمان
    لكن لو انت اللي هجمت وخسرت هتنقص سكيلز جامدة لكن هو برضو مش هياخد سكيلز كبيرة

    نظام الاسلحةً
    عايز تبقي استاذ ورئيس قسم في مسك البوندوجة!؟
    دلوقتي نظام الاسحلة اللي كنا بنتكلم عليه اتطبق بشكل كامل مع نظام البراعة الجديد و المهارات المطلوبة .
    لان دلوقتي تاجر السلاح هيبعلك السلاح حتي لو ان السلاح تقيل علي ايدك لكن قبل ما هيبعلك هيقولك براعتك كام و سكيلزاتك كام عشان سلاحك يشتغل معاك زي مانت عايز
    لكن من غير الشروط ديه سلاحك مش هيشتغل معاك وهيبقي زي قلته

    رسايل الزعماء والايد اليمين بتاعتهم
    دايما شايف زعيمك نص نص وطور الله في برسيمه ؟
    دلوقتي كل زعيم عصابة يقدر يبعت رسالة موحدة لكل الاعضاء مش لازم يبعتها لواحد واحد زي زمان لانو اتعمل لما دخل مدرسة اجنبية وكمان علم النائب بتاعه ازاي يعملها
    النائب انبهر ووعد انه هيستخدمها مع الزعيم في الدورة الجديدة

    بيوت الحريم والمشاريع
    "هل بيت الحريم بينتج حريم ؟"
    "احا في كيس طبعاً لا"
    "امال ليه بروح امك حاطينه في صفحة المصانع !!"
    "سؤال ذكي "
    دلوقتي بيت الحيم مش هتشتريه من صفحة المصانع تاني هتشتريه من صفحة المشاريع مع البارات

    آثــار الادمان
    شغال على ودنو بقالك كتير وخاربها !؟
    متهيألي ده وقت الديتوكس !! لو ادمانك في العالي هتتلخبط تاخد مخدرات قد ايه و هتنسي نفسك وتفوق تلاقي نفسك في حتت غلط مش عارف وصلت لها ازاي
    او ممكن اسوء من كده يجيلز اوفر دوز و تخش المستشفي

    حزم اجارامية جديدة
    عايز زقة زيادة عند كل المجرمين !؟ اكيد عايز
    دلوقتي خش عند تاجر السلاح و المزز و المصانع
    تاجر السلاح يقدر يديك زخيرة قوية لمدة كبيرة تقدر تخرتق بيها اعدائك
    المزز هتاخد حبات هيجان كده تخليها شغالة على ودنوا وتجيبلك فلوووس وتعييييييييش
    المصانع هتدي حبات اكسسه لعمالك يشتغلوا نار وبالتالي هتستخدم عمال اقل و هتدفع اجور اقل
    كمان عملنا تحسين للحزم الاجرامية اللي في الاول تخليك تبدأ اقوي واحسن من الاول

    الشرطة الحلوة
    الشرطة مش عارفه تمسك ناس على قد ما تقدر هما متأكدين ان عشان يحلو المشاكل لازم يبدأوا من الجذور
    فا دلوقتي عشان تهاجم واحد لازم يكون اعلى من 200 احترام مش 100 بس
    وكمان فرصة انك تتقفش في سرقة قلت كتييير
    سمعنا رئيس الشرطة بيقول " وانا مالي خلي العصابات تقطع في بعضيها بعيد عني"

    مختبري البيتا البارزين
    رجالتنا اللي بنعتمد عليهم هما عملوا معظم المساهمات و لقوا الاخطاء في بيتا وقدموا اقتراحات عشان كده هنديهم جوايز في اول كل روند في البيتا يعني هنديهم رصيد عشان يعيشوا و يستخدموهم في الاختبار
    خلي عينك على الجورنال عشان تشوف اساميهم مين عارف !؟ يمكن يكون اسمك بينهم

    تغير في مهارات السرقة
    تغير مهاراتك اللي هتقفشها من السرقة هيبقي معتمد على قوة ادائك لعملية السرقة ومش مجرد احصائيات الحرامي .
    دلوقتي اللعيبة هياخدوا اعلي سكيلز ومهارات من السرقة لو قوتهم على القد بالظبط انهم ينجحوا في السرقة .

    بارات الموتي
    صاحب المشاريع دايماً مش بيبقي موجود عشان يتابع مشاريعه لازم بيبقي في حد من جوه مدير البار مثلا او بيت الحريم هو اللي طافح الكوته عشانه .
    عشان نعمل محاكاة للواقع دلوقتي تقدر تخش بار اللعيب في اي وقت حتي لو كان متجبس في الطوارئ يعني مفيش رسالة صاحب البار ده ميت تاني

    تغييرات متنوعة
    زيادة في ايجار المصانع وصيانتها
    دلوقتي اللعبة هتبدأ من يوم 1 مش 0 زي زمان
    المزز مش هتخش في معادلة احترامك خلاص


هــــام للغــاية
القوانين اتغير فيها حبة حاجات و هتلاقوها موجوده هنا برضه في المنتدي
قوانين اللعبة